|
ຝ່າຍຈີນເຫັນວ່າ,ການຊ່ອຍເຫຼືອປະເທດທີ່ປະສົບໄພຈາກຄື້ນຊູນາມີຄວນສອດຄ່ອງກັບຄວາມຮຽກຮ້ອງຕ້ອງການຕາມສະພາບຕົວຈິງ
cri
Author: zl
ຕາມຂ່າວCRI:ວັນທີ 25 ມັງກອນ,ໃນງານຊຸມນຸມນັກຂ່າວທີ່ຈັດຂຶ້ນຢູ່ທີ່ປັກກິ່ງ,ທ່ານຂົງຊວນ ໂຄສົກກະຊວງການຕ່າງປະເທດຈີນເວົ້າວ່າ, ຝ່າຍຈີນເຫັນວ່າ,ການຊ່ອຍເຫຼືອປະເທດທີ່ປະສົບໄພຈາກຄື້ນຊູນາມີຄວນສອດຄ່ອງກັບຄວາມຮຽກຮ້ອງຕ້ອງການຕາມສະພາບຕົວຈິງຂອງປະເທດປະສົບໄພ,ຜ່ອນຄາຍຄວາມຫຍຸ້ງຍາກອັນໃຫຍ່ຫຼວງທີ່ປະເທດທີ່ປະສົບໄພປະເຊີນ,ພ້ອມກັນນັ້ນຕ້ອງມີຜົນດີຕໍ່ການສ້າງສາຄືນໃໝ່ຂອງປະເທດທີ່ປະສົບໄພ.
ທ່ານຂົງຊວນເວົ້າວ່າ, ສິ່ງທີ່ຕ້ອງການທີ່ສຸດຂອງບັນດາປະເທດທີ່ປະສົບໄພໃນປະຈຸບັນ,ແມ່ນສ້າງຕັ້ງລະບົບເຕືອນໄພຄື້ນຊູນາມີມະຫາສະໝຸດອິນເດຍໂດຍໄວເທົ່າທີ່ຈະໄວໄດ້,ແລະເພີ່ມທະວີການຮ່ວມມືຮອບດ້ານໃນການປ້ອງກັນໄພແລະຫຼຸດໄພ.
ທ່ານຂົງຊວນຍັງແນະນຳວ່າ,ຍອດຈຳນວນເງິນກູ້ໄພທີ່ຝ່າຍທາງການແລະປະຊາຊົນຈີນສະໜອງໃຫ້ປະເທດທີ່ປະສົບໄພນັ້ນໄດ້ລື່ນກາຍ 1 ຕື້ຢວນແລ້ວ.
|
|
