|
ທ່ານລູ້ຊວນ
ໃນວົງການຮູບເງົາຂອງຈີນ, ມີຜູ້ກຳກັບການສະແດງຮູບເງົາງວດໜຶ່ງທີ່ມີອາຍຸລະຫວ່າງ 30 ປີ, ຮູບເງົາທີ່ພວກເພີ່ນກຳກັບສະແດງນັ້ນເຮັດໃຫ້ຜູ້ຊົມຮູ້ສຶກແປກໜ້າແປກຕາ, ສະນັ້ນຈິ່ງຖືກເອີ້ນເປັນ" ຜູ້ກຳກັບການສະແດງຮຸ້ນທີ 6 ". ທ່ານລູ້ຊວນກໍແມ່ນຜູ້ໜຶ່ງໃນໝູ່ພວກເຂົາເຈົ້າ.
ຮູບໂຄສະນາບາງຕອນຂອງຮູບເງົາເລື່ອງ"ເຄີເຄີຊີລີ"
ໃນ 6 ເດືອນທ້າຍປີ 2004, ຮູບເງົາເລື່ອງ"ເຄິເຄີຊີລີ" ຊື່ງທ່ານລູ້ຊວນເປັນຜູ້ກຳກັບການສະແດງນັ້ນໄດ້ສະເທືອນຜູ້ຊົມຂອງຈີນກໍຄືຂອງອາຊີ. ຮູບເງົາເລື່ອງ"ເຄີເຄີຊີລີ"ແມ່ນຮູບເງົາພະຈົນໄພຢູ່ພາກຕາເວັນຕົກເລື່ອງທຳອິດຂອງຈີນ, ເຖິງວ່າເປັນຮູບເງົາເລື່ອງ,ແຕ່ພັດມີຄວາມຈິງແທ້ ຄືກັນກັບຮູບເງົາບັນທຶກເລື້ອງ. ຮູບເງົານີ້ໄດ້ເລົ່ານິທານ, ມີສະມາຊິກກອງລາດຕະເວນພູ 8 ຄົນເຂົ້າໄປໃນເຂດເຄີເຄີຊີລີ ເຊິ່ງເປັນເຂດຜີບໍ່ທ່ອງຄົນບໍ່ທ່ຽວ, ເພື່ອສະກັດກັ້ນການເຄື່ອນໄຫວຈັບຂ້າເຍືອງຕິເບດ, ຢູ່ກາງທາງໄດ້ເກີດອຸບັດເຫດຕ່າງໆໆນາໆ, ສະມາຊິກກອງລາດຕະເວນໄດ້ຜ່ານຜ່າສິ່ງແວດລ້ອມທຳມະຊາດອັນຂີ້ຮ້າຍ, ແລະສູ້ຊົນຢ່າງເອົາເປັນເອົາຕາຍກັບຜູ້ຂ້າເຍືອງຕິເບດ, ສຸດທ້າຍເຫຼືອແຕ່ສອງສາມຄົນຍັງມີຊີວິດຢູ່.
ຮູບໂຄສະນາບາງຕອນຂອງຮູບເງົາເລື່ອງ"ເຄີເຄີຊີລີ"
ຮູບເງົາເລື່ອງ"ເຄີເຄີຊີລີ"ແມ່ນດັດແປງຕາມເລື່ອງຈິງແທ້. ໃນຖານເປັນຜູ້ຮຽບຮຽງແລະຜູ້ກຳກັບການສະແດງ, ທ່ານລູ້ຊວນເວົ້າວ່າ, ເລື່ອງຈິງທີ່ເກີດຂຶ້ນຢູ່ເຂດເຄີເຄີຊີລີເຮັດໃຫ້ທ່ານກະຕຸ້ນໃຈຢ່າງຮຸນແຮງ. ທ່ານເວົ້າວ່າ:" ແມ່ນຄົນເຫຼົ່ານັ້ນແລະການຢູ່ລອດຂອງຄົນເຫຼົ່ານັ້ນເຮັດໃຫ້ເຮົາກະຕຸ້ນໃຈຫຼາຍ, ເຮັດໃຫ້ເຮົາຢາກເລົ່າເລື້ອງນີ້ສູ່ຟັງ. ເຮົາສ້າງຮູບເງົາເລື່ອງ"ເຄີເຄີຊີລີ"ແມ່ນແຍກອອກຈາກຊີວິດຂອງຕົນບໍ່ໄດ້."
ທ່ານລູ້ຊວນ
ປີນີ້,ທ່ານລູ້ຊວນອາຍຸ 33 ປີ. ເບິ່ງໂສມໜ້າຄືເປັນຄົນສຸພາບຮຽບຮ້ອຍ, ຍາກທີ່ຈະຄາດຄຶດວ່າ, ເພີ່ນຈະຖ່າຍທຳຮູບເງົາເປີດອົກເປີດໃຈປານເລື່ອງເຄີເຄີຊີລີ. ແຕ່ຮູບເງົາເລື່ອງເຄີເຄີຊີລີແມ່ນເພີ່ນກັບຜູ້ປະຕິບັດງານໃນໜ່ວຍຖ່າຍທຳແລກມາດ້ວຍຊີວິດແທ້.
1 2 3
|
