|
|
 |
| (GMT+08:00)
2005-01-26 15:17:56
|
 |
|
ສະເໜີແຜ່ນຊີດີໃໝ່ຂອງທ້າວຊຸນຊຸນ(ສຽງ)
cri
Author: mengmeng
|
ທ້າວຊຸນຊຸນແມ່ນຄົນໃໝ່ບົນເວທີເພງສະໄໝນິຍົມຈີນ, ທ້າຍປີກາຍນີ້, ລາວໄດ້ຈຳໜ່າຍແຜ່ນຊີດີຂອງໂຕເອງແຜ່ນທຳອິດທີ່ໃຫ້ຊື່ວ່າ Duoxieshijiangeiziji ແປວ່າຈົ່ງເວລາ ໃຫ້ຕົນເອງຫຼາຍແດ່ຈັກໜ້ອຍ. ແຜ່ນຊີດີແຜ່ນນີ້ໄດ້ຮັບຄວາມຊົມເຊີຍຈາກຜູ້ຟັງຍ້ອນມີເນື້ອໃນເລິກເຊິ່ງແລະທຳນອງເພງໃໝ່ໆ. ໃນລາຍການມື້ນີ້, ຂ້າພະເຈົ້າຈະສະເໜີເພງໃນແຜ່ນຊີດີນີ້ສູ່ທ່ານຟັງ.
ເດີນຜ່ານເສັ້ນທາງທີ່ເຕັມໄປແຕ່ສ້ຽນໜາມ, ຫຍັບເຂົ້າໃກ້ບ້ານໃນຄວາມຝັນ, ຂ້ອຍເພີດເພີນໃຈບໍ່ເຄີຍຈົ່ມວ່າຈັກເທື່ອ. ຂ້ອຍຈະບິນ, ບິນເຈີ້ຍເຈີດຢູ່ລະຫວ່າງຟ້າດິນ, ຂ້ອຍຈະບິນ, ບິນຂື້ນສູ່ຍອດສູງແຫ່ງຊີວິດ.
ທີ່ທ່ານພວມຟັງຢູ່ນີ້ແມ່ນ ເພງWoyaofeiແປວ່າຂ້ອຍຈະບິນ. ນີ້ແມ່ນເພງໜຶ່ງທີ່ບັນລະຍາຍອຸດົມຄະຕິແຫ່ງຊີວິດ, ໄດ້ບັນລະຍາຍອຸດົມການແລະຄວາມຮັກຫອມຕໍ່ຊີວິດຂອງຜູ້ຂັບຮ້ອງ.
ທີ່ຟັງມານັ້ນແມ່ນເພງWoyaofei ຂ້ອຍຈະບິນ ຂັບຮ້ອງໂດຍທ້າວຊຸນຊຸນ.
ທ້າວຊຸນຊຸນເກີດຢູ່ຊີໂຈວພາກຕາເວັນອອກຂອງຈີນ, ມີຄວາມສົນໃຈນຳດົນຕີມາແຕ່ຍາມຍັງນ້ອຍ. ປີ1989, ທ້າວຊຸນຊຸນໄດ້ເສັງເຂົ້າມະຫາວິທະຍາໄລ, ຫຼັງຈາກນັ້ນ9ປີ, ລາວໄດ້ຮຽນຈົບຈາກມະຫາວິທະຍາໄລການຊ່າງປັກກິ່ງ, ແລະໄດ້ຮັບປະລິນຍາເອກວິຊາຊ່າງ ປີ1998, ບັງເອີນມີໂອກາດ, ທ້າວຊຸນຊຸນໄດ້ເລີ່ມແຕ່ງເພງ. ຍ້ອນມີພອນສະຫວັນໃນດ້ານດົນຕີແລະຄວາມດຸໝັ່ນ, ລາວໄດ້ພະຍາຍາມຮຽນແຕ່ງເພງແລະຮຽນຮ້ອງເພງ, ໄດ້ແຕ່ງເພງ50ກວ່າເພງ.
ປີ2004, ທ້າວຊຸນຊຸນໄດ້ອັດຈຳໜ່າຍແຜ່ນຊີດີແຜ່ນທຳອິດຂອງຕົນທີ່ໃຫ້ຊື່ວ່າ Duoxieshijiangeiziji ແປວ່າຈົ່ງເວລາໃຫ້ຕົນເອງຫຼາຍແດ່ຈັກໜ້ອຍ. ແຜ່ນຊີດີແຜ່ນນີ້ລວມມີເພງ12ເພງ, ແມ່ນລາວເອງເປັນຜູ້ແຕ່ງເນື້ອເພງນົດເພງແລະຮ້ອງເອງໝົດ. ແຜ່ນຊີດີແຜ່ນນີ້ໄດ້ສ່ອງແສງຄວາມສຳນຶກຮູ້ແລະຄວາມນຶກຄິດຕໍ່ຊີວິດຂອງທ້າວຊຸນຊຸນຢ່າງແທ້ຈິງດ້ວຍທຳນອງ ເພງຫຼາຍແບບ. ເມື່ອຟັງແຜ່ນຊີດີນີ້ແລ້ວ, ທ່ານບໍ່ພຽງແຕ່ຈະໄດ້ຟັງດົນຕີອັນມ່ວນອອນຊອນທໍ່ນັ້ນ, ຍັງຈະຮູ້ສຶກເຖິງສຽງຮຽກຮ້ອງໃຈຂອງທ້າວຊຸນຊຸນນຳອີກ.
ທີ່ທ່ານພວມຟັງຢູ່ນີ້ເພງDuoxieshijiangeiziji ເພງເອກໃນແຜ່ນຊີດີແຜ່ນທຳອິດຂອງທ້າວຊຸນຊຸນ. ເພງນີ້ໄດ້ບັນລະຍາຍສະພາບໃນປະຈຸບັນທີ່ອາລິຍະທຳວັດຖຸພັດທະນາໃນລະດັບສູງ, ຫຼາຍຄົນຕ້ອງໄດ້ຖືກກຳລັງກົດໜີບທາງຊີວິດຢ່າງໜັກໜ່ວງຈົນງົງ, ຫຼຽວບໍ່ເຫັນທາງກ້າວເດີນ. ເພງນີ້ເຕືອນໃຫ້ຄົນທັງຫຼາຍຕ້ອງກ້າຫັນໜ້າໃສ່ການທ້າທາຍ, ຮັກສາສະຕິຂອງຕົນ.
1 2
|
|
|
