|
ທີ່ນີ້, ວິທະຍຸສາກົນແຫ່ງປະເທດຈີນ. ໃນລາຍການພາກນີ້, ຍິນດີຕ້ອນຮັບທ່ານເຂົ້າສູ່ລາຍການນັດພົບໃນວັນອາທິດ. ໃນລາຍການພາກນີ້, ຂ້າພະເຈົ້າຈະສະເໜີດົນຕີທີ່ບັນເລງໂດຍທ່ານຈາງເວີຍລຽງ ນັກເປົ່າຂຸ່ຍທີ່ມີຊື່ສຽງຂອງຈີນ.
ຂຸ່ຍແມ່ນເຄື່ອງເສບດັ້ງເດີມຢ່າງໜຶ່ງຂອງຈີນ, ເຮັດດ້ວຍໄມ່ປ່ອງ. ຢູ່ຈີນ, ຂຸ່ຍມີປະຫວັດມາຫຼາຍພັນປີແລ້ວ, ຊາວຈີນແຕ່ລະເສັ່ນຄົນໄດ້ສຶບທອດແລະຂະຫຍາຍຈົນມາຮອດປະຈຸບັນກໍ່ຍັງຮັກສາໄວ້ຢູ່.
ທີ່ທ່ານພວມຟັງມາຢູ່ນີ້ແມ່ນດົນຕີເສບດ້ວຍຂຸ້ຍດັ້ງເດີມທີ່ຊື່ວ່າ"ນົກທາບິນ" ເສບໂດຍທ່ານຈາງເວີຍລຽງ, ດົນຕີນີ້ໄດ້ສະແດງໃຫ້ເຫັນວ່າ, ຄົນທັງຫຼາຍມີຄວາມຝັກໃຝ່ອັນດີງາມໃນເວລາເຫັນນົກທາບິນເວີ່ນຢູ່ທ້ອງຟ້າ.
ທ່ານຈາງເວີຍລຽງເກີດຢູ່ຊູໂຈ່ວ ເມືອງພາກໃຕ້ຈີນທີ່ມີຊື່ສຽງ. ເມື່ອປີ 1957, ທ່ານມັກດົນຕີມາແຕ່ຍາມຍັງນ້ອຍ, ອາຍຸ 7 ປີກໍເລີ່ມຮຽນເປົ່າຂຸ່ຍແລ້ວ, ພາຍຫຼັງມາທ່ານໄດ້ເສັງເຂົ້າສະຖາບັນດົນຕີຈີນດ້ວຍຄະແນນດີເດັ່ນ, ແລະຫຼັງຈາກຮຽນຈົນເມື່ອປີ 1982 ແລ້ວ, ທ່ານກໍໄດ້ເປັນອາຈານສອນຢູ່ສະຖາບັນດົນຕີດັ່ງກ່າວ. ກໍ່ແມ່ນໃນປີນັ້ນເອງ, ທ່ານຈາງເວີຍລຽງໄດ້ຮັບລາງວັນສະແດງດີເດັ່ນໃນການປະກອບເສບເຄື່ອງດົນຕີພື້ນເມືອງຈີນ.
ປີ 1987, ທ່ານຈາງເວີຍລຽງໄດ້ຈັດງານດົນຕີສ່ວນຕົວຢູ່ຫໍດົນຕີປັກກິ່ງ, ແລະໃນຄວາມນັ້ນກໍ່ໄດ້ຮັບຄວາມນິຍົມຊົມຊອບ, ແລະຄວາມຍ້ອງຍໍສໍລະເສີນໂດຍທົ່ວໄປຈາກຜູ່ຟັງ ງານດົນຕີຂອງທ່ານ, ບໍ່ພຽງແຕ່ໄດ້ສະແດງໃຫ້ເຫັນສີມືອັນຍອດຢ້ຽມທໍ່ນັ້ນ, ແລະຍັງໄດ້ສະແດງອອດໃຫ້ເຫັນຫົວຄິດປະດິດສ້າງຂອງທ່ານໃນດ້ານດົນຕີນຳອີກ.
ທ່ານຜູ່ຟັງທີ່ໂຄລົບ, ຕໍ່ໄປເຊີນຟັງດົນຕີເສບດ້ວຍຂຸ່ຍຍຸກປະຈຸບັນໂດຍທ່ານຈາງເວີຍລຽງ, ດົນຕີນີ້ຊື່ວ່າ, ເມົາຂຸ່ຍແຕ່ງຕາມດົນຕີພື້ນເມືອງແຂວງເຫີໜານຂອງຈີນ, ເຊິ່ງສະແດງເຖິງອາລົມຕະຫຼົກທີ່ຊວນຫົວ.
1 2
|
