|
ໃນລາຍການສຸກສາລາມື້ນີ້,ພວກເຮົາໄດ້ເຊີນທ່ານສາດສະດາຈານຮົງຈ່າວກວງມາແນະນຳຄວາມຮູ້ກ່ຽວກັບການຮັກສາສຸກຂະພາບ,ຫົວຂ້ໍທີ່ທ່ານຈະກ່າວແມ່ນກ່ຽວກັບຄວາມອ້ວນພີຂອງຜູ່ເຖົ້າ.
ນ້ຳຫນັກຂອງຄົນຜູ່ຫນຶ່ງ,ຫນັກສ່ຳໃດຈຶ່ງນັບວ່າອ້ວນພີ?ໃຫ້ທ່ານຄຶດໄລ່ແບບນີ້,ຄືໃຫ້ເອົາຮ່າງສູງລົບ 105 ຫຼື ລົບ 100,ກໍແມ່ນນ້ຳຫນັກມາດຖານ,ຕົວຢ່າງ:ສູງ 1 ແມັດ 70 ລົບ 105 ຫຼື 100,ນ້ຳຫນັກມາດຖານກໍແມ່ນ 65 ກິໂລ,ຫຼື 70 ກິໂລ,ຖ້າເກີນນ້ຳຫນັກມາດຖານ 20% ກໍນັບວ່າອ້ວນແລ້ວ,ເກີນ 30%-- 40% ນັບວ່າ
ອ້ວນສ່ຳກາງ,ຖ້າເກີນ 50% ແມ່ນອ້ວນຫຼາຍ,ກ່ຽວກັບຄວາມອ້ວນ,ທ່ານສາດສະດາຈານຮົງຈ່າວກວງເວົ້າວ່າ:ອັງກິດມີຄຳສຸພາສິດຫນຶ່ງວ່າ:ສາຍແອວແຫ່ງຍາວໃດ,ອາຍຸແຫ່ງສັ້ນທໍ່ນັ້ນ,ຖ້າທ່ານຢາກຮູ້ວ່າ ຄົນຜູ່ນີ້ ອາຍຸຈະຍືນປານໃດ ທ່ານກໍແທກເບິ່ງສາຍແອວຂອງຜູ່ນີ້,ສາຍແອວແຫ່ງຍາວທໍ່ໃດ,ອາຍຸກໍແຫ່ງສັ້ນທໍ່ນັ້ນ,ຄວາມອ້ວນພີແມ່ນສັນຍາລັກແຫ່ງຄວາມເຖົ້າແກ່ຊະລາ,ຖ້າອ້ວນລົງພຸງ,ນັ້ນກໍແມ່ນສັນຍາລັກຂອງພະຍາດໂລຄາ.
ເວົ້າລວມແລ້ວ,ຄວາມອ້ວນພີແບ່ງອອກເປັນ 2 ປະເພດ,ປະເພດຫນຶ່ງອ້ວນແບບຫມາກໂປມ,ປະເພດຫນຶ່ງອີກອ້ວນແບບຫມາກຈອງ.ຖ້າຄົນຜູ່ນີ້ອ້ວນບ່ອນທ້ອງ,ທ້ອງໃຫຍ່,ໄຂມັນໂຮມຢູ່ຕາມອະໄວຍະວະໃນທ້ອງ,ປະເພດນີ້ເອີ້ນວ່າອ້ວນແບບຫມາກໂປນ,ຫຼືເອີ້ນວ່າອ້ວນເຄື່ອງໃນ,ສ່ວນຫຼາຍ ຜູ້ຊາຍມັກອ້ວນແບບນີ້,ອ້ວນແບບນີ້,ອັນຕະລາຍຫຼາຍ,ເພາະວ່າມັນພົວພັນກັບຫມາກຫົວໃຈ,ມັກພາໃຫ້ສາຍເລືອດສະຫມອງແຕກ,ສ່ວນຜູ່ຍິງມັກອ້ວນແບບຫມາກຈອງ,ທ້ອງບໍ່ໃຫຍ່,ອ້ວນແຕ່ກົ້ນແລະກົກຂາ,ໄຂມັນທ້ອງຢູ່ສ່ວນນອກ,ສະນັ້ນເອີ້ນວ່າອ້ວນນອກ,ຄົນປະເພດນີ້ບໍ່ສູ້ມັກເປັນໂລກຫົວໃຈ,ປອດໄພກວ່າ,ຜູ່ທີ່ອ້ວນໃນ,ອ້ວນແບບຫມາກໂປມ,ສາຍເລືອດແດງມັກດ້ານຢ່າງເດັ່ນຊັດ,ອ້ວນນອກຍັງໃຄແດ່,ແຕ່ກ່ອນ,ພວກເຮົາເຄີຍຜ່າຕັດຄົນທີ່ຕາຍກະທັນຫັນຜູ່ຫນຶ່ງ,ອາຍຸ 38 ປີ,ນ້ຳຫນັກ 99 ກິໂລ,ມັກສູບຢາກິນເຫຼົ້າເປັນພະຍາດຫຍັງກໍ່ບໍ່ມັກໄປຫາຫມໍ,ເມື່ອຕາຍແລ້ວ,ເວລາພວກເຮົາຜ່າຕັດໃຫ້,ຊອກຫາຫົວໃຈກໍ່ບໍ່ເຫັນ,ພາຍຫລັງມາຈຶ່ງໄດ້ປະກົດເຫັນຫມາກຫົວໃຈຂອງລາວມີໄຂມັນຫຸ້ມຫໍ່ໄວ້ຫມົດຫນາຕັ້ງ 3 ເຊັນ,ສາຍເລືອດແດງໂຄໂລນາຕັນ 95%, ອ້ວນລົງພຸງຫຼາຍ,ແມ່ນອັນຕະລາຍທີ່ສຸດ,ເວົ້າທົ່ວໄປແລ້ວ,ອ້ວນລົງພຸງມັກເປັນພະຍາດຕັບໄຂມັນ,ເລືອດໄຂມັນ,ເບົາຫວານ ເລືອດດັນສູງ ໂລກຫົວໃຈໂຄໂລນາໄປນຳ, ທ່ານສາດສະດາຈານຮົງເວົ້າວ່າ:ຄວາມອ້ວນພີແມ່ນບັນຫາສັງຄົມທີ່ຫນັກຫນ່ວງຫຼາຍ,ໂດຍສະເພາະແມ່ນດຽວນີ້,ເດັກນ້ອຍຕຸ້ຍອຸ້ມລຸ້ມມາແຕ່ນ້ອຍ,ນັກຮຽນປະຖົມກໍເປັນພະຍາດເລືອດດັນສູງແລ້ວ,ເມື່ອຮອດມັດທະຍົມສາຍເລືອດແດງກໍເລີ່ມ
ດ້ານ,ຕັບກໍມີໄຂມັນຫຸ້ມຫໍ່,ສະພາບນີ້,ຫນັກຫນ່ວງຫຼາຍ,ຕ້ອງເອົາໃຈໃນລະດັບສູງ,ຄັນຊັ້ນ,ຈະເຮັດແນວໃດ?ຕ້ອງແກ້ໄຂຈາກສອງດ້ານ,ຫນຶ່ງແມ່ນອາຫານການກິນຕ້ອງເຫມາະສົມ,ສອງແມ່ນຕ້ອງອອກກຳລັງກາຍພໍດ້າມພໍດີ,ກ່ອນອື່ນຕ້ອງຄວບຄຸມອາຫານການກິນ,ກິນອາຫານທີ່ບໍ່ມັນແລະອາຫານທີ່ໂກເລັສເຕລອນຫນ້ອຍ,ສ່ວນອາຫານທາດຫວານເຊັ່ນ:ເຂົ້າແລະຂອງຫວານເປັນຕົ້ນແມ່ນຕ້ອງຄວບຄຸມຢ່າກິນຫຼາຍ,ຮັກສາໃຫ້ພະລັງງານທີ່ຮັບເອົາແລະສິ້ນເປືອງນັ້ນເທົ່າທຽມກັນ,ບາງຄົນອາດຈະຍິນດີກິນຢາລົດຄວາມອ້ວນຫຼືຊາລົດຄວາມອ້ວນ,ທີ່ຈິງແລ້ວ,ວິທີລົດຄວາມອ້ວນທີ່ດີທີ່ສຸດຄວນແມ່ນປັບອາຫານການກິນໃຫ້ເຫມາະສົມແລະອອກກຳລັງກາຍ,ຢູ່ທີ່ນີ້,ທ່ານສາດສະດາຈານຮົງໄດ້ແນະນຳວິທີທີ່ງ່າຍໆແຕ່ໄດ້ຜົນ.
1 ໃຫ້ກິນແກງກ່ອນກິນເຂົ້າ,ນີ້ແມ່ນວິທີທີ່ນັກວິທະຍາສາດອາເມລິກາເປັນຜູ່ສະ ເຫນີ,ເຫດຜົນກໍແມ່ນຖ້າກິນແກງກ່ອນກິນເຂົ້າ,ຄວາມຕື່ນເຕັ້ນຂອງສູນປະສາດຄວາມຢາກໃນສະຫມອງກໍຈະຮ້ວຍລົງ,ຈຶ່ງພາໃຫ້ກິນຫນ້ອຍລົງ,ຢາລົດຄວາມອ້ວນບາງຢ່າງມີສ່ວນປະສົມຊະນິດຫນຶ່ງ,ເຖິງວ່າຄວບຄຸມຄວາມຢາກໄດ້ຢູ່,ແຕ່ຈະເປັນຜົນບໍ່ດີຕໍ່ສາຍເລືອດຫົວໃຈ,ຖ້າຢາກລະງັບຄວາມຢາກ,ກິນແກງກ່ອນກິນເຂົ້າກໍໄດ້ແລ້ວ,ຄັນບໍ່ມີແກງ,ກໍໃຫ້ເອົາກັບເຂົ້າຢ່າງໃດຢ່າງຫນຶ່ງ,ຜ່ານ້ຳໃສ່ກໍໄດ້ຄືກັນ,ກິນແກງກ່ອນແລ້ວຈຶ່ງກິນກັບກິນເຂົ້າ.ກໍຈະກິນຫນ້ອຍລົງ,ຍຶດຫມັ້ນເຮັດແນວນີ້,ຫາກຈະໄດ້ຜົນ.
2 ຕ້ອງກິນເຂົ້າໃຫ້ຊ້າລົງ ຢ່າກິນໄວຫຼາຍ,ຄັນປົກກະຕິ ກິນ 10 ນາທີ ກໍໃຫ້ແກ່ຍາວຮອດ 20 ນາທີຫຼືເຄິ່ງຊົ່ວໂມງ,ຄ່ອຍຫຍ້ຳຄ່ອຍກິນ,ກໍກິນຫນ້ອຍລົງໄດ້,ເພາະວ່າ,ເວລາລະບາຍນ້ຳຍ່ອຍອາຫານໃນກະເພາະແມ່ນມີຈຳກັດ.ຄ່ອຍຫຍ້ຳຄ່ອຍກິນກໍຈະສາມາດບັນລຸຈຸດປະສົງທີ່ໃຫ້ຕົນເອງກິນຫນ້ອຍລົງ
3 ກິນຫຍັງກໍຕ້ອງຫຍ້ຳໃຫ້ດົນໆແດ່,ຂໍ້ນີ້ຍິ່ງສຳຄັນ,ຜູ່ເຖົ້າກິນເຂົ້າຫຍ້ຳດົນໆ, ຈະເຮັດໃຫ້ກ້າມເນື້ອຫຍ້ຳຂອງເຫນັງຕີງຫຼາຍຂຶ້ນ,ບໍ່ພຽງແຕ່ເຮັດໃຫ້ກິນຊ້າລົງ,ຍັງເຮັດໃຫ້ສາຍເລືອດສະຫມອງເດີນດີ,ປ້ອງກັນໂລກສາຍເລືອດສະຫມອງຂາດເລືອດ,ຫຼົບຫຼີກການເປັນໂລກເຊີ້ຊ້າໃນໄວຊະລາ.
4 ເຂົ້າທີ່ກິນໃນແຕ່ລະມື້,ໃຫ້ຄວບຄຸມຢູ່ໃນລະຫວ່າງ 250 ຮອດ 350 ກຼາມ,ແບ່ງອອກກິນໃນຕອນເຊົ້າແລະຕອນທ່ຽງສ່ວນຫຼາຍ,ຄາບຄ່ຳໃຫ້ກິນຫນ້ອຍ,ເຮັດແນວນີ້ເລື້ອຍໆຕ້ອງລົດຄວາມອ້ວນໄດ້ແນ່ນອນ.
ທ່ານຜູ່ຟັງທີ່ໂຄລົບ,ວິທີລົດຄວາມອ້ວນຂອງສາດສະດາຈານຮົງແມ່ນປັບອາຫານການກິນໃຫ້ເຫມາະສົມ,ອອກກຳລັງກາຍໃຫພໍດີພໍວຄວນ,ວິທີກິນເຂົ້ານັ້ນເພີ່ມໄດ້ສະເຫນີໃຫ້ເຮັດຕາມ 4 ຂໍ້ຄື:ກິນແກງກ່ອນກິນເຂົ້າ ກິນຊ້າໆ ຫຍ້ຳໃຫ້ດົນ,ແລະຄາບຄ່ຳໃຫ້ກິນຫນ້ອຍ,ຄວາມອ້ວນກໍຈະລົດລົງຢ່າງທຳມະຊາດໃນດ້ານອອກກຳ ລັງກາຍ ຈະຍ່າງ ລອຍນ້ຳ ຖີບລົດຖີບ ແລ່ນຊ້າແລະອື່ນໆກໍໄດ້,ກ່ຽວກັບການອອກກຳລັງກາຍ ໂດຍສະເພາະແມ່ນສຳລັບຜູ່ເຖົ້າ ທ່ານສາດສະດາຈານຮົງໄດ້ສະເຫນີເປັນພິເສດ,ແມ່ນໃຫ້ຍ່າງ ກ່ຽວກັບການຍ່າງ ທ່ານເວົ້າວ່າ,ທ່ານຢາກແຂງແຮງບໍ່,ໃຫ້ທ່ານຍ່າງເລືອຍໆ,ທ່ານຢາກສະຫຼາດບໍ່?ໃຫ້ທ່ານຍ່າງເລື້ອຍໆ,ທ່ານຢາກງາມບໍ່?ໃຫ້ທ່ານຍ່າງເລື້ອຍໆ,ຍ່າງມີຜົນດີຕໍ່ການລົດຄວາມດັນເລືອດ,ລົດໂກເລັສເຕລອນແລະລົດນ້ຳຫນັກເປັນຕົ້ນ.ຖ້າຫຼິ້ນກິລາແນວອື່ນ,ຍັງຖືກຜູກມັດຍ້ອນດິນຟ້າອາກາດ,ອຸນຫະພູມ ສະຖານທີ່,ເງື່ອນໄຂເສດຖະກິດແລະອື່ນໆ,ແຕ່ການຍ່າງ ແມ່ນງ່າຍທີ່ສຸດ,ຍ່າງໃນຍາມໃດກໍໄດ້,ຢູ່ໃສກໍໄດ້ໃນທຸກລະດັບການຫມົດປີ,ເຮັດໄດ້ຢ່າງສະຫມ່ຳສະເຫມີ,ເປັນລະບຽບແລະພໍດີພໍຄວນ,ການອອກກຳລັງກາຍແບບນີ້ໄດ້ຜົນດີທີ່ສຸດ.
ຄັນຊັ້ນ,ການຍ່າງຕ້ອງໃຫ້ໄດ້ເຖິງລະດັບໃດ?ຍ່າງແຕ່ລະເທື່ອດີທີ່ສຸດໃຫ້ໄດ້ 3000 ແມັດ,ປະມານ 3 ຫຼັກ.ເທື່ອຫນ່ຶງ 30 ນາທີຂຶ້ນໄປ,ຄືຕ້ອງຍ່າງໄວໆແດ່ຈັກຫນ່ອຍ,ອາທິດຫນຶ່ງ 5 ເທື່ອຢ່າງຫນ້ອຍ,ຈຶ່ງຈະສິ້ນເປືອງພະລັງງານທີ່ເຫຼືອເຟືອ,ບັນລຸຈຸດປະສົງລົດຄວາມອ້ວນ,ໄລຍະທາງທີ່ຍ່າງນັ້ນ,ດີທີ່ສຸດແມ່ນຍ່າງໃຫ້ສຸດບາດດຽວ,ຖ້າແບ່ງອອກຫຼາຍເທື່ອກໍຈະໄດ້ຮັບຜົນບໍ່ດີປານໃດ.
|
