|
ການຄ້າກັບລາວຂອງແຂວງຢຸນນານໄດ້ເພີ່ມຂຶ້ນຢ່າງແຂງແຮງ ມູນຄ່າການຄ້າໄດ້ສ້າງສະຖິຕິສູງສຸດໃນປະຫວັດສາດ
cri
ຕາມສະຖິຕິດ່ານພາສີຄຸນມິງ,ແຕ່ເດືອນມັງກອນຮອດເດືອນຕຸລາປີ 2004,ຍອດມູນຄ່າການຄ້າຂາເຂົ້າຂາອອກກັບລາວຂອງແຂວງຢຸນນານໄດ້ມີ 27 ລ້ານ 3 ແສນ 2 ຫມື່ນໂດລາສະຫະລັດ,ກວມມູນຄ່າການຄ້າຈີນລາວ 28,6%,ເພີ່ມຂຶ້ນຫລາຍກວ່າເວລາດຽວກັນຂອງປີ 2003 89,5%.ໃນນັ້ນ,ຂາເຂົ້າມີ 5 ລ້ານ 1 ແສນ 8 ຫມື່ນໂດລາສະຫະລັດ,ເພີ່ມຂຶ້ນຫລາຍກວ່າເວລາດຽວກັນໃນປີ2003 34,2%;ຂາອອກມີ 22 ລ້ານ 1 ແສນ 4 ຫມື່ນໂດລາສະຫະລັດ,ເພີ່ມຂຶ້ນຫລາຍກວ່າເວລາດຽວກັນໃນປີ 2003 1,1 ເທົ່າ.
ການຄ້າກັບລາວຂອງແຂວງຢຸນນານຍັງຄົງຖືການຄ້າມູນຄ່າຫນ້ອຍຢູ່ເຂດຊາຍແດນເປັນຕົ້ນຕໍ,ການຮັບເຫມົາໂຄງການຂອງຕ່າງປະເທດໄດ້ເພີ່ມຂຶ້ນ 55 ເທົ່າ.ແຕ່ເດືອນມັງກອນຮອດເດືອນຕຸລາປີ 2004,ແຂວງຢຸນນານໄດ້ຂາເຂົ້າຂາອອກຕໍ່ລາວດ້ວຍແບບວິທີການຄ້າມູນຄ່າຫນ້ອຍຢູ່ເຂດຊາຍແດນ 12 ລ້ານ 6 ຫມື່ນໂດລາສະຫະລັດ,ເພີ່ມຂຶ້ນຫລາຍກວ່າເວລາດຽວກັນໃນປີ 2003 35,5%,ກວມ 44,1% ຂອງຍອດມູນຄ່າການຄ້າລະຫວ່າງແຂວງຢຸນນານກັບລາວ;ການຄ້າທຳມະດາລະຫວ່າງແຂວງຢຸນນານກັບລາວມີ 5 ລ້ານ 5 ແສນ 8 ຫມື່ນໂດລາສະຫະລັດ,ເພີ່ມຂຶ້ນ 18,5%.ສິ່ງທີ່ເປັນຫນ້າກ່າວເຖິງນັ້ນແມ່ນ,ຄຽງຄູ່ກັບການຮ່ວມມືດ້ານເສດຖະກິດສອງຝ່າຍໃນຫລາຍປີມານີ້ໄດ້ລົງສູ່ລວງເລິກເລື້ອຍໆ,ແບບວິທີການຄ້າກັບລາວກໍ່ໄດ້ຫັນເປັນຫລາຍຢ່າງຫລາຍແນວເທື່ອລະກ້າວ,ປີ 2004,ການຄ້າຂາອອກຂອງແຂວງຢຸນນານດ້ວຍແບບວິທີຮັບເຫມົາໂຄງການຢູ່ຕ່າງປະເທດແລະສົ່ງອອກເຄື່ອງຂອງໄດ້ມີ 9 ລ້ານ 5 ແສນ 5 ຫມື່ນໂດລາສະຫະລັດ,ເພີ່ມຂຶ້ນຫລາຍກວ່າເວລາດຽວກັນໃນປີ 2003 55 ເທົ່າ,ໄດ້ລື່ນກາຍມູນຄ່າການຄ້າຂອງການຄ້າທຳມະດາ,ການຮັບເຫມົາໂຄງການຢູ່ຕ່າງປະເທດໄດ້ກາຍເປັນແບບວິທີການຄ້າຕົ້ນຕໍຂອງການສົ່ງອອກຕໍ່ລາວຂອງແຂວງຢຸນນານ.
ຕາມວິເຄາະວ່າ,ສິ່ງທີ່ແຂວງຢຸນນານນຳເຂົ້າຈາກລາວນັ້ນແມ່ນຜະລິດຕະພັນຂັ້ນຕົ້ນ ຫມົດ,ຕົ້ນຕໍແມ່ນໄມ້ທ່ອນ ອ້ອຍແລະຢາງພາລາ,ຜະລິດຕະພັນທີ່ສົ່ງອອກໃຫ້ລາວນັ້ນມີ 96,3% ແມ່ນຜະລິດຕະພັນອຸດສາຫະກຳທີ່ສຳເລັດຮູບ.ຄຽງຄູ່ກັບການກໍ່ສ້າງທາງຫລວງຄຸນມິງ-ບາງກອກ,ຄວາມຕ້ອງການເຄື່ອງຈັກອຸປະກອນຂອງລາວໄດ້ເພີ່ມຂຶ້ນຢ່າງຫລວງຫລາຍ,ແຕ່ເດືອນມັງກອນຮອດເດືອນຕຸລາປີ 2004,ເຄື່ອງຈັກແລະອຸປະກອນຂົນສົ່ງທີ່ສົ່ງອອກໃຫ້ລາວມີ 9 ລ້ານ 8 ແສນ 3 ຫມື່ນໂດລາສະຫະລັດ,ເພີ່ມຂຶ້ນຫລາຍກວ່າເວລາດຽວກັນໃນປີ 2003 1,1 ເທົ່າ,ກວມມູນຄ່າສົ່ງອອກໃຫ້ລາວ 44,4%.ພາໃຫ້ມີການສົ່ງອອກເຫັຼກກ້າ 1 ລ້ານ 2 ແສນ 8 ຫມື່ນໂດລາສະຫະລັດ,ເພີ່ມຂຶ້ນຫລາຍກວ່າເວລາດຽວກັນໃນປີ2003 3 ເທົ່າ,ການສົ່ງອອກຊີມັງກໍ່ເພີ່ມຂຶ້ນ 66,7%,ສົ່ງອອກເຄື່ອງນຸ່ງ 2 ລ້ານ 3 ແສນ 6 ຫມື່ນໂດລາສະຫະລັດ,ເພີ່ມຂຶ້ນ 1,2 ເທົ່າ,ຍັງຄົງແມ່ນສິນຄ້າໃຫຍ່ອັນດັບສອງທີ່ແຂວງຢຸນນານສົ່ງອອກໃຫ້ລາວ.
ຕາມສະຖິຕິ,ແຕ່ເດືອນມັງກອນຮອດເດືອນຕຸລາປີ 2004,ມູນຄ່າການຄ້າກັບລາວຂອງທົ່ວປະເທດຈີນທີ່ຜ່ານດ່ານແຂວງຢຸນນານມີ 63 ລ້ານ 3 ແສນ 2 ຫມື່ນໂດລາສະຫະລັດ;ໃນນັ້ນ,ມູນຄ່າການຄ້າຜ່ານດ່ານບໍ່ຫານມີ 63 ລ້ານ 6 ຫມື່ນໂດລາສະຫະລັດ,ກວມ 66,1% ຂອງຍອດມູນຄ່າການຄ້າຈີນລາວ.
|
|
