|
ຕາມຂ່າວສານຊິນຮວາ: ຕອນຄ່ຳວັນທີ 24 ມັງກອນ ຢູ່ລັງຄາວີ ທາງພາກເໜືອມາເລເຊຍ, ທ່ານເລໂອ ໄມເກິນ ທໍເຢດ ລັດຖະມົນຕີກະຊວງການທ່ອງທ່ຽວມາເລເຊຍກ່າວວ່າ, ບັນດາປະເທດອາຊຽນຕົກລົງຮ່ວມມືກັນ, ສ້າງລະບົບຄຸ້ມຄອງວິກິດການ, ເພື່ອຮັບມືກັບຜົນສະທ້ອນຈາກວິກິດການຫຼືໄພທຳມະຊາດຕ່າງໆທີ່ມີຕໍ່ຂະແໜງການທ່ອງທ່ຽວຢູ່ພາກພື້ນແຫ່ງນີ້.
ໃນງານຖະແຫຼງຂ່າວທີ່ຈັດຂຶ້ນຫຼັງກອງປະຊຸມຂັ້ນລັດຖະມົນຕີຂອງເວທີປາໄສການທ່ອງທ່ຽວອາຊຽນໃນມື້ດຽວກັນ, ທ່ານທໍເຢດກ່າວວ່າ, ຜູ່ຮ່ວມປະຊຸມໄດ້ຫາລືກັນກ່ຽວກັບການເຮັດແນວໃດເຕົ້າໂຮມກຳລັງຂອງບັນດາປະເທດອາຊຽນ, ພ້ອມກັນຮັບມືກັບວິກິດການຫຼືໄພທຳມະຊາດ. ທ່ານກ່າວວ່າ, ບັນດາປະເທດອາຊຽນເຫັນດີເພີ່ມທະວີລະບົບເຄືອຄ່າຍຕິດຕໍ່ພົວພັນລະຫວ່າງປະເທດ, ເພື່ອບັນລຸການຮ່ວມມືດີກວ່າເກົ່າ. ນອກນີ້, ບັນດາປະເທດອາຊຽນຕົກລົງວ່າເລີ່ມແຕ່ດຽວນີ້ເປັນຕົ້ນໄປຈະຮ່ວມມືກັນຊຸກຍູ້ "ການເຄື່ອນໄຫວທ່ຽວອາຊຽນ", ເພື່ອຟື້ນຟູການທ່ອງທ່ຽວຢູ່ພາກພື້ນແຫ່ງນີ້ທີ່ຖືກຄື້ນຊູນາມີໂຈມຕີນັ້ນຢ່າງບັງເກີດຜົນກວ່າເກົ່າ.
|
