|
|
 |
| (GMT+08:00)
2005-02-01 16:43:25
|
 |
|
ຜົນກະທົບທາງລົບຂອງຄື້ນຊູນາມີທີ່ມີຕໍ່ເສດຖະກິດພາກພື້ນແມ່ນມີຈຳກັດ
cri
Author: mo
ວັນທີ 26 ທັນວາປີ 2004, ມະຫາສະໝຸດອິນເດຍໄດ້ເກີດແຜ່ນດິນໄຫວຢ່າງຮ້າຍແຮງແລະພາໃຫ້ເກີດຄື້ນຊູນາມີ, ໄດ້ເຮັດໃຫ້ປະເທດອາຊີຈຳນວນໜຶ່ງມີຄົນຕາຍແລະບາດເຈັບຢ່າງຫລວງຫລາຍແລະມີຄວາມເສຍຫາຍດ້ານຊັບສິນຢ່າງໜັກໜ່ວງ. ແຕ່ທະນາຄານພັດທະນາອາຊີເຫັນວ່າ, ຜົນກະທົບຂອງໄພພິບັດບັ້ນນີ້ທີ່ມີຕໍ່ການພັດທະນາເສດຖະກິດກວມລວມຂອງປະເທດແລະພາກພື້ນທີ່ປະສົບໄພນັ້ນແມ່ນມີຈຳກັດ.
ຕາມຊາບວ່າ, ໃນບັນດາປະເທດທີ່ປະສົບໄພນັ້ນ, ກະວ່າ, ໜ້າພຽງເພີ່ມGDPຂອງອິນໂດເນເຊຍໃນປີນີ້ແລະປີໜ້າຈະຫລຸດລົງ0.2%; ລັດຖະບານໄທກໍໄດ້ຫລຸດອັດຕາເພີ່ມ GDP ໃນປີ 2005 ທີ່ຄາດໄວ້ກ່ອນຈາກ 7% ກ່ອນປະສົບໄພລົງຮອດ 5.7%. ມານດີວແລະສີລັງກາຍ້ອນເນື້ອທີ່ແຫ່ງຊາດນ້ອຍ, ໃນອົງປະກອບເສດຖະກິດນັ້ນ, ການທ່ອງທ່ຽວແລະກະສິກຳກວມອັດຕາສ່ວນຂ້ອນຂ້າງຫລາຍ, ບວກກັບຂຸມການເງິນເດີມເລິກ, ເສດຖະກິດຈະຖືກກະທົບຍິ່ງຫລາຍກວ່າ.
ກ່ຽວກັບຜົນສະທ້ອນທາງລົບທີ່ແຜ່ນດິນໄຫວແລະຄື້ນຊູນາມີນຳມາໃຫ້ເສດຖະກິດແລະສັງຄົມຂອງພາກພື້ນນີ້, ທະນາຄານພັດທະນາອາຊີເຫັນວ່າ, ໄພພິບັດບັ້ນນີ້ໄດ້ເຮັດໃຫ້ມີປະຊາກອນຜູ້ທຸກຍາກເພີ່ມຂຶ້ນອີກ 2 ລ້ານຄົນ, ນີ້ຈະກະທົບແຮງຕໍ່ວຽກງານຫລຸດຄວາມທຸກຍາກຂອງປະເທດອາຊີ. ມັນອາດຈະສ້າງບັນຫາຕ່າງໆເຊັນຄົນ, ລະດັບສຸຂະພາບຂອງປະຊາກອນຕ່ຳລົງ, ແລະສິ່ງແວດລ້ອມສັງຄົມຊຸດຮ້າຍລົງເປັນຕົ້ນ.
ນັກເສດຖະສາດຂອງທະນາຄານພັດທະນາອາຊີເຫັນວ່າ, ເຂດປະສົບໄພເທື່ອນີ້ຕົ້ນຕໍໂຮມສູນຢູ່ແຄມທະເລ, ຫາກບໍ່ແມ່ນເຂດທີ່ມີການເຄື່ອນໄຫວເສດຖະກິດແລະອຸດສາຫະກຳໂຮມສູນ. ຕົວຢ່າງຄື, ມູນຄ່າການຜະລິດຂອງແຂວງອາເຈະແຫ່ງອິນໂດເນເຊຍທີ່ປະສົບໄພໜັກໜ່ວງກວ່າໝູ່ກວມພຽງແຕ່ 2%ຂອງGDPປະເທດດັ່ງກ່າວ, ຊັບພະຍາກອນຕົ້ນຕໍຂອງອິນໂດເນເຊຍແມ່ນອາຍແກັສທຳມະຊາດແລະນ້ຳມັນເຊື້ອໄຟທີ່ບໍ່ທັນໄດ້ຂຸດຄົ້ນພັດທະນາ, ສະນັ້ນບໍ່ຫ່ອນຈະຖືກກະທົບຈາກໄພພິບັດບັ້ນນີ້. ໃນ 6 ຈັງຫວັດທີ່ຢູ່ແຄມທະເລພາກໃຕ້ທີ່ປະສົບໄພຂອງໄທ, ຍອດມູນຄ່າການຜະລິດແມ່ນ 2 ຕື້ໂດລາສະຫະລັດຕໍ່ປີ, ກວມພຽງແຕ່ 1.3% ຂອງGDP ທົ່ວປະເທດໄທ. ນັກເສດຖະສາດຂອງທະນາຄານພັດທະນາອາຊີຍັງເຫັນວ່າ, ພາຍໃນໄລຍະສັ້ນໆຫລັງໄພພິບັດ, ການທ່ອງທ່ຽວຂອງອາຊີອາຄະເນແລະອາຊີໃຕ້ຈະປະກົດມີກະແສຕ່ຳ, ແຕ່ບໍ່ຫ່ອນຈະບໍ່ຈະເລີນຂຶ້ນ. ນອກຈາກແຄມທະເລແລະເກາະດອນທີ່ປະສົບໄພແລ້ວ, ຊັບພະຍາກອນທ່ອງທ່ຽວສ່ວນຫລາຍໃນເຂດແຄວ້ນເຫຼົ່ານີ້ບໍ່ໄດ້ຖືກທຳລາຍ, ກະວ່າ, ຍອດຈຳນວນນັກທ່ອງທ່ຽວບໍ່ຫ່ອນຈະຫລຸດລົງຫລາຍ, ພຽງແຕ່ຢູ່ປາຍທາງທ່ອງທ່ຽວຈຶ່ງມີການປ່ຽນແປງ. ຢູ່ເຂດປະສົບໄພ, ການບໍລິການແລະສິ່ງກໍສ້າງຂອງການທ່ອງທ່ຽວກໍຄາດໝາຍຈະສ້າງສາຄືນໃໝ່ໂດຍໄວ. ນອກນີ້, ຜົນສະທ້ອນຈາກແຜ່ນດິນໄຫວແລະຄື້ນຊູນາມີກໍແຕກຕ່າງກັນຫລາຍກັບພະຍາດລະບາດຄືພະຍາດຊາສ໌ທີ່ມີຜົນສະທ້ອນໃນໄລຍະຍາວນານ, ມັນບໍ່ຫ່ອນມີປັດໃຈບໍ່ແນ່ນອນຕົກຄ້າງຢູ່, ນອກຈາກເກີດມີພະຍາດລະບາດຢູ່ເຂດປະສົບໄພ. ສະນັ້ນ, ຖ້າປະສານສົມທົບກັບການສ້າງສາຄືນໃໝ່ທີ່ບັງເກີດຜົນແລະມາດຕະການເຜີຍແຜ່ໂຄສະນາ, ຄວາມໝັ້ນໃຈຂອງນັກທ່ອງທ່ຽວຈະຖືກຟື້ນຟູຂຶ້ນໃນອະນາຄົດອັນໄກ້ນີ້.
ຜູ່ຊ່ຽວຊານຂອງທະນາຄານພັດທະນາອາຊີຍັງຊີ້ອອກວ່າ, ໃນ 3 ປີທີ່ຜ່ານມາ, ອິນໂດເນເຊຍແລະໄທທີ່ປະສົບໄພເທື່ອນີ້ລ້ວນແຕ່ໄດ້ຮັກສາທ່ວງທ່າເຕີບໂຕເສດຖະກິດທີ່ດີງາມ, ສະພາບການເງິນກໍມີການປັບປຸງໃຫ້ດີຂຶ້ນ, ຄັງສຳຮອງເງິນຕາຕ່າງປະເທດກໍມີພຽງພໍ, ສະນັ້ນຈຶ່ງມີຄວາມສາມາດທົນຕໍ່ການຊຸກທັ່ງຂອງໄພພິບັດທີ່ມີຕໍ່ເສດຖະກິດ. ນອກນັ້ນ, ເງິນບໍລິຈາກກູ້ໄພແລະສ້າງສາຄືນໃໝ່ທີ່ປະຊາຄົມໂລກໃຫ້ຄຳໝັ້ນສັນຍານັ້ນມີຫລາຍກວ່າ 5 ຕື້ໂດລາສະຫະລັດ, ທຶນຮອນທີ່ໄດ້ເອົາໃຫ້ແລ້ວກໍມີ 1 ຕື້ໂດລາສະຫະລັດແລ້ວ. ໂຄງການສ້າງສາຄືນໃໝ່ຫລັງໄພພິບັດກໍຈະນຳເຂົ້າທຶນຕ່າງປະເທດ, ນີ້ຍ່ອມຈະຊັກຈູງໃຫ້ວິສາຫະກິດອຸດສາຫະກຳແລະຕະຫລາດອຸປະກອນກໍ່ສ້າງຂອງທ້ອງຖິ່ນເພີ່ມຂຶ້ນໃນລະດັບຕ່າງກັນ.
|
|
|
