|
ຕາມຂ່າວສານຊິນຮວາ ບັນດາວິຊາການເຫັນວ່າ,ເຖິງວ່າຄື້ນຊູນາມີໄດ້ເຮັດໃຫ້ 2 ແສນກວ່າຄົນເສຍຊີວິດແລະພາໃຫ້ພື້ນຖານໂຄງລ່າງຖືກທຳລາຍຢ່າງຫນັກຫນ່ວງກໍຕາມ,ແຕ່ໄພພິບັດເທື່ອນີ້ບໍ່ໄດ້ເຮັດໃຫ້ສະຖານະການເສດຖະກິດກວມລວມຂອງປະເທດທີ່ປະສົບໄພເສຍຫາຍເຖິງຂັ້ນຫຼົມແຫຼວ
ບັນດາວິຊາການທີ່ເຂົ້າຮ່ວມກອງປະຊຸມສຳມະນາກ່ຽວກັບການວິເຄາະສະຖານະການເສດຖະກິດຫຼັງໄພພິບັດແລະການຮ່ວມມືລະຫວ່າງຊາດທີ່ຈັດຂຶ້ນຢູ່ປັກກິ່ງໃນວັນທີ 27 ມັງກອນເຫັນວ່າ,ຍ້ອນປະຊາຄົມໂລກໄດ້ບໍລິຈາກເງິນຢ່າງເອື້ອເຟື້ອເພື່ອແຜ່ແກ່ເຂດປະສົບໄພ,ຄວາມເສຍຫາຍທາງເສດຖະກິດໂດຍກົງຂອງບັນດາປະເທດທີ່ປະສົບໄພໄດ້ຮັບການຕາມຈູນຫຼວງຫຼາຍທັງນີ້ໄດ້ສ້າງພື້ນຖານໃຫ້ແກ່ບັນດາປະເທດທີ່ກ່ຽວຂ້ອງເລີ່ມສ້າງສາຄືນໃຫມ່ຫຼັງໄພພະບັດໂດຍໄວເທົ່າທີ່ຈະໄວໄດ້.ວິຊາການທີ່ກ່ຽວຂ້ອງເຫັນວ່າ,ຍ້ອນໄພພິບັດເທື່ອນີ້ສ່ວນຫຼາຍໂຮມຢູ່ແຄມທະເລແລະຊົນນະບົດ,ດັ່ງນັ້ນ ໄພເທື່ອນີ້ສົ່ງຜົນສະທ້ອນໃນລະດັບໃດຫນຶ່ງຕໍ່ປະເທດທີ່ກ່ຽວຂ້ອງ,ເຖິງວ່າຂະແຫນງການທ່ອງທ່ຽວຂອງປະເທດອິນໂດເນເຊຍ ໄທແລະສີລັງກາໄດ້ຖືກກະຫນ່ຳກໍຕາມ,ແຕ່ປະເທດເຫຼົ່ານີ້ລ້ວນແຕ່ໄດ້ໃຊ້ມາດຕະການອັນຕັ້ງຫນ້າທີ່ດູດດຶງເອົານັກທ່ອງທ່ຽວ,ກະວ່າ ສະພາບຕົກທີ່ສຸດຂອງຂະແຫນງການທ່ອງທ່ຽວບໍ່ຫ່ອນຊິຫນັກຫວ່າຫນຶ່ງປີ
|
