|
ໂຄສົກກະຊວງການຕ່າງປະເທດຈີນກ່າວວ່າ, ຫວັງໃຫ້ຊາວຈີນ 8 ຄົນທີ່ຖືກລັກພາຕົວໄດ້ຖືກປ່ອຍຕົວຢ່າງປອດໄພໂດຍໄວ
cri
Author: MO
ຕາມຂ່າວສານຊີນຮວາ: ວັນທີ 21 ມັງກອນ, ທ່ານຂົງສວນ ໂຄສົກກະຊວງການຕ່າງປະເທດຈີນໄດ້ໃຫ້ສຳພາດຕໍ່ນັກຂ່າວ, ທ່ານກ່າວວ່າ, ລັດຖະບານຈີນໄດ້ເຕືອນພົນລະເມືອງຈີນຕັ້ງຫລາຍເທື່ອແລ້ວວ່າຢ່າໄປອີຣັກ, ຫວັງໃຫ້ຊາວຈີນ 8 ຄົນທີ່ຖືກລັກພາຕົວນັ້ນຖືກປ່ອຍຕົວຢ່າງປອດໄພໂດຍໄວ.
ໂດຍແນ່ໃສ່ການແຈ້ງຂ່າວທີ່ວ່າຜູ້ລັກພາຕົວຮຽກຮ້ອງໃຫ້ລັດຖະບານຈີນເກືອດຫ້າມຢ່າໃຫ້ພົນລະເມືອງຈີນເຂົ້າໄປໃນອີຣັກ, ທ່ານຂົງສວນກ່າວວ່າ, ກ່ອນໜ້ານີ້, ລັດຖະບານຈີນໄດ້ເຕືອນພົນລະເມືອງປະເທດຕົນຫລາຍເທື່ອແລ້ວ, ບໍ່ໃຫ້ພວກເຂົາເຈົ້າໄປອີຣັກໃນປະຈຸບັນນີ້. ຊາວຈີນ 8 ຄົນກໍແມ່ນຖືກລັກພາຕົວໃນເວລາເດີນທາງອອກຈາກອີຣັກ, ຄວນປ່ອຍຕົວພວກເຂົາເຈົ້າຢ່າງປອດໄພໂດຍໄວ.
|
|
