ຕາມ​ຂ່າວCRI: ກອງ​ປະຊຸມ​ຂັ້ນລັດຖະມົນຕີ​ການ​ຮ່ວມ​ມື​ພາກພື້ນຈັດ​ວາງ​ການ​ເຕືອນ​ໄພ​ຄຶ້​ນຊູນ​າມີ​ທີ່​ໄຂ​ຂຶ້ນ​ຢູ່​ເກາະ​ພູ​ເກັດ ພາກ​ໃຕ້​ຂອງ​ໄທເປັນ​ເວລາ​ສອງ​ມື້​ໄດ້​ອັດ​ລົງ​ໃນ​ວັນ​ທີ 29 ມັງກອນ.

ຄຳ​ຖະ​ແຫລ​ງການ​ພູ​ເກັດ​ທີ່​ກອງ​ປະຊຸມ​ປະກາດ​ຂຽນ​ວ່າ,​ມະ​ຫັນ​ຕະ​ໄພ​ທີ່​​ໄພ​ແຜ່ນດິນໄຫວ​ແລະ​ຄຶ້ນ​ຊູ​ນາ​ມີ​ມະຫາ​ສະຫມຸດ​ອິນ​ເດຍສ້າງ​ໄວ້​ໃຫ້ແກ່​ມະນຸດ​ເທື່ອ​ນີ້​ສະ​ແດງ​ໃຫ້​ເຫັນ​ວ່າ,ການ​ຮັບ​ມື​ກັບ​ໄພ​ທຳ​ມະ​ຊາດ​ນັ້ນ​ແມ່ນ​ຫນ້າ​ທີ່​ຮັບຜິດຊອບ​ຮ່ວມ​ຂອງ​ປະຊາ​ຄົມ​ໂລກ​,ການ​ສ້າງ​ລະບົບ​ເຕືອນ​ໄພ​ຄຶ້ນ​ຊູ​ນາ​ມີ​ມະຫາ​ສະຫມຸດ​ອິນ​ເດຍ​ເພື່ອ​ປ້ອງ​ກັນ​ໄພ​ທຳ​ມະຊາດ​ນັ້ນ​ແມ່ນ​ສຳຄັນ​ທີ່​ສຸດ.ປະ​ເທດ​ແລະ​ອົງການ​ທີ່​ກ່ຽວຂ້ອງ​ຕ້ອງ​ເພີ່ມ​ທະວີ​ການ​ປະສານ​ງານ​ແລະ​ການ​ຮ່ວມ​ມື​ກັນ.ຄຳ​ຖະ​ແຫລ​ງການຍັງ​ຊົມ​ເຊີຍ​ບັນດາ​ປະ​ເທດ​ແລະ​ອົງການ​ຈັດຕັ້ງ​ສາກົນ​ສະຫນອງ​ການ​ສະຫນັບສະຫນູນ​ດ້ານ​ການ​ເງິນ​ແລະ​ເຕັກນິກ​ທີ່​ກ່ຽວ​ຂ້ອງ,​ເພື່ອ​ສຳ​ເລັດ​ການກໍ່ສ້າງ​ພາກສ່ວນທາດ​ແທ້​ຂອງ​ລະບົບ​ເຕືອນ​ໄພ​ດັ່ງກ່າວ​ໃນ​ໄລຍະ​ກາງຂອງ​ປີ 2006.