|
|
 |
| (GMT+08:00)
2005-01-17 22:22:06
|
 |
|
ທ່ານຊາລົງຈະພົບປະກັບທ່ານອັບບາສບໍ່
cri
CRI ລາຍງານວ່າ,ກ່ອນແລະຫລັງການເລືອກຕັ້ງທົ່ວໄປຂອງປາເລັສຕີນ,ທ່ານຊາລົງ ນາຍົກລັດຖະມົນຕີອິສຣາແອນແລະທ່ານອັບບາສປະທານອົງການອຳນາດແຫ່ງຊາດປາເລັສຕີນຕ່າງເວົ້າວ່າ,ຍິນດີເຈລະຈາກັບຝ່າຍກົງກົນຂ້າມໃນໄວໆນີ້,ຕາມຊາບວ່າ,ປະຈຸບັນນີ້,ເຈົ້າຫນ້າທີ່ທີ່ກ່ຽວຂ້ອງຂອງປາເລັສຕີນແລະອິສຣາແອນພວມພົບພໍ້ດ້ານວຽກງານ,ແລະປະສານງານຫລັກຫມັ້ນຂອງສອງຝ່າຍ,ເພື່ອລົບລ້າງອຸປະສັກຂັດຂວາງໃຫ້ແກ່ການເຈລະຈາທີ່ກຽມຈັດຂຶ້ນເທື່ອນີ້,ບຸກຄົນວິເຄາະຊີ້ອອກວ່າ,ຖ້າວ່າການເຈລະຈາສອງຝ່າຍສາມາດຈັດຂຶ້ນໄດ້ໃນທີ່ສຸດ, ກໍຈະມີຄວາມຫມາຍສຳຄັນຕໍ່ການຈັດຂະບວນວິວັດສັນຕິພາບຄືນໃຫມ່.
ເວົ້າສຳລັບທ່ານຊາລົງ ນາຍົກລັດຖະມົນຕີອິສຣາແອນແລ້ວ,ການເຈລະຈາກັບທ່ານອັບບາສແມ່ນມາດຕະການສຳຄັນທີ່ຕອບສະຫນອງຄວາມພະຍາຍາມຂອງປະຊາຄົມໂລກທີ່ຊຸກຍູ້ສັນຕິພາບແລະປົກປັກຮັກສາພາບພົດສາກົນຂອງອິສຣາແອນ.ທ່ານາອັບບາສທີ່ຍຶດຫມັ້ນແນວຄຶດສ້າງປະເທດໂດຍສັນຕີໄດ້ຮັບການສະຫນັບສະຫນູນໂດຍທົ່ວໄປຈາກປະຊາຄົມໂລກ.ພາຍຫລັງທ່ານອັບບາດຖືກເລືອກຕັ້ງເປັນປະທານອົງການອຳນາດແຫ່ງຊາດປາເລັສຕິນແລ້ວ,ທ່ານບຸສປະທານາທິບໍດີອາເມລິກາໄດ້ເຊື້ອເຊີນທ່ານໄປຢ້ຽມຢາມອາເມລິກາ,ແລະສະແດງວ່າຈະສືບຕໍ່ກຽມສະຫນອງການຊ່ອຍເຫຼືອດ້ານເສດຖະກິດກ້ອນໃຫຍ່ແກ່ປາເລັສຕີນ,ໃຕ້ກໍລະນີແນວນີ້,ທ່ານຊາລົງຕ້ອງໄປຕາມປ່ອງລ່ອງຕາມແປວ,ສະແດງທ່າທີທີ່ມີມິດຕະພາບຕໍ່ຊັ້ນນຳຊຸດໃຫມ່ຂອງປາເລັສຕີນເຊິ່ງນຳໂດຍທ່ານອັບບາສ
ອີກດ້ານຫນຶ່ງ,ເພີ່ມທະວີການຮ່ວມມືກັບຝ່າຍປາເລັສຕີນແລະປະສານງານປະຕິບັດແຜນການການເຄື່ອນໄຫວແຕ່ຝ່າຍດຽວ,ເວົ້າສຳລັບອິສຣາແອນແລ້ວ,ກໍມີຄວາມຫມາຍຕົວຈິງທີ່ສຳຄັນ,ເພາະວ່າ,ຕໍ່ແຜນການການເຄື່ອນໄຫວແຕ່ຝ່າຍດຽວຂອງທ່ານຊາລົງ,ພາຍໃນປະເທດອິສຣາແອນເປັນຫ່ວງເປັນໃຍໂດຍຕະຫຼອດ,ກໍຄື:ພາຍຫລັງອິສຣາແອນຖອນອອກໄປແລ້ວ,ແຖບກາຊາຈະກາຍເປັນແດນສະຫວັນຂອງອິທິກຳລັງຫົວຮຸນແຮງຂອງປາເລັສຕີນແລະຖານທັບຂອງເຂົາເພື່ອສືບຕໍ່ກໍ່ການຫຼອນໂຈມຕີພາຍໃນອິສຣາແອນ,ແລະຈະສ້າງໄພຮ້າຍທີ່ແຝງຊ້ອນ ສຳຄັນໃຫ້ແກ່ຄວາມປອດໄພໃນອະນາຄົດຂອງອິສຣາແອນ,ຖ້າວ່າພາຍຫລັງທ່ານ ອັບບາສທີ່ຍຶດຫມັ້ນການເຈລະຈາສັນຕິພາບກຳອຳນາດແລ້ວສາມາດຄວບຄຸມອົງການຫົວຮຸນແຮງຂອງປາເລັສຕີນຢ່າງສຳເລັດຜົນ,ແລະສາມາດປະຕິຮູບກອງທະຫານຮັກສາຄວາມປອດໄພແລ້ວ,ການເປັນຫ່ວງເປັນໃຍຂອງອິສຣາແອນ; ພາຍຫລັງຖອນອອກຈາກແຖບກາຊາແລ້ວກໍຈະລົບລ້າງໄດ້ໃນສ່ວນໃຫຍ່,ເວົ້າສຳລັບອິສຣາແອນແລ້ວ,ຖ້າວ່າຝ່າຍປາເລັສຕີນສາມາດແບກຫາບຫນ້າທີ່ຮັບຜິດຊອບຄວາມປອດໄພທີ່ສົມຄູ່ຢ່າງມີປະສິດທິຜົນ,ທີ່ຈິງແລ້ວແຜນການຖອນທະຫານສອງຝ່າຍທີ່ປະສານງານກັບຝ່າຍປາເລັສຕີນນັ້ນຈະສອດຄ່ອງກັບຜົນປະໂຫຍດຍິ່ງຫຼາຍກວ່າແຜນການການເຄື່ອນໄຫວແຕ່ຝ່າຍດຽວ,ນີ້ກໍແມ່ນສາຍເຫດສຳຄັນອັນຫນຶ່ງທີ່ເປັນຫຍັງທ່ານຊາລົງເວົ້າຕັ້ງຫຼາຍເທື່ອຍິນດີຫາລືບັນຫາຄວາມປອດໄພກັບທ່ານອັບບາສ
ນອກນີ້,ທ່ານຊາລົງຫວັງໃຫ້ເຈລະຈາກັບທ່ານອັບບາສນັ້ນຍັງພິຈາລະຈາເຖິງການປັບປຸງສະຫະພັນກຳອຳນາດຂອງທ່ານໃຫ້ຫມັ້ນຄົງຕື່ມອີກ.
ການຈັດການເຈລະຈາກັບອິສຣາແອນຄືນໃຫມ່ແມ່ນຫລັກຫມັ້ນຂອງຝ່າຍປາເລັສຕີນໂດຍຕະຫຼອດ,ແຕ່ວ່າຕໍ່ທ່າທີຂອງທ່ານຊາລົງທີ່ສະແດງໃນຫວ່າງມໍ່ໆນີ້ວ່າຍິນດີເຈລະຈາກັບທ່ານອັບບາສນັ້ນ,ຝ່າຍປາເລັສຕີນພັດມີທ່າທີສະຫງວນໄວ້,ທ່ານຊາລົງເວົ້າຕັ້ງຫຼາຍເທື່ອວ່າ:ການເຈລະຈາລະຫວ່າງທ່ານກັບທ່ານອັບບາສຕົ້ນຕໍຈະຫາລືເລື່ອງອົງການຫົວຮຸນແຮງຂອງປາເລັສຕີນເຊົາການຫຼອນໂຈມຕີອິສຣາແອນດ້ວຍກຳລັງອາວຸດ,ແຕ່ຝ່າຍປາເລັສຕີນມີເຈດຈຳນົງວ່ານອກຈາກບັນຫາຄວາມປອດໄພຍັງຄວນຫາລືຫົວຂໍ້ການເມືອງອັນກວ້າງຂວາງກວ່າເກົ່າໂດຍອີງຕາມການກຳນົດຂອງແຜນການເສັ້ນທາງສັນຕິພາບຕາເວັນອອກກາງ, ຫວ່າງມໍ່ໆນີ້,ທ່ານຄູໄລ ນາຍົກລັດຖະມົນຕີລັດຖະບານປາເລັສຕີນປົກຄອງຕົນເອງເວົ້າວ່າ,ຝ່າຍປາເລັສຕີນຫວັງໃຫ້ຈັດການເຈລະຈາທີ່ມີເນື້ອໃນທາດແທ້ແລະໄດ້ກຽມຢ່າງເຕັມສ່ວນກັບອິສຣາແອນ,ຫາກບໍ່ແມ່ນການພົບປະແບບງ່າຍໆ,ທ່ານຊາອາສ໌ ລັດຖະມົນຕີການຕ່າງປະເທດປາເລັສຕີນເວົ້າຢ່າງຈະແຈ້ງວ່າໃນສອງສັບປະດາມໍ່ໆນີ້,ໂອກາດຈັດການເຈລະຈາລະຫວ່າງທ່ານອັບບາສກັບທ່ານຊາລົງນັ້ນຍັງບໍ່ທັນສຸກງອມເທື່ອ,ຄວາມປາຖະຫນາສັນຕິພາບຂອງອິສຣາແອນຍັງຕ້ອງການທົດສອບດ້ວຍພຶດຕິກຳ.
ບຸກຄົນວິເຄາະເຫັນວ່າ,ເນື່ອງຈາກສອງຝ່າຍຍັງມີຄວາມເຫັນຂັດກັນໃນດ້ານຫົວຂໍ້ການເຈລະຈາເປັນຕົ້ນ,ການເຈລະຈາຈະສາມາດຈັດຂຶ້ນໃນທີ່ສຸດໄດ້ຫຼືບໍ່,ຈະໄດ້ຮັບຫມາກຜົນຫຼາຍປານໃດນັ້ນ,ຍັງຕ້ອງສັງເກດເບິ່ງຕື່ມອີກ.
|
|
|
