|
ອົງການຮາມັສກ່າວວ່າ,ຮັບເຫັນດີນຳແຜນການສ້າງຕັ້ງປະເທດປາເລັສຕິນ
cri
ຕາມຂ່າວcri: ຫນັງສືພິມຮາອາເຣັດສ໌ຂອງອິສຣາແອນສະບັບວັນທີ 21 ມັງກອນລາຍງານວ່າ,ໃນເອກະສານສະບັບຫນຶ່ງທີ່ບັນດາຝ່າຍປາເລັສຕິນແຈກຢາຍໃນຫວ່າງມໍ່ໆນີ້,ອົງການຮາມັສປາເລັສຕິນໄດ້ກ່າວວ່າ,ຮັບເຫັນດີນຳແຜນການສ້າງຕັ້ງປະເທດປາເລັສຕິນ.ນີ້ແມ່ນອົງການຮາມັສຮັບຮອງແຜນການສ້າງຕັ້ງປະເທດປາເລັສຕິນຢ່າງເປັນທາງການເປັນເທື່ອທຳອິດ.
ອົງການຮາມັສຍັງຮຽກຮ້ອງປົວແປງການພົວພັນກັບປະຊາຄົມໂລກໂດຍສະເພາະແມ່ນຝ່າຍຕາເວັນຕົກບົນພື້ນຖານຮັກສາສິດປະໂຫຍດຂອງຊາວປາເລັສຕິນ,ແຕ່ພ້ອມທັງກ່າວເນັ້ນວ່າ,ການຕໍ່ສູ້ດ້ວຍກຳລັງອາວຸດແມ່ນວິຖີທາງທີ່ຊອບກົດຫມາຍຂອງຊາວປາເລັສຕິນໃນການຕ້ານການຍຶດຄອງຂອງອິສຣາແອນ.
ກ່ອນຫນ້ານີ້,ອົງການຮາມັສຍຶດຫມັ້ນຕະຫລອດມາວ່າ,ໃຫ້ສ້າງຕັ້ງປະເທດປາເລັສຕິນຢູ່ຂອບເຂດຊາຍແດນກ່ອນສົງຄາມຕາເວັນອອກກາງຄັ້ງທີສາມກ່ອນ,ເປົ້າຫມາຍສຸດທ້າຍແມ່ນດັບສູນອິສຣາແອນ.
|
|
