|
|
 |
| (GMT+08:00)
2005-02-02 15:16:00
|
 |
|
ສັງເກດເບິ່ງການທ່ອງທ່ຽວຂອງອາຊີຫຼັງໄພຄື້ນຊູນາມີ
cri
Author: q
CRIລາຍງານວ່າ,ຄື້ນຊູນາມີມະຫາສະໝຸດອິນເດຍທີ່ເກີດຂຶ້ນໃນທ້າຍປີກາຍນີ້ໄດ້ສ້າງຄວາມເສຍຫາຍໃນລະດັບຕ່າງກັນຕໍ່ການທ່ອງທ່ຽວຂອງປະເທດອາຊີອາຄະເນແລະອາຊີໄຕ້ທີ່ປະສົບໄພ.ບ່ອນທ່ອງທ່ຽວຂອງເກາະພູເກັດທີ່ເປັນບ່ອນຕາກອາກາດຊື່ດັງຂອງໄທມີນັກທ່ອງທ່ຽວໜ້ອຍທີ່ສຸດໃນຊົ່ວໄລຍະໜຶ່ງ.ສ່ວນປະຈຸບັນ,ຖ້າທ່ານໄປຫາດຊາຍທະເລປາຕອງທີ່ມີຊື່ສຽງກວ່າໝູ່ຂອງເກາະພູເກັດ,ກໍຈະໄດ້ເຫັນຟອງທະເລຄ່ອຍໆກະທົບຝັ່ງ,ນັກທ່ອງທ່ຽວຫຼິ້ນຢູ່ຫັ້ນຢ່າງເບີກບານມ່ວນຊື່ນ.ທຳມະດາແລ້ວ,ເມື່ອທຽບກັບເມື່ອກ່ອນທີ່ມີນັກທ່ອງທ່ຽວຢ່າງຫຼວງຫຼາຍພາຍມາກແລ້ວ,ອາດເວົ້າໄດ້ວ່າ,ດຽວນີ້ຢູ່ຫາດຊາຍທະເລປາຕອງຍັງມີນັກທ່ອງທ່ຽວໜ້ອຍຢູ່.
ຂ່າວທີ່ສົ່ງມາຈາກກອງປະຊຸມສຸກເສີນຂອງອົງການທ່ອງທ່ຽວໂລກ ສະແດງໃຫ້ເຫັນວ່າ,ປະຈຸບັນ,ພາກສ່ວນການທ່ອງທ່ຽວຂອງປະເທດປະສົບໄພຄື້ນຊູນາມີຢູ່ອາຊີອາຄະເນແລະອາຊີໃຕ້ຕ້ອງແກ້ໄຂບັນຫາສຳຄັນຢ່າງຮີບດ່ວນດັ່ງນີ້: ໜຶ່ງແມ່ນເຮັດໃຫ້ນັກທ່ອງທ່ຽວໃນໂລກຫາຍຄວາມຮູ້ສຶກບໍ່ປອດໄພທີ່ມາທ່ອງທ່ຽວຢູ່ປະເທດເຫຼົ່ານີ້ໂດຍໄວ.ສອງແມ່ນສະໜອງເງິນທຶນແລະການອົບຮົມວິຊາຊີບ,ເພື່ອແກ້ໄຂບັນຫາຫວ່າງງານຂອງປະຊາຊົນເຂດປະສົບໄພໂດຍໄວ.ໃນຂະນະທີ່ຄື້ນຊູນາມີເຮັດໃຫ້ຫຼາຍໆຄົນໝົດທາງທຳມາຫາກິນ,ພາໃຫ້ຄົນຕາຍແລະບາດເຈັບຈຳນວນຫຼວງຫຼາຍນັ້ນກໍໄດ້ເຮັດໃຫ້ເຂດປະສົບໄພຂາດເຂີນຜູ້ບໍລິການການທ່ອງທ່ຽວ.ຕົວເລກຂໍ້ມູນຂອງລັດຖະບານໄທສະແດງໃຫ້ເຫັນວ່າ,ໃນຜູ້ບໍລິການການທ່ອງທ່ຽວທີ່ມີຢູ່ແຕ່ເດີມໃນເຂດປະສົບໄພຂອງໄທມີ30%ໄດ້ເສຍຊີວິດຍ້ອນຄື້ນຊູນາມີ.
ແຕ່ຄວນເຫັນໄດ້ວ່າ,ໄພພິບັດຄື້ນຊູນາມີເທື່ອນີ້ໄດ້ນຳເອົາໂອກາດພັດທະນາໃໝ່ຈຳນວນໜຶ່ງມາສູ່ການທ່ອງທ່ຽວຂອງເຂດປະສົບໄພ.ຕົວຢ່າງ,ດັດແກ້ການພັດທະນາການທ່ອງທ່ຽວເກີນສ່ວນໃນເມື່ອກ່ອນທີ່ນຳເອົາກຳລັງກົດດັນຕໍ່ສິ່ງແວດລ້ອມ.ກຳລັງດູດດຶງຂອງການທ່ອງທ່ຽວຂອງປະເທດອາຊີອາຄະເນສ່ວນຫຼາຍແມ່ນມາຈາກພາບວິວທິວທັດທຳມະຊາດທີ່ສວຍງາມແລະຮູບຖານດຳລົງຊີວິດຕາມທຳມະຊາດຂອງໄທເມືອງທ້ອງຖິ່ນ.ການສ້າງສາຄືນໃໝ່ຫຼັງໄພພິບັດໄດ້ອຳນວຍໂອກາດ ສ້າງສາໃຫ້ມະນຸດກັບທຳມະຊາດຊົງຕົວນຳກັນຢ່າງກົມກຽວກັນຕື່ມອີກ.
ນອກນີ້,ການບໍລິຈາກຂອງປະຊາຄົມໂລກແລະເງິນຊ່ອຍເຫຼືອຂອງລັດຖະບານບັນດາປະເທດຈະຊັກຈູງກໍ່ກະແສສູງການລົງທຶນຮອບໃໝ່ຢູ່ເຂດທ່ອງທ່ຽວທີ່ປະສົບໄພ.ການລົງທຶນເຫຼົ່ານີ້ຈະຫັນປ່ຽນເປັນໂອກາດປະກອບອາຊີບໃໝ່,ພື້ນຖານໂຄງລ່າງທີ່ດີກວ່າເກົ່າແລະແຜນການພັດທະນາທີ່ສົມເຫດສົມຜົນກວ່າເກົ່າ.ທັງນີ້ເວົ້າສຳລັບການພັດທະນາໄລຍະຍາວຂອງການທ່ອງທ່ຽວແລະເສດຖະກິດກວມລວມຂອງທ້ອງຖິ່ນດັ່ງກ່າວແລ້ວລ້ວນແຕ່ແມ່ນປັດໄຈທີ່ຕັ້ງໜ້າ.ທະນາຄານພັດທະນາອາຊີຄາດຄະເນວ່າ,ຄື້ນຊູນາມີເກືອບບໍ່ໄດ້ເກີດຜົນສຳທ້ອນຫຍັງຕໍ່ການເຕີບໂຕເສດຖະກິດຂອງອິນເດຍໃນ2ປີຂ້າງໜ້າ.ສ່ວນລັດຖະບານໄທຄາດຄະເນວ່າເສດຖະກິດຂອງໄທໃນປີນີ້ຈະເພີ່ມຂຶ້ນ5,7%,ພຽງແຕ່ຫຼຸດລົງ0,3%ເມື່ອທຽບກັບການຄາດຄະເນເດີມ.
ຄຽງຄູ່ກັບວັນເວລາຜ່ານໄປ,ເງົາມືດຂອງຄື້ນຊູນາມີພວມຄ່ອຍໆຈາງຫາຍໄປ,ພາຍໃຕ້ຄວາມພະຍາຍາມຂອງບັນດາຝ່າຍ,ພື້ນຖານໂຄງລ່າງຂອງບ່ອນທ່ອງທ່ຽວຂອງເຂດປະສົບໄພພວມຟື້ນຟູຄືນໃໝ່.ພາຍໃຕ້ການສະໜັບສະໜູນຂອງລັດຖະບານ,ວິສາຫະກິດການທ່ອງທ່ຽວຈຳນວນໜຶ່ງໄດ້ຮ່ວມການເຄື່ອນໄຫວສົ່ງເສີມຕ່າງໆ,ຕົວຢ່າງຄື,ບໍລິສັດການບິນໄທໄດ້ມອບປີ້ຍົນຟີ2ໝື່ນໃບໃນເດືອນມັງກອນ,ໂຮງແຮມ,ບ້ານພັກແຮມຈຳນວນໜຶ່ງກໍໄດ້ໃຫ້ບໍລິການດ້ວຍລາຄາຍ່ອມເຍົາ.ທັງໝົດເຫຼົ່ານີ້ໄດ້ຊຸກຍູ້ການຟື້ນຟູການທ່ອງທ່ຽວຢ່າງແຂງແຮງ.
|
|
|
