|
ຢູ່ແບກແດັດໄດ້ເກີດເຫດການລົດຍົນລະເບີດແບບຂ້າໂຕຕາຍ
cri
Author: zl
ຕາມຂ່າວCRI:ວັນທີ 24 ມັງກອນ,ຢູ່ສະຖານີກວດກາທາງພາກຕາເວັນຕົກຂອງແບກແດັດ ນະຄອນຫຼວງອີຣັກ,ໄດ້ເກີດເຫດການລົດຍົນລະເບີດ ແບບຂ້າໂຕຕາຍລາຍໜຶ່ງ,ຢ່າງໜ້ອຍເຮັດໃຫ້ 10 ຄົນບາດເຈັບ.
ເຈົ້າໜ້າທີ່ກະຊວງສາທາລະນະສຸກອີຣັກກ່າວວ່າ,ມີຕຳຫຼວດ 7 ຄົນແລະສາມັນຊົນ 3 ຄົນບາດເຈັບໃນການລະເບີດ.
ຕາມໄດ້ຊາບ,ສະຖານີກວດກາດັ່ງກ່າວແມ່ນຕັ້ງຢູ່ເສັ້ນທາງທີ່ໄປຫາສຳນັກງານໃຫຍ່ແນວໂຮມສາມັກຄີຊາດອີຣັກທີ່ນຳໂດຍທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວອີຣັກ.
|
|
