|
|
 |
| (GMT+08:00)
2005-01-31 11:04:22
|
 |
|
ປະຊາຄົມໂລກເຫັນວ່າການເລືອກຕັ້ງທົ່ວໄປຂອງອີຣັກມີຄວາມໝາຍສຳຄັນ
cri
Author: MO
ຕາມຂ່າວCRI: ວັນທີ 30 ມັງກອນ, ປະຊາຄົມໂລກພາກັນທຳປະຕິກິລິຍາຕໍ່ການເລືອກຕັ້ງທົ່ວໄປຂອງອີຣັກທີ່ຈັດຂຶ້ນໃນມື້ດຽວກັນ. ເຫັນວ່າ, ການເລືອກຕັ້ງເທື່ອນີ້ມີຄວາມໝາຍສຳຄັນ.
ທ່ານອານນານ ເລຂາທິການໃຫຍ່ສະຫະປະຊາຊາດກ່າວວ່າ, ການເລືອກຕັ້ງທົ່ວໄປທີ່ຈັດຂຶ້ນຢູ່ອີຣັກແມ່ນບາດກ້າວທຳອິດທີ່ອີຣັກຢ່ວງໄປສູ່ປະຊາທິປະໄຕ, ທົ່ວໂລກຕ້ອງເຊີດຊູກຳລັງໃຈຊາວອີຣັກໃຊ້ບັດເລືອກຕັ້ງມາກຳນົດອະນາຄົດຂອງຊາດຕົນ.
ໜັງສືພິມສຳຄັນຂອງປະເທດອາລັບໃນອ່າວເປີເຊຍເຫັນວ່າ, ການເລືອກຕັ້ງທົ່ວໄປເທື່ອນີ້ມີຄວາມໝາຍສຳຄັນຕໍ່ຂະບວນການສ້າງສາອີຣັກທາງການເມືອງຄືນໃໝ່, ແຕ່ສະຖານະການຄວາມປອດໄພຂອງອີຣັກໃນສະເພາະໜ້ານີ້ເຮັດໃຫ້ການບັນລຸເປົ້າໝາຍດັ່ງກ່າວເຫັນໄປໃນແງ່ດີບໍ່ໄດ້.
ວັນທີ 30 ມັງກອນ, ທ່ານບຸສ ປະທານາທິບໍດີອາເມລິກາກ່າວວ່າ, ການເລືອກຕັ້ງທົ່ວໄປຂອງອີຣັກທີ່ຈັດຂຶ້ນໃນມື້ດຽວກັນແມ່ນສຳເລັດຜົນ, ທ່ານແບຼ ນາຍົກລັດຖະມົນຕີອັງກິດກໍກ່າວວ່າ, ອັດຕາປ່ອນບັດສູງຂອງການເລືອກຕັ້ງທົ່ວໄປຂອງອີຣັກເທື່ອນີ້ເປັນການໂຈມຕີຢ່າງໜັກຕໍ່ລັດທິກໍ່ການຮ້າຍ.
ມື້ດຽວກັນ, ທ່ານເດີຮຸບ ເຊັບເຟີ ເລຂາທິການໃຫຍ່ກຸ່ມນາໂຕໃຫ້ຄຳໝັ້ນສັນຍາວ່າ, ກຸ່ມນາໂຕຈະໃຫ້ການຊ່ອຍເຫຼືອດ້ານຄວາມປອດໄພຍິ່ງຫລາຍກວ່າເກົ່າແກ່ອີຣັກພາຍໃນບໍ່ທໍ່ໃດເດືອນຂ້າງໜ້ານີ້.
|
|
|
