|
|
 |
| (GMT+08:00)
2005-01-18 11:24:57
|
 |
|
ອົງການຫົວຈັດປາເລັສຕີນປະຕິເສດຢຸດຕິການຫຼອນໂຈມຕີເປົ້າໝາຍອິສຣາແອນ
cri
Author: zl
ຕາມຂ່າວCRI:ວັນທີ 17 ມັງກອນ,ຂະບວນອິສລາມປາເລັສຕີນຕໍ່ຕ້ານ ແນວໂຮມປະຊາຊົນປົດປ່ອຍປາເລັສຕີນ ແລະກອງພົນນ້ອຍຜູ້ເສຍສະຫຼະອາອັກຊາ ອົງການການທະຫານສັງກັດອານຟາຕາຕ່າງໄດ້ໃຫ້ສຳພາດຫຼືອອກຖະແຫຼງການ,ປະຕິເສດຄຳຮຽກຮ້ອງຂອງທ່ານອັບບາສ ປະທານອົງນາດອຳນາດແຫ່ງຊາດປາເລັສຕີນກ່ຽວກັບການຢຸດຕິການຫຼອນໂຈມຕີເປົ້າໝາຍອິສຣາແອນດ້ວຍກຳລັງອາວຸດ.
ຕາມເຜີຍໃຫ້ຮູ້ວ່າ,ລັດຖະບານປາເລັສຕີນປົກຄອງຕົນເອງໄດ້ວາງແຜນການແລະມາດຕະການຊຳລະບັນຫາຄວາມປອດໄພພາຍໃນ,ແລະຈະຮັກສາການສົນທະນາກັນກັບບັນດາຝ່າຍປະກອບອາວຸດ,ຫວັງໃຫ້ພວກເຂົາເຈົ້າເຂົ້າຮ່ວມກອງຮັກສາຄວາມປອດໄພປາເລັສຕີນ.ເພື່ອເລື່ອງນີ້,ທ່ານອັບບາສຈະເດີນທາງໄປແຖບກາຊາໃນວັນທີ 19 ມັງກອນ,ຫາລຶກັນກັບຜູ້ແທນບັນດາຝ່າຍກ່ຽວກັບການຊຳລະຄວາມປອດໄພພາຍໃນປາເລັສຕີນແນວໃດແລະບັນລຸການຢຸດຍິງກັບອິສຣາແອນເປັນຕົ້ນ.
ໂດຍແນໃສ່ມາດຕະການຂອງຝ່າຍປາເລັສຕີນ,ວັນທີ 17 ມັງກອນ,ກະຊວງປ້ອງກັນປະເທດອິສຣາແອນເວົ້າວ່າ,ອິສຣາແອນຈະຢຸດຕິການເຄື່ອນໄຫວທາງການທະຫານຂະໜາດໃຫຍ່ຕໍ່ປາເລັສຕີນ.ແຕ່ກ່າວເນັ້ນວ່າ,ຖ້າຜູ້ປະກອບອາວຸດປາເລັສຕີນຍັງຫຼອນໂຈມຕີເປົ້າໝາຍອິສຣາແອນຄືເກົ່າແລ້ວ,ທະຫານອິສຣາແອນກໍຈະເປີດການໂຈມຕີທາງການທະຫານແບບແກ້ແຄ້ນ.
|
|
|
