|
|
 |
| (GMT+08:00)
2005-01-25 08:38:28
|
 |
|
ແດນສະຫວັນທີ່ມີແສງແດດອົບອຸ່ນ(ສຽງ)
cri
Author: huachunmei
|
ທີ່ນີ້, ວິທະຍຸສາກົນແຫ່ງປະເທດຈີນ. ສະບາຍດີ, ທ່ານຜູ່ຟັງທີ່ໂຄລົບ, ຍິນດີຕ້ອນຮັບທ່ານເຂົ້າສູ່ລາຍການນັດພັບໃນວັນອາທິດ. ໃນລາຍການພາກນີ້, ຂ້າພະເຈົ້າຈະສະເໜີສະພາບຕົວຈິງທີ່ເລືອກເອົາແຕ່ຍອດຂອງງານລາຕີສິລະປະທີ່ໃຫ້ຊື່ວ່າ"ແດນສະຫວັນທີ່ສາດສ່ອງໄປດ້ວຍແສງຕາເວັນ" ເຊິ່ງເປັນພິທີໄຂງານສິລະປະຂອງຈີນຄັ້ງທີ 7 . ກ່ອນອື່ນເຊີນຟັງດົນຕີພື້ນເມືອງຈີນທີ່ໃຫ້ຊື່ວ່າ"ຊື່ຈູຊີ້ຢີຈຽງຮວາ" ແປວ່າ "ດົນຕີຝົນຝອຍແລະມາລານ້ຳແຄມ".
ພິທີໄຂງານສິລະປະຈີນຄັ້ງທີ 7 ຕັ້ງຊື່ໃຫ້ວ່າ"ແດນສະຫວັນທີ່ສາດສ່ອງໄປດ້ວຍແສງຕາເວັນ" ໃຫ້ຄົນທັງຫຼາຍໄດ້ຊົມຍອດຂອງສິລະປະຈີນຢ່າງດີທີ່ສຸດ. ທ່ານອູທຽນຊິງແມ່ນຜູ່ໜຶ່ງທີ່ກຳກັບການຈັດວາງງານລາຕີ. ທ່ານເວົ້າວ່າ, ເມືອງຫາງໂຈ່ວແມ່ນສະຖານທີ່ສຳຄັນຂອງງານສິລະປະ, ຄົນທັງຫຼາຍໄດ້ປຽບເມືອງຫາງໂຈ່ວເປັນແດນສະຫວັນໃນເມືອງຄົນ. ພວກຂ້າພະເຈົ້າຈິ່ງເອົາອັນເປັນຫົວຂໍ້, ເພື່ອສະແດງຄວາມປາຖະໜາອັນຈົບງາມທີ່ຄົນເຮົາຫວັງຢາກຢູ່ຮ່ວມກັບທຳມະຊາດຢ່ງາລ່ອງຊ່ອງ, ພວກຂ້າພະເຈົ້າຫວັງຢາກໃຫ້ສິ່ງແວດລ້ອມທີ່ພວກເຮົາອາໄສຢູ່ນັ້ນຍິ່ງສວຍງາມກວ່າເກົ່າ, ໃນຂະນະທີ່ເສດຖະກິດພັດທະນານັ້ນ, ກໍ່ຢາກໃຫ້ສັງຄົມຂອງພວກເຮົາກໍ່ພັດທະນາໄປພ້ອມ, ວັດທະນາທຳກໍພັດທະນາໃນຈັງຫວະດຽວກັນ, ສິ່ງແວດລ້ອມແລະຊັບພະຍາກອນຂອງພວກເຮົາກໍ່ໄດ້ຮັບການອະນຸລັກເປັນຢ່າງດີ.
ທີ່ທ່ານພວມຟັງມາຢູ່ນີ້ແມ່ນລາຍການຟ້ອນ"ເດັດໃບຊາໃນສາຍຝົນ". ວາດຟ້ອນດັ່ງກ່າວໄດ້ສະແດງພາບນາງສາວທັງຫຼາຍພວມເດັດຊາຢູ່ເນີນພູດ້ວຍຄວາມເບີກບານມ່ວນຊື່ນ. ບົນພື້ນຖານຮັກສາທຳນອງເພງພື້ນເມືອງແຂວງເຈີ້ຈຽງທີ່ຊື່ວ່າ"ຟ້ອນເດັດໃບຊາ" ນັ້ນກໍໄດ້ຕື່ມດົນຕີເສບດ້ວຍເຄື່ອງໄຟຟ້າ, ແລະລອງເອົາວາດຟ້ອນຊົນເຜົ່າຈີນກັບວາດສະຕຼິດແດນສ໌ ຄື, ຟ້ອນແຄມທາງປະສົມປະສານກັນເປັນເທື່ອທຳອິດ, ເຊິ່ງມີສີສັນທ້ອງຖິ່ນພາກໃຕ້ແມ່ນ້ຳຢາງເຊຢ່າງເຂັ້ມຂຸ້ນ, ທັງເຕັມໄປດ້ວຍລົດນິຍົມຍຸກສະໄໝ, ເນື້ອເພງມີຢູ່ວ່າ, ນ້ຳຫ້ວຍໃສສະອາດໄຫຼຈົ້ນໆ, ພາບວິວສອງຝັ່ງງາມແທ້ເດ! ອ້າຍເອີຍ, ຟ້າວໄປຫຼົກກ້າດຳນາ, ນ້ອງເອີຍ, ຮີບເດັດໃບຊາຢູ່ເທິງພູ, ຫຼົກກ້າດຳນາຈັ່ງແມ່ນມ່ວນ, ເດັດໃບຊາກໍມ່ວນແທ້ມ່ວນວ່າ.
1 2
|
|
|
