|
ລັດຖະມົນຕີການຕ່າງປະເທດອີຣັກກ່າວວ່າ,ການເລືອກຕັ້ງທົ່ວໄປຄວນຈັດຂຶ້ນຕາມເວລາກຳນົດ
cri
Author: zl
ຕາມຂ່າວCRI:ວັນທີ 16 ມັງກອນ,ສື່ມວນຊົນຊອກດານີລາຍງານວ່າ,ທ່ານຈືປາຣີ ລັດຖະມົນຕີການຕ່າງປະເທດຂອງລັດຖະບານຊົ່ວຄາວອີຣັກກ່າວເນັ້ນວ່າ,ການເລືອກຕັ້ງທົ່ວໄປຂອງອີຣັກຄວນຈັດຂຶ້ນໃນທ້າຍເດືອນມັງກອນນີ້ຕາມເວລາກຳນົດ.ການເລືອກຕັ້ງສາມາດຈັດຕັ້ງລັດຖະບານທີ່ຕາງໜ້າຄວາມປາຖະໜາຂອງຊາວອີຣັກສ່ວນຫຼາຍທີ່ສຸດ,ແລະຮັບຜິດຊອບຜົນປະໂຫຍດຂອງຜູ້ມີສິດເລືອກຕັ້ງ.
ທ່ານຈຶປາຣີເວົ້າວ່າ,ສະຖານະການອີຣັກກຳລັງຕົກຢູ່ໃນສະພາບອັນຕະລາຍຄັບຂັນ,ປະຈຸບັນ,ອີຣັກປະເຊີນການທົດສອບອັນຂ້ຽວຂາດທີ່ສຸດ.
ທ່ານຈືປາຣີເວົ້າວ່າ,ການສ້າງສາອີຣັກຄືນໃໝ່ຕ້ອງທຳຄວາມພະຍາຍາມ ຫຼວງຫຼາຍ.ທ່ານກ່າວເນັ້ນວ່າ,ລັດຖະບານຊົ່ວຄາວອີຣັກຈະໃຊ້ມາດຕະການອັນຈຳເປັນຫຼັງການເລືອກຕັ້ງທົ່ວໄປ,ທຳຄວາມພະຍາຍາມເພື່ອຟື້ນຟູຄວາມປອດໄພແລະສະຖຽນລະພາບຂອງອີຣັກເທື່ອລະກ້າວ.
|
|
