|
ວັນທີ 9 ກຸມພາ ກົງກັບເດືອນຈຽງອອກໃຫມ່ຄ່ຳຫນຶ່ງທາງຈັນທະຄະຕິຈີນ ແມ່ນມື້ບຸນກຸດຈີນ.ມື້ນີ້ ພວກເຮົາໄດ້ຈັດລາຍການສະເພາະ ແນະນຳຮີດຄອງປະເພນີບຸນກິດຈີນສູ່ທ່ານຟັງ.ບຸນກຸດຈີນແມ່ນມື້ບຸນພື້ນເມືອງຂອງຈີນ.ບຸນກຸດຈີນເຫມືອນກັບໂນແອນ ບຸນກູບັນຂອງປະເທດຈຳນວນຫນຶ່ງຟົດຟື້ນຄຶກຄື້ນທີ່ສຸດ,ກ່ອນມື້ບຸນຈີນຊາວຈີນເອີ້ນວ່າແປວ່າວັນສິ້ນປີຊິ່ງກໍຄືມື້ນີ້.ອີງຕາມ 12 ໃນວິທີຄຳນວນວັນເດືອນປີດັ້ງເດີມຂອງຈີນ
12 ນັກສັດແມ່ນເວົ້າເຖິງການຫມູນຮອບປະຈຳປີຂອງສັດ 12 ຊະນິດໃນຮອບ 12 ປີ,ຕາມວິທີຄຳນວນວັຍເດືອນປີຈັນທຳທຳຄະຕິຂອງຈີນ,ເຊິ່ງຄືປີຊວດ ສະຫຼຸຂານ ເຖາະ ມະໂລງ ມະເສັງ ມະເມຍ ມະແມ ວອກ ລະກາ ຈໍກຸນ. ກ່ຽວກັບການກຳເນີດຂອງນັກສັດດັ່ງກ່າວ,ມີວິທີເວົ້າກັນຫຼາຍແນວ,ບາງຄົນຖືວ່າ,ມັນເປັນຜົນແຫ່ງການເຊື່ອມໂຍງຂອງວິທີນັບປີຂອງຊົນເຜົ່າຫໍ້ບູຮານກັບວິທີນັບປີຂອງຊົນເຜົ່າສ່ວນຫນ້ອຍທີ່ເອົາສັດເປັນຕົວແທນຂອງປີ. ໃນນັ້ນ,ມີການເລົ່າລືກັນມາແນວຫນຶ່ງ,ເຫັນວ່າການຄັດເລືອກເອົາສັດມາລຽນແຖວກັນເປັນ 12 ນັກສັດນັ້ນແມ່ນກຳນົດຕາມກົດເກນເຄື່ອນໄຫວຂອງສັດໃນແຕ່ລະມື້,ໃນຍາມກາງຄືນ ແຕ່ 11 ໂມງຮອດ 1ໂມງຕອນເດິກ .ເວລານີ້ຫນູນແມ່ນອອກເຄື່ອນໄຫວຫຼາຍກວ່າຫມູ່,ເພາະສະນັ້ນ,ຈິ່ງຈັດໃຫ້ມັນເປັນທີຫນຶ່ງ,ສ່ວນເຫຼືອນັ້ນແມ່ນລຽງກັນມາເປັນລຳດັບ,ຕອນຫົວຄ່ຳ 5 ໂມງຮອດ 7 ໂມງຄ້ອມພໍດີແມ່ນຍາມໄກ່ພວມເຂົ້າລົກໄກ່ນອນ,,ເພາະສະນັ້ນຈິ່ງຈັດໄກ່ເປັນທີ 10.ຄົນບູຮານຈີນຈັດເອົາຖືສັດ 12 ຊະນິດລຽນແຖວເປັນ 12 ປີຮອບຫນຶ່ງ.ເນື່ອງໃນໂອກາດປີລະກາຈະວຽນມາເຖິງ,ພວກເຮົາຂໍໂອ້ລົມກ່ຽວກັບໄກ່ໃນວັດທະນະທຳຈີນ
ເຖິງວ່າໃນ 12 ນັກສັດ,ໄກ່ຖືກລຽນກັນເປັນທີ 10ກໍຕາມ,ແຕ່ໄກ່ຕື່ນເຊົ້າກວ່າສັດອື່ນໆ,ສຽງໄກ່ຂັນໄດ້ປຸກໃຫ້ຄົນທັງຫຼາຍຕື່ນ,ແລ້ວນຳເອົາມື້ໃຫມ່ມາໃຫ້ແກ່ຄົນທັງຫຼາຍ,ສຽງໄກ່ຂັນກໍ່ແມ່ນສັນຍະລັກຂອງຈຸດເລີ່ມອັນໃຫມ່
ຄົນບູຮານຈີນໄດ້ອະທິບາຍຄວາມຫມາຍສັນຍະລັກຫຼາຍຢ່າງຈາກຈຸດພິເສດສັດຂອງໄກ່,ພວກເຂົາເຈົ້າເຫັນວ່າໄກ່ມີຈຸດດີ 5 ຢ່າງ,ຫົວມັນມີຫອນແດງ,ກໍເຫມືອນດັງໃສ່ຫມວກຄືປັນຍາຊົນໃນສະໄຫມຈີນບູຮານ.ຕີນໄກ່ທີ່ມີເລັບແຫຼມຊ່າງສູ້ລົບ,.ຢູ່ຕໍ່ຫນ້າສັດຕູກ້າສູ້ຊົນ,ມີຄວາມກ້າຫານ;ເມື່ອເຫັນຂອງກິນກໍ່ເອີ້ນຫມູ່ມາກິນນຳກັນ,ມີຄວາມເມດຕາ.;ໄກ່ຂັນປຸກຄົນໃຫ້ຕື່ນຕາມເວລາກຳນົດ,ມີຄວາມສັດຊື່.ດ້ວຍເຫດນີ້ຈຶ່ງຮັບຄວາມນິຍົມຊົມຊອມຈາກບັນດານັກກະວີແລະນັກວັນນະຄະດີຂອງຈີນໃນທຸກສະໄຫມ,ພວກເຂົາເຈົ້າໄດ້ວາດພາບໄກ່ເປັນຫນ້າຮັກແລະມີຊີວິດຊີວາທັງມີຮູບງາມທັງມີນ້ຳໃຈ.ພວກເຂົາເຈົ້າປຽບທຽບໄກ່ເປັນນັກລົບທີ່ໃສ່ເຄື່ອງນຸ່ງຂອງຖືອັນສວຍງາມແລະທັງມີຄວາມອົງອາດກ້າຫານ,ບາງຄົນປຽບທຽບໄກ່ເປັນຜູ່ລິເລີ່ມທີ່ຊື່ສັດບໍລິສຸດ
ກ່ຽວກັບໄກ່,ມີນິທານສຸພາສິດຫຼາຍເລື່ອງ,ໃນນັ້ນເລື່ອງທີ່ມີຊື່ສຽງກວ່າຫມູ່ກໍ່ແມ່ນເລື່ອງໄດ້ຍິນສຽງໄກ່ຂັນກໍລຸກຟັນດາບ.ເມື່ອຄ.ສ ສະຕະວັດທີ 4 ມີຊາວຫນຸ່ມສອງຄົນທີ່ມີນິດໄສທະນົງອົງອາດແລະເປີດອົກເປີດໃຈຊື່ວ່າທ້າວຈູດີແລະທ້າວລິວຄຸນ,ພວກເພິ່ນນອນຢູ່ຫ້ອງດຽວກັນ ຄົ້ນຄວ້າວິຊາການ ເຊີດຊູກຳລັງໃຈແກ່ກັນ,ສ້າງອຸດົມຄະຕິກອບກູ້ປະຊາຊາດ. ຕອນຮຸ່ງເຊົ້າມື້ຫນຶ່ງ,ທ້າວຈູດີໄດ້ຍິນສຽງໄກ່ຜູ່ຂັນໃນເວລາຝັນ,ກໍ່ຕື່ນຂຶ້ນຢ່າງກະທັນ ຫັນ,ປຸກທ້າວລິວຄຸນໃຫ້ຕື່ນແລະເວົ້າວ່າ:"ຟັງແມ ສຽງໄກ່ຜູ່ຂັນ,ກໍ່ຫມາຍຄວາມວ່າຢາກປຸກຊາວຫນຸ່ມຕັດສິນໃຈບຸກບືນສູ້ຊົນ,ພວກເຮົາບໍ່ຄວນຕື່ນສວຍອີກ." ສະນັ້ນ,ສອງຄົນກໍລຸກຂຶ້ນນຸ່ງເສື້ອແລ້ວມາຮອດເດີ່ນບ້ານ ຟັນດາບກັນໃນທ່າມກາງລົມຫນາວ.ພວກເຂົາເຈົ້າຮູ້ສຶກວ່າຍິ່ງຟັນດາບຍິ່ງມີກຳລັງ,ຈົນຮອດຕາເວັນໂພ່ຂຶ້ນໂລດ. ພາຍຫຼັງມາ, ທ້າວຈູດີໄດ້ກາຍເປັນນາຍທະຫານທີ່ມີຊື່ສຽງທີ່ປ້ອງກັນປະເທດຊາດ.
ຍັງມີນິທານອີກເລື່ອງຫນຶ່ງ,ເລົ່າລືກັນວ່າ ໃນສະໄຫມຈິນ,ມີເຈົ້ານາຍຜູ່ຫນຶ່ງທີ່ຊື່ວ່າຊົ້ງສູຈົ່ງໄດ້ຊື້ໄກ່ທີ່ມັກຂັນໂຕຫນຶ່ງ,ທ່ານມັກທີ່ສຸດ,ລ້ຽງມັນຢ່າງເອົາໃຈໃສ່ ເອົາໄກ່ໄວ້ໃນຕຸ້ມແລ້ວແຂວນຢູ່ຕໍ່ຫນ້າປ່ອງຢ້ຽມເພື່ອໄວ້ຊົມ,ມີມື້ຫນຶ່ງ,ໄກ່ໂຕນີ້ໄດ້ປາກເວົ້າພາສາຄົນຢ່າງກະທັນຫັນ,ໂອ້ລົມກັນກັບທ່ານຊົ້ງສູຈົ່ງ,ດ້ວຍພາສາຕະຫຼົກ,ທ່ານຊົ້ງສູກໍ່ລົມກັບມັໄກ່ໂຕນີ້,ຄາລົມຂອງທ່ານໄດ້ມີຄວາມກ້າວຫນ້າຢ່າງໃຫຍ່ຫຼວງ.ເພາະສະນັ້ນ,ຄົນທັງຫຼາຍຈຶ່ງຖືເລື່ອງລົມກັນກັບໄກ່ມາສົມມຸດເປັນແນວຄຶດປັດຊະຍາຈິດນິຍົມໃນສະໄຫມຈີ້ນ,ສ່ວນຕຸ້ມໄກ່ກໍ່ກາຍເປັນຊື່ແທນນາມຂອງຫ້ອງຮຽນຂອງປັນຍາຊົນຈີນ
ຢູ່ຈີນ,ມີພື້ນສືບແລະນິທານເລົ່າລືກັນມາຫຼາຍຢ່າງຫຼາຍແນວກ່ຽວກັບໄກ່,ຄົນທັງຫຼາຍນິຍົມຊົມຊອບໄກ່,ເອີ້ນໄກ່ເປັນໄກ່ຄຳ,ສິ່ງທີ່ມ່ວນ,ຊື່ນນັ້ນແມ່ນ ແຜນທີ່ຈີນເຫມືອນດັ່ງໄກ່ຜູ່ໂຕຫນຶ່ງ,ດ້ວຍເຫດນີ້,ປະຊາຊົນຈີນຍິ່ງມີຄວາມຮັກແພງ,ເນື່ອງໃນໂອກາດປີລະກາຈະວຽນມາເຖິງ,ພວກເຮົາຂໍອວຍພອນໃຫ້ໂລກຈົ່ງມີຄວາມສຸກເຕັມໄປດ້ວຍພະລັງຊີວິດ ເບີກບານມ່ວນຊື່ນແລະສິລິມົງຄຸນໃນທ່າມກາງສຽງໄກ່ຂັນ
|
