|
|
 |
| (GMT+08:00)
2005-01-24 18:16:19
|
 |
|
ອາຊຽນຈັດກອງປະຊຸມລັດຖະມົນຕີກະຊວງການທ່ອງທ່ຽວ
cri
Author: zl
ຕາມຂ່າວCRI:ວັນທີ 24 ມັງກອນ, ກອງປະຊຸມລັດຖະມົນຕີກະຊວງການທ່ອງທ່ຽວອາຊຽນຄັ້ງທີ 8 ໄດ້ຈັດຂຶ້ນຢູ່ເກາະລາງຄາວີຂອງມາເລເຊຍ.
ກອງປະຊຸມຕົ້ນຕໍຈະຕີລາຄາຜົນກະທົບຕໍ່ເສດຖະກິດຂອງພາກພື້ນຈາກໄພແຜ່ນດິນໄຫວແລະຄື້ນທະເລຊູນາມີທີ່ເກີດຂຶ້ນໃນເດືອນທັນວາປີກາຍນີ້,ແລະຫາລືກັນກ່ຽວກັບສ້າງຂະແໜງການທ່ອງທ່ຽວຫຼັງໄພພິບັດຄືນໃໝ່ແນວໃດ.ທ່ານເລໂອ ໄມເກິນ ທໍເຢດ ລັດຖະມົນຕີກະຊວງການທ່ອງທ່ຽວມາເລເຊຍເວົ້າວ່າ,ປະຈຸບັນ,ປະເທດອາຊຽນພວມໃຊ້ມາດຕະການອັນຕັ້ງໜ້າຕ່າງໆນາໆ ຊຶ່ງລວມທັງສ້າງຕັ້ງກົນໄກເຕືອນໄພຄື້ນທະເລຊູນາມີເປັນຕົ້ນ,ຟື້ນຟູຄວາມເຊື່ອໃຈຂອງແຂກທ່ອງທ່ຽວຕໍ່ພາກພື້ນອາຊຽນ.
ຕາມໄດ້ຊາບ,ວັນທີ 25 ມັງກອນ,ລັດຖະມົນຕີກະຊວງການທ່ອງທ່ຽວຂອງ 10 ປະເທດອາຊຽນຍັງຈະເຈລະຈາກັບລັດຖະມົນຕີກະຊວງການທ່ອງທ່ຽວຂອງຈີນ ຍີ່ປຸ່ນ ສ.ເກົາຫຼີແລະອິນເດຍເປັນຕົ້ນ,ຫາລືບັນຫາກ່ຽວກັບສ້າງຂະແໜງການທ່ອງທ່ຽວຫຼັງໄພພິບັດຄືນໃໝ່ແນວໃດ.
ນອກນີ້,ຜູ້ແທນ 1700 ຄົນທີ່ມາຈາກ 55 ປະເທດແລະເຂດແຄວ້ນຍັງໄດ້ເຂົ້າຮ່ວມເວທີປາໄສການທ່ອງທ່ຽວແລະງານວາງສະແດງການທ່ອງທ່ຽວອາຊຽນເພື່ອສົມທົບກອງປະຊຸມຄັ້ງນີ້.
|
|
|
