|
ຕາມຂ່າວCRI: ໜັງສືພິມ "ວໍຊິງຕັນພົສ" ສະບັບວັນທີ 16 ໄດ້ລົງພິມບົດໃຫ້ສຳພາດຂອງທ່ານບຸສ ປະທານາທິບໍດີອາເມລິກາວ່າ, ກອງທະຫານອາເມລິກາຈະຖອນອອກຈາກອີຣັກໂດຍໄວ, ແຕ່ປະຖົມປັດໄຈຖອນທະຫານແມ່ນສຳເລັດພາລະກຳຂອງຕົນ.
ໃນເວລາໃຫ້ສຳພາດຕໍ່ນັກຂ່າວ, ທ່ານບຸສກ່າວວ່າ, ພາລະກຳໜຶ່ງຂອງກອງທະຫານອາເມລິກາປະຈຳອີຣັກແມ່ນອົບຮົມຊາວອີຣັກ, ເຮັດໃຫ້ພວກເຂົາເຈົ້າສາມາດໂຈມຕີພວກກໍ່ການຮ້າຍ. ແຕ່ທ່ານບໍ່ໄດ້ວາງຕາລາງເວລາຖອນທະການອາເມລິກາອອກຈາກອີຣັກ.
ໃນມື້ດຽວກັນ ທ່ານຟາຣອກ ອານ-ຊາຣາ ລັດຖະມົນຕີການຕ່າງປະເທດຊີເລຍໄດ້ພົບປະທ່ານອາສຣາບ ຄາຊີ ທູດພິເສດສະຫະປະຊາຊາດປະຈຳອີຣັກທີ່ມາຢ້ຽມຢາມ, ທ່ານຮຽກຮ້ອງສະຫະປະຊາຊາດຄວນເສີມຂະຫຍາຍບົດບາດອັນຕັ້ງໜ້າຢູ່ອີຣັກ, ຊ່ອຍປະຊາຊົນອີຣັກຫຼຸດພົ້ນອອກຈາກສະພາບຫຍຸ້ງຍາກໃນສະເພາະໜ້ານີ້, ສ້າງປະເທດທີ່ມີເສລີພາບແລະເອກະລາດ, ຊຳລະວຽກງານຂອງປະເທດຕົນໂດຍເປັນເຈົ້າຕົນເອງ.
|
