|
|
 |
| (GMT+08:00)
2005-01-21 11:40:52
|
|
ຈີນຮຽກຮ້ອງໃຫ້ຊ່ອຍເຫຼືອປະເທດພວມພັດທະນາເສີມສ້າງຄວາມສາມາດເຕືອນໄພ
cri
Author: Q
ຕາມຂ່າວCRI,ກອງປະຊຸມໂລກກ່ຽວກັບການຫຼຸດຜ່ອນໄພພິບັດທີ່ພວມຈັດຂຶ້ນຢູ່ໂກເບແຫ່ງຍີ່ປຸ່ນໄດ້ຈັດກອງປະຊຸມສະໄໝວິສາມັນກ່ຽວກັບຄື້ນຊູນາມີມະຫາສະໝຸດອິນເດຍໃນວັນທີ20ມັງກອນ.ໃນກອງປະຊຸມ,ທ່ານລີເສຍຈູ ຫົວໜ້າຄະນະຜູ້ແທນຈີນໄດ້ຮຽກຮ້ອງວ່າຄວນຊ່ອຍເຫຼືອປະເທດພວມພັດທະນາເສີມສ້າງຄວາມສາມາດເຕືອນໄພ.ເພາະວ່າໃນປະຈຸບັນ,ຫຼາຍປະເທດໃນໂລກໂດຍສະເພາະແມ່ນປະເທດພວມພັດທະນາຍັງບໍ່ມີຄວາມສາມາດເຕືອນມະຫັນຕະໄພທຳມະຊາດປະເພດຕ່າງໆ.
ທ່ານລີເສຍຈູກ່າວວ່າ,ລັດຖະບານຈີນຍິນດີຊ່ອຍປະເທດທີ່ປະສົບໄພຈາກແຜ່ນດິນໄຫວແລະຄື້ນຊູນາມີມະຫາສະໝຸດອິນເດຍເທື່ອນີ້ພ້ອມດ້ວຍປະເທດອ້ອມຂ້າງສ້າງຕັ້ງລະບົບເຄືອຂ່າຍຕິດຕາມຢັ້ງແທກແລະເຕືອນໄພແຜ່ນດິນໄຫວແລະຄື້ນ ຊູນາມີ,ຈີນຍິນດີໃຫ້ປະເທດເຫຼົ່ານີ້ຊົມໃຊ້ຂໍ້ມູນຂ່າວສານກ່ຽວຂ້ອງທີ່ດາວທຽມຈີນສະໜອງໃຫ້,ສ້າງຄວາມປອດໄພໃນອະນາຄົດ.
|
|
|
