|
ເອກອັກຄະລັດຖະທູດຈີນປະຈຳອີຣັກເຕືອນໃຫ້ແຮງງານຈີນຢ່າໄປອີຣັກຢ່າງບໍ່ຄຶດໜ້າຄຶດຫຼັງ
cri
Author: q
ຕາມຂ່າວສານຊິນຮວາ,ວັນທີ25ມັງກອນ,ຢູ່ແບກແດດ,ທ່ານຢາງຫົງລິນ ເອກອັກຄະລັດຖະທູດຈີນປະຈຳອີຣັກກ່າວວ່າ,ຍ້ອນວ່າສະຖານະການຄວາມປອດໄພຂອງອີຣັກໃນປະຈຸບັນຍັງເຄັ່ງຕຶງຢູ່,ຫວັງໃຫ້ຄົນຈີນຢ່າໄປດຳເນີນການເຄື່ອນໄຫວເສດຖະກິດການຄ້າຢູ່ອີຣັກຢ່າງບໍ່ຄຶດໜ້າຄຶດຫຼັງ.
ໃນເວລາໃຫ້ສຳ ພາດຕໍ່ສື່ມວນຊົນ,ທ່ານຢາງຫົງລິນເວົ້າວ່າ,ປະຈຸບັນ,ອີຣັກມີຜູ້ຫວ່າງງານຫຼາຍ,ໄປຫາວຽກເຮັດຢູ່ອີຣັກກໍບໍ່ແມ່ນເລື່ອງງ່າຍ,ພາຍໃຕ້ສະພາບທີ່ຄວາມປອດໄພບໍ່ມີການຮັບປະກັນນັ້ນ,ຄົນຈີນໂດຍສະເພາະແມ່ນແຮງງານຊະຊາຍບໍ່ຄວນໄປຫາວຽກເຮັດຢູ່ອີຣັກ.ທ່ານຍັງກ່າວເຕືອນເປັນພິເສດຕໍ່ຄົນຈີນທີ່ຢາກໄປເຮັດວຽກຢູ່ອີຣັກນັ້ນຢ່າຖືກສື່ກາງທີ່ຜິດກົດໝາຍພາຍໃນປະເທດຈີນຫຼອກຕົ້ມ.
ສຳລັບຄົນຈີນທີ່ຕ້ອງຢູ່ອີຣັກຕໍ່ໄປຍ້ອນຄວາມຕ້ອງການດ້ານວຽກງານ,ທ່ານຢາງຫົງລິນໄດ້ກ່າວເຕືອນອີກເທື່ອເໜື່ອງໃຫ້ພວກເຂົາເຈົ້າໃຊ້ມາດຕະການຮັບປະກັນຄວາມປອດໄພອັນຈຳເປັນ,ຫຼຸດການອອກນອກທີ່ບໍ່ຈຳເປັນໃຫ້ໜ້ອຍລົງ,ຄັນມີເງື່ອນໄຂຄວນຖອນອອກຈາກອີຣັກໂດຍໄວ.
|
|
