ຕາມ​ຂ່າວCRI: ​ໃນ​ງານ​ຊຸມນຸມ​ນັກ​ຂ່າວ​ທີ່​ຈັດ​ຂຶ້ນຢູ່​ປັກ​ກິ່ງ​ໃນວັນ​ທີ 27 ມັງ​ກອນ, ທ່ານ​ຂົງ​ສວນ ​ໂຄສົກ​ກະຊວງ​ການ​ຕ່າງປະ​ເທດ​ຈີນ​ກ່າວ​ວ່າ, ກອງ​ປະຊຸມ​ສຳ​ມະ​ນາ​ການ​ເຕືອນ​ໄພ​ແຜ່ນ​ດິນ​ໄຫວ​ແລະ​ຄື້ນຊູ​ນາ​ມີ​ຈີນອາຊ​ຽນທີ່​ອັດລົງ​ໃນ​ວັນ​ທີ 26 ມັງກອນ​ແມ່ນ​ກອງ​ປະ​ຊຸມ​ສຳ​ເລັດ​ຜົນ​ເທື່ອ​ໜຶ່ງ.

ທ່ານ​ຂົງສວນ​ເວົ້າວ່າ, ​​"ແຜນປະຕິບັດ​ງານ​ກ່ຽວ​ກັບ​ການ​ສ້າງຕັ້ງ​ແທ່ນ​ເຕັກນິກ​ລະ​ບົບ​ເຕືອນ​ໄພ​​ແຜ່ນດິນ​ໄຫວ​ແລະ​ຄື້ນຊູ​ນາ​ມີ" ທີ່​ປະກາດໃນ​ກອງ​ປະຊຸມ​ເທື່ອ​ນີ້, ​ໄດ້​ມີ​ເນື້ອ​ໃນ​ກ່ຽວ​ກັບ​ການ​ສ້າງຕັ້ງ​ເຄືອ​ຂ່າຍ​ສະຖານີ​ແຜ່ນດິນ​ໄຫວ​ພາກພື້ນອາຊີ ​ເລັ່ງ​ບາດ​ກ້າວ​ແລກ​ປ່ຽນ​ເຕັກ​ນິກ​ແລະ​ຂໍ້​ມູນ​ຂ່າວສານ​ລະຫວ່າງ​ຊາດ​ແລະ​ອື່ນໆ.

ຈີນ​ຈະ​ທຳ​ຄວາມ​ພະຍາຍາມ​ແລະ​ປະກອບສ່ວນ​ເຂົ້າ​ໃນ​ການຈັດຕັ້ງ​ປະຕິບັດ​ແຜນປະ​ຕິ​ບັດ​ງານ​ດັ່ງກ່າວ​, ໃຫ້ການ​ສະໜັບສະໜູນດ້ານ​ເຕັກນິກ ການ​ອົບຮົມ​ບຸກຄະລາ​ກອນ​ແລະ​ສະ​ໜອງ​ຂໍ້​ມູນ​ຂ່າວ​ສານ​ເປັນຕົ້ນ.