|
|
 |
| (GMT+08:00)
2005-01-23 16:49:18
|
 |
|
ລັດຖະບານຊົ່ວຄາວຂອງອີຣັກໃຊ້ມາດຕະການຮັບປະກັນຄວາມປອດໄພຂອງການເລືອກຕັ້ງທົ່ວໄປ
cri
Author: MO
ຕາມຂ່າວCRI: ວັນທີ 22 ມັງກອນ, ລັດຖະບານຊົ່ວຄາວຂອງອີຣັກປະກາດວ່າ, ເພື່ອຮັບປະກັນໃຫ້ການເລືອກຕັ້ງທົ່ວໄປຂອງອີຣັກໃນວັນທີ 30 ມັງກອນໄດ້ຈັດຂຶ້ນຢ່າງສະດວກ, ວັນທີ 29 ແລະວັນທີ 30 ມັງກອນ ຈະປິດເດີ່ນຍົນສາກົນແບກແດກ. ວັນທີ 22, ມີທະຫານກອງປ້ອງກັນຊາດອີຣັກອີກ 15 ຄົນຖືກອົງການປະກອບອາວຸດຍິງຕາຍ.
ວັນທີ 22 ມັງກອນ, ທ່ານຟາລາ ນາກິບ ລັດຖະມົນຕີກະຊວງພາຍໃນຂອງລັດຖະບານຊົ່ວຄາວຂອງອີຣັກກ່າວວ່າ, ລັດຖະບານຊົ່ວຄາວນອກຈາກປິດເດີ່ນຍົນແລ້ວ, ຍັງຈະໃຊ້ມາດຕະການຄວາມປອດໄພຢ່າງເປັນລະບົບ, ໃນນັ້ນລວມທັງຫ້າມສັນຈອນໃນຍາມກາງຄືນໃນຫລາຍເຂດພາຍໃນ 3 ມື້ກ່ອນແລະຫລັງການເລືອກຕັ້ງ. ນອກນີ້, ກອງທະຫານຮັກສາຄວາມປອດໄພຂອງອີຣັກກໍໄດ້ເຂົ້າສູ່ສະພາວະກຽມພ້ອມແລ້ວ.
ເຈົ້າໜ້າທີ່ອີຣັກແມ່ນໄດ້ຕົກລົງໃຊ້ມາດຕະການດັ່ງກ່າວໂດຍແນໃສ່ສະຖານະການຄວາມປອດໄພອັນຂ້ຽວຂາດໃນສະເພາະໜ້ານີ້. ວັນທີ 22 ມັງກອນ, ອົງການປະກອບອາວຸດທີ່ເອີ້ນຕົນເອງວ່າ"ກອງທະຫານອານຊາ ຊານຊຸນນາ"ໄດ້ຍິງທະຫານກອງປ້ອງກັນຊາດອີຣັກຕາຍ 15 ຄົນ.
|
|
|
