|
|
 |
| (GMT+08:00)
2005-01-24 15:37:41
|
 |
|
ປະມວນເພງທີ່ນິຍົມຢູ່ເຂດໃນຈີນໃນປີ 2004(ສຽງ)
cri
Author: mo
ຕໍ່ໄປເຊີນຟັງເພງLianhua ດອກບົວ ເຊິ່ງຂັບຮ້ອງໂດຍຄະນະລົງຄວນຈິວຕ້ວນ. ເພງນີ້ແມ່ນຄັດຈາກແຜ່ນCDແຜ່ນທຳອິດຂອງຄະນະດັ່ງກ່າວທີ່ໃຫ້ຊື່ວ່າ: ຂ້ອຍຮັກເຈົ້າຫລາຍທີ່ສຸດໃນເວລາຟັງດົນຕີປະເພດນີ້. ໃນແຜ່ນCDຫລາກຫລາຍທີ່ນຳອອກຈຳໜ່າຍໃນປີ 2004ນັ້ນ, ແຜ່ນນີ້ໄດ້ໃຊ້ທຳນອງທີ່ມີເອກະລັກຕ່າງໝູ່, ບວກກັບວັດທະນະທຳຂອງພາກຕາເວັນອອກ, ເຮັດໃຫ້ຄົນມີພາບ ປະທັບໃຈອັນໃໝ່ຫູໃໝ່ຕາ. ຄືເພງLianhua ດອກບົວນີ້, ສຽງເພງຂອງນາງລົງຄວນເບົາ ໂດດເຕັ້ນ, ວົນວຽນ, ມີຊີວິດຊີວາ, ສ່ວນດົນຕີທີ່ເສບສະຫລັບໃນເພງນີ້ໄດ້ສະແດງຄວາມເພີ້ຝັນແບບຝ່າຍຕາເວັນອອກຢ່າງເຕັມທີ່. ເຊີນຟັງເພງນີ້ນຳກັນ.
ໃນສອງປີມານີ້, ອິນເຕີເນັດກໍແມ່ນສື່ສຳພັນໜຶ່ງທີ່ໂຄສະນາດາລາເພງຈົນມີຊື່ສຽງ, ເຜີຍແຜ່ດົນຕີທີ່ແຕ່ງເດີມ, ເຕົ້າໂຮມແຟນທາງອິນເຕີເນັດ. ເພງສະໄໝນິຍົມຫລາກຫລາຍທີ່ເຂົ້າໃຈງ່າຍ ຮ້ອງງ່າຍ ໄດ້ເຜີຍແຜ່ກັນໃນໝູ່ປະຊາກອນເນັດແລະແຟນເພງທັງຫລາຍ. ເພງLaoshuaidami ໜູມັກເຂົ້າສານ ກໍແມ່ນເພງທີ່ຊາວໜຸ່ມນິຍົມກັນຫລາຍຢູ່ອິນເຕີເນັດໃນປີນີ້.
ຄຳວ່າ"ໜູມັກເຂົ້າສານ"ແມ່ນຄຳເວົ້າຕະຫຼົກຂອງພື້ນເມືອງຈີນ, ຜູ້ແຕ່ງເພງໄດ້ຂຽນຄຳນີ້ເຂົ້າໃນເນື້ອເພງ, ໃຊ້ວິທີເວົ້າຢອກເວົ້າຕະຫຼົກມາສະແດງຄວາມຮັກ, ໃຊ້ຄຳເວົ້າຢິກແກມຢອກແລະທ່າທີເຫັນໄປໃນແງ່ດີ ມາສະແດງການທ້າທາຍຂອງຊາວໜຸ່ມທັນສະໄໝຕໍ່ວັດທະນະທຳດັ້ງເດີມ. "ຂ້ອຍຮັກເຈົ້າ, ຄືກັບໜູມັກເຂົ້າສານ", ເນື້ອເພງແບບຄວາມເວົ້າທຳມະດາບວກກັບທຳນອງມ່ວນໆແລະຮ້ອງງ່າຍໆ, ເຮັດໃຫ້ເພງນີ້ເຜີຍແຜ່ຢ່າງວ່ອງໄວ, ແລະກາຍເປັນເພງ ສະໄໝນິຍົມເພງໜຶ່ງທີ່ມີຜູ້ຟັງກົດຟັງຫລາຍທີ່ສຸດຢູ່ເທິງເນັດ, ເຮັດໃຫ້ທ່ານຢາງເສີນກາງ ຜູ້ແຕ່ງເພງນີ້ທີ່ບໍ່ມີຊື່ສຽງຫຍັງກາຍເປັນນັກຮ້ອງທີ່ນິຍົມກັນຫລາຍ. ມ້ວນທ້າຍລາຍການມື້ນີ້, ພວກເຮົາມາຟັງເພງLaoshuaidami ໜູມັກເຂົ້າສານ ຂັບຮ້ອງໂດຍນາງຊຽງຊຽງ ນັກຮ້ອງໃນອິນເຕີເນັດ.
1 2 3
|
|
|
