|
|
 |
| (GMT+08:00)
2005-02-08 18:22:40
|
 |
|
ຕຳຫຼວດອີຣັກຖືກຫຼອນໂຈມຕີຢ່າງຕໍ່ເນື່ອງ ຢ່າງໜ້ອຍມີ 30 ຄົນຕາຍ
cri
Author: da
ຕາມຂ່າວCRI:ວັນທີ 7 ກຸມພາ,ຢູ່ບາຄູບາ ເທດສະບານແຂວງດີຢາລາແລະເມືອງໂມຊູນເມືອງສຳຄັນທາງພາກເໜືອຂອງອີຣັກໄດ້ເກີດເຫດການລະເບີດຕໍ່ເນື່ອງກັນ,ຢ່າງໜ້ອຍເຮັດໃຫ້ 30 ຄົນຕາຍ, 30 ກວ່າຄົນບາດເຈັບ.ຜູ້ຕາຍແລະບາດເຈັບສ່ວນຫຼາຍແມ່ນຕຳຫຼວດ.
ຕອນເຊົ້າມື້ດຽວກັນ,ຜູ້ລະເບີດແບບສະຫຼະຊີບຜູ້ໜຶ່ງໄດ້ລ່ວງເຂົ້າໂຮງໝໍຫຼັງໜຶ່ງຢູ່ໂມຊູນ,ແລ້ວຈູດລະເບີດທີ່ຖືຕິດໂຕ,ຢ່າງໜ້ອຍມີຕຳຫຼວດ 12 ຄົນເສຍຊີວີດ,ບາດເຈັບ 18 ຄົນ.ອົງການອານເຄດາຈີຮາດອີຣັກທີ່ນຳໂດຍທ່ານຈາຄາວີ ບຸກຄົນຜູ້ທີສາມຂອງອົງການນີ້ໄດ້ອອກຖະແຫຼງກາ,ປະກາດຮັບຜິດຊອບຕໍ່ເຫດການດັ່ງກ່າວ.ຖະແຫຼງການຍັງກ່າວວ່າ ອົງການດັ່ງກ່າວຈະຫຼອນໂຈມຕີຜູ້ທີ່ຮ່ວມມືກັບທະຫານອາເມລິກາຍິ່ງຫຼາຍກວ່ານີ້.
ອີຣັກຫາກໍ່ຈັດການປ່ອນບັດເລືອກຕັ້ງທົ່ວໄປໃນວັນທີ 30 ມັງກອນ,ປະຈຸບັນ,ວຽກງານນັບບັດຍັງດຳເນີນຢູ່,ແຕ່ເຫດການຫຼອນໂຈມຕີທີ່ເກີດຂຶ້ນຢ່າງຕໍ່ເນື່ອງພາຍໃນອາທິດນີ້,ໄດ້ເຮັດໃຫ້ສະຖານະການຄວາມປອດໄພຂອງອີຣັກປົກຄຸມໄປດ້ວຍເງົາມືດອີກເທື່ອໜຶ່ງ.
|
|
|
