ຕາມ​ຂ່າວສານ​ຊິນ​ຮວາ: ​ແຕ່​ເດືອນ​ມັງກອນ​​ເປັນຕົ້ນມາ, ຢູ່​ທົ່ວ​ປະ​ເທດ​ຫວຽດ​ນາມ​ໄດ້​ມີ​ແຂວງ​ແລະ​ຕົວ​ເມືອງ​​ເກືອບ​ເຄິ່ງໜຶ່ງ​ໄດ້​ພົບ​ເຫັນ​ພະຍາດ​ໄຂ້ຫວັດ​ສັດ​ປີກ, ສັດ​ປີກ​ລ້ຽງ​ທີ່​ຕິດ​ພະ​ຍາດ​​ແລ້ວຖືກ​ຂ້າ​ຕາຍ​ໄດ້ລື່ນ​ກາຍ 6 ​ແສນ 1 ​ໝື່ນ​​ໂຕ, ມີ 11 ຄົນ​ຖືກ​ບົ່ງ​ມະ​ຕິ​ເປັນ​ພະ​ຍາດ​ໄຂ້​ຫວັດ​ສັດ​ປີກ, ​ໃນ​ນັ້ນມີ 9 ຄົນ​ເສຍ​ຊີວິດ​ແລ້ວ.

​ວັນ​ທີ 26 ມັງກອນ ສື່​ມວນ​ຊົນ​ຫວຽດນາມ​ລາຍ​ງານ​ວ່າ, ຕາມປະກາດຫຼ້າ​ສຸດ​ຂອງ​ພາກ​ສ່ວນ​ທີ່​ກ່ຽວ​ຂ້ອງ​ຂອງ​ຫວຽດນາມ, ທົ່ວ​ປະ​ເທດ​ຫວຽດນາມ​ມີ 26 ​ແຂວງ​ແລະ​ຕົວ​ເມືອງ​​ໄດ້​ພົບ​ເຫັນ​ພະ​ຍາດ​ໄຂ້ຫວັດ​ສັດ​ປີກ. ວັນ​ທີ 25 ມັງກອນ, ​ຜູ່​ຊາຍ​ຜູ່​ໜຶ່ງທີ່​ມີ​ອາ​ຍຸ 17 ປີ​ຖືກ​ຢືນ​ຢັນ​ວ່າ​​ແມ່ນ​ຕາຍ​ຍ້ອນ​ພະຍາດ​ໄຂ້ຫວັດ​ສັດ​ປີກ, ​ເປັນ​ຜູ່​ຕິດພະຍາດ​ໄຂ້ຫວັດ​ສັດ​ປີກ​ຄົນ​ທີ 11 ​ໃນ​ທົ່ວ​ປະ​ເທດ​ຫວຽດ​ນາມ.

ຕາມ​ໄດ້​ຊາບ, ຫວ່າງ​ມໍ່ໆ​ນີ້ ຫວຽດນາມ​ໄດ້​ຢຸດຕິ​ການ​ນຳ​ເຂົ້າສິນຄ້າ​ປະ​ເພດ​ໄຂ່​​ແລະ​ສັດ​ປີກ​ຈາກ​ປະ​ເທດ​ອ້ອມ​ຂ້າງ​ຊົ່ວຄາວ, ພາກສ່ວນ​ທີ່​ກ່ຽວຂ້ອງ​ກໍ່​ເພີ່ມ​ທະວີ​ການ​ຄວບ​ຄຸມ​ການ​ຂົນ​ສົ່ງ​ແລະ​ຊື້​ຂາຍ​ອາຫານ​ປະ​ເພດ​ໄຂ່​​ແລະສັດ​ປີກ.