|
ຕາມຂ່າວCRI: ໂດຍຕອບສະໜອງຕາມຄຳເຊີນຂອງພະບາດສົມເດັດພູມີພົນ ອະດຸນຍະເດດ ເຈົ້າຊີວິດ ແລະພະອັກຄະມະເຫສີລາຊະອານາຈັກໄທ, ວັນທີ 17 ມັງກອນ ທ່ານນາທານ ປະທານາທິບໍດີສິງກະໂປພ້ອມດ້ວຍພັນລະຍາໄດ້ເດີນທາງໄປຮອດບາງກອກ ນະຄອນ ຫຼວງແຫ່ງປະເທດໄທ, ເລີ່ມຢ້ຽມຢາມໄທທາງລັດຖະກິດເປັນເວລາ 5 ມື້.
ໃນໄລຍະຢ້ຽມຢາມໄທ, ທ່ານນາທານຈະເຂົ້າພົບເຈົ້າຊີວິດໄທ, ແລະເຈລະຈາກັບທ່ານທັກສິນ ຊິນນະວັດ ນາຍົກລັດຖະມົນຕີໄທ. ທ່ານນາທານຍັງຈະໄປຢາມເຂດພັດທະນາກະສິກຳຫຼວງແລະສູນເຄື່ອງສິລະປະຫັດຖະກຳພື້ນເມືອງຢູ່ຈັງຫວັດຊຽງໃໝ່ ທາງພາກເໜືອປະເທດໄທ, ສຸດທ້າຍຈະໄປສຳຫຼວດເຂດປະສົບໄພຄື້ນທະເລຊູນາມີຮ້າຍແຮງຢູ່ຈັງຫວັດພູເກັດ.
ປີນີ້ແມ່ນປີໄທສິງກະໂປສ້າງສາຍສຳພັນທາງການທູດຄົບຮອບ 40 ປີ. ຫາງສຽງໄທເຫັນວ່າ, ທ່ານນາທານຢ້ຽມຢາມໄທຈະປັບປຸງການພົວພັນໄມຕີຈິດລະຫວ່າງສອງປະເທດໃຫ້ໝັ້ນຄົງຕື່ມອີກ.
|
