|
ສະຖານທູດຈີນປະຈຳອີຣັກຮຽກຮ້ອງໃຫ້ປ່ອຍຕົວປະກັນຊາວຈີນໂດຍໄວ
cri
Author: MO
ຕາມຂ່າວສານຊີນຮວາ: ວັນທີ 21 ມັງກອນ, ສະຖານທູດຈີນປະຈຳອີຣັກອອກຖະແຫລງການວ່າ, ລັດຖະບານຈີນໄດ້ຮຽກຮ້ອງໃຫ້ພົນລະເມືອງຈີນຢ່າໄປອີຣັກ, ແລະຮຽກຮ້ອງໃຫ້ອົງການປະກອບອາວຸດອີຣັກປ່ອຍຕົວປະກັນຊາວຈີນ 8 ຄົນໂດຍໄວ.
ຖະແຫລງການຂຽນວ່າ, ລັດຖະບານຈີນແລະສະຖານທູດຈີນປະຈຳອີຣັກໄດ້ກ່າວເຕືອນພົນລະເມືອງຈີນຫລາຍເທື່ອວ່າຢ່າໄປອີຣັກ. ຜູ້ຖືກລັກພາຕົວ 8 ຄົນແມ່ນພົນລະເມືອງສາມັນ, ແລະໄປທຳການຄ້າຂາຍສ່ວນຕົວ. ພາຍຫລັງຂໍ້ຜູກພັນເຮັດວຽກຈຸບກຳນົດແລ້ວ, ພວກເຂົາເຈົ້າໄດ້ເຊົາລົດອອກຈາກອີຣັກ, ຢາກກັບເມືອບ້ານກ່ອນບຸນກຸດຈີນ.
ຖະແຫລງການຂຽນວ່າ, ໂດຍຄຳນຶງເຖິງມິດຕະພາບລະຫວ່ງປະຊາຊົນສອງຊາດຈີນອີຣັກ, ຝ່າຍຈີນໄດ້ອິງໃສ່ນ້ຳໃຈມະນຸດສະທຳ, ຮຽກຮ້ອງໃຫ້ປ່ອຍຕົວກຳມະກອນຈີນເຫຼົ່ານີ້, ໃຫ້ພວກເຂົາເຈົ້າໄດ້ເຕົ້າໂຮມກັບຄອບຄົວໂດຍໄວ.
|
|
