|
|
 |
| (GMT+08:00)
2005-01-19 11:52:45
|
 |
|
ທ່ານບຸສໂທລະສັບກັບທ່ານອາລາວີແລະເຈົ້າຊີວິດຊອກດານີ ຫາລືບັນຫາການເລືອກຕັ້ງທົ່ວໄປຂອງອີຣັກ
cri
Author: zl
ຕາມຂ່າວCRI:ວັນທີ 18 ມັງກອນ, ທ່ານບຸສປະທານາທິບໍດີອາເມລິກາໄດ້ໂທລະສັບກັບທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວ ອີຣັກແລະສົມເດັດອັບດູລາ ເຈົ້າຊີວິດຊອກດານີ,ແລກປ່ຽນຄວາມເຫັນກ່ຽວກັບບັນຫາການເລືອກຕັ້ງທົ່ວໄປຂອງອີຣັກທີ່ຈະຈັດຂຶ້ນໃນວັນທີ 30 ມັງກອນ.
ໃນງານຖະແຫຼງຂ່າວທີ່ຈັດຂຶ້ນມື້ດຽວກັນ,ທ່ານສະກັອດ ແມັກເຄຼລັນ ໂຄສົກທຳນຽບຂາວອາເມລິກາເວົ້າວ່າ,ໃນເວລາໂທລະສັບກັບຜູ້ນຳສາມປະເທດດັ່ງກ່າວໄດ້ສະແດງເປັນເອກະສັນກັນວ່າ,ຄວນພະຍາຍາມໃຫ້ປວງຊົນອີຣັກໄປເຂົ້າຮ່ວມການເລືອກຕັ້ງທົ່ວໄປໂດຍຫຼາຍເທົ່າທີ່ຈະໄວໄດ້.
ໃນຂະນະດຽວກັນ,ເພື່ອປ້ອງກັນບໍ່ໃຫ້ເກີດເຫດການກຳລັງຮຸນແຮງໃນໄລຍະຈັດການເລືອກຕັ້ງທົ່ວໄປຂອງອີຣັກ,ວັນທີ 18; ມັງກອນ,ຄະນະກຳມະການເລືອກຕັ້ງທົ່ວໄປອີຣັກປະກາດວ່າ,ອີຣັກຈະເພີ່ມທະວີມາດຕະການຄວາມປອດໄພ,ຊຶ່ງລວມທັງປິດຊາຍແດນແລະຫ້າມສັນຈອນໃນຍາມກາງຄືນເປັນຕົ້ນ.
ນອກນີ້ ໃນມື້ດຽວກັນ,ເຈົ້າໜ້າທີ່ອົງການຜູ້ຍົກຍ້າຍສາກົນເຜີຍໃຫ້ຮູ້ວ່າ,ໃນມື້ຈົດທະບຽນຂອງຜູ້ມີສິດເລືອກຕັ້ງອີຣັກຜູ້ທຳອິດທີ່ອົງການດັ່ງກ່າວຈັດຂຶ້ນຢູ່14 ປະເທດ ແຕ່ວັນທີ 17 ມັງກອນເປັນຕົ້ນໄປ,ລວມມີ ຜູ້ມີສິດເລືອກຕັ້ງອີຣັກທີ່ອາໃສຢູ່ຕ່າງປະເທດ 1 ໝື່ນ 8 ພັນຄົນໄດ້ເຂົ້າຮ່ວມການຈົດທະບຽນ.
|
|
|
