ຕາມ​ຂ່າວສານ​ຊິນ​ຮວາ: ວັນ​ທີ 26 ມັງກອນ, ທ່ານ​ເສີນ​ສິໝິງ ​ເລຂາທິການ​ໃຫຍ່​ສະພາ​ກາ​ແດງ​ຮົງ​ກົງ​ເຜີຍ​ໃຫ້​ຮູ້​ວ່າ, ກອງ​ປະຊຸມ​ກ່ຽວ​ກັບ​ການ​ສ້າງສາ​ຄືນ​​ໃໝ່ຫຼັງ​ໄພ​ຄື້ນຊູ​ນາ​ມີ​ມະ​ຫາ​ສະ​ໝຸດ​ອິນ​ເດຍຂອງ​ສະພາກາ​ແດງ​ສາກົນ​ຈະ​ຈັດ​ຂຶ້ນຢູ່​ຮົງ​ກົງ​ໃນຕົ້ນ​ເດືອນ​ມີນາ, ​​ເວລາ​ນັ້ນ ຜູ່​ແທນ​ຂອງ​ປະ​ເທດ​ປະສົບ​ໄພ​ແລະສະພາກາ​ແດງ​ຕ່າງໆ​ທີ່​ຕັ້ງໜ້າ​ເຂົ້າ​ຮ່ວມ​ການ​ສົງ​ເຄາະ​ແລະ​ກອບ​ກູ້​ເກືອບ 50 ອົງການ​ຈະເຂົ້າຮ່ວມ​ກອງ​ປະຊຸມ.

ປະຈຸ​ບັນ, ໜ່ວຍ​ຕີ​ລາຄາ​ການ​ສ້າງສາ​ຄືນ​ໃໝ່​ທີ່​ປະກອບ​ດ້ວຍ​ຜູ່​ຊ່ຽວຊານ​ພວມ​ຕີ​ລາ​ຄາ​ຢູ່​ປະ​ເທດ​ປະສົບ​ໄພ, ສະ​ເໜີ​ຄວາມ​ເຫັນ​ທີ່​ມີ​ລັກສະນະ​ສ້າງສັນ​ແລະ​ຂຽນ​ບົດ​ລາ​ຍງານ​ກ່ຽວ​ກັບ​ການ​ສ້າງສາ​ພື້ນຖາ​ນ​ໂຄງ​ລ່າງ​ຄືສາທາລະນະ​ສຸກ ສິ່ງ​ກໍ່ສ້າງ​ແລະນ້ຳ​ກິນນ້ຳໃຊ້​ເປັນ​ຕົ້ນ, ບົດ​ລາຍ​ງານ​ເຫຼົ່າ​ນີ້​ຈະ​ຫາລື​ກັນ​​ໃນ​ກອງ​ປະຊຸມສ້າງສາ​ຄືນ​ໃໝ່ຫຼັງ​ໄພພິ​ບັດ​ທີ່​ຈະ​ຈັດ​ຂຶ້ນ​ຢູ່​ຮົງ​ກົງ.