|
|
 |
| (GMT+08:00)
2005-01-23 16:36:24
|
 |
|
ຝ່າຍຈີນຫວັງໃຫ້ຈີນຫວຽດນາມພ້ອມກັນພະຍາຍາມໂຈມຕີການເຄື່ອນໄຫວຕ້ອງໂທດເທິງທະເລ
cri
Author: MO
ຕາມຂ່າວສານຊີນຮວາ: ວັນທີ 23 ມັງກອນ, ກະຊວງການຕ່າງປະເທດຈີນກ່າວວ່າ, ຈີນຫວັງພ້ອມກັນກັບຫວຽດນາມທຳຄວາມພະຍາຍາມ, ໂຈມຕີການເຄື່ອນໄຫວຕ້ອງໂທດເທິງທະເລ, ສ້າງສະພາບແວດລ້ອມອັນໝັ້ນທ່ຽງແລະກົມກຽວກັນໃນການຫາປາຢ່າງເປັນປົກກະຕິຂອງຊາວຫາປາສອງປະເທດ.
ຕາມຂ່າວທີ່ກະຊວງການຕ່າງປະເທດຈີນປະກາດ, ວັນທີ 8 ມັງກອນ, ກ່ຳປັ່ນປຸ້ນຈີ້ປະກອບອາວຸດຂອງຫວຽດນາມໄດ້ປຸ້ນເຮືອຫາປາຂອງຈີນຢູ່ເຂດທະເລອ່າວພາກເໜືອ, ແລະຍິງປືນໃສ່ເຮືອຫາປາຂອງຈີນແລະກ່ຳປັ່ນລາດຕະເວນຂອງຕຳຫລວດທະເລຂອງຈີນກ່ອນ, ຕຳຫລວດທະເລຂອງຈີນຈຳເປັນຕ້ອງຕ່າວຕີຄືນເພື່ອປ້ອງກັນຕົວ, ແລ້ວຍິງພວກປຸ້ນປະກອບອາວຸດຂອງຫວຽດນາມຕາຍ 8 ຄົນແລະຈັບໄດ້ 8 ຄົນ. ພ້ອມທັງຍຶດເອົາອາວຸດລູກປືນແລະກ່ຳປັ່ນປຸ້ນ.
ກະຊວງການຕ່າງປະເທດຈີນກ່າວວ່າ, ແຕ່ສັນຍາຂີດແບ່ງຊາຍແດນອ່າວພາກເໜືອແລະສັນຍາຮ່ວມມືດ້ານການປະມົງລະຫວ່າງຈີນຫວຽດນາມບັງເກີດຜົນມານີ້, ສະຖານະການທົ່ວໄປຢູ່ອ່າວພາກເໜືອແມ່ນໝັ້ນທ່ຽງ, ແຕ່ຢູ່ເຂດຫາປາຮ່ວມກັນ ໄດ້ເກີດຄະດີເຮືອຫາປາຈີນຖືກປຸ້ນຫລາຍເທື່ອ, ອັນໄດ້ຂົ່ມຂູ່ຄວາມປອດໄພທາງຊີວີດແລະຊັບສິນຂອງຊາວຫາປາຈີນຢ່າງໜັກໜ່ວງ.
|
|
|
