|
ທ່ານໂຊລານາກ່າວວ່າ, ສະຫະພາບເອີລົບຈະເພີ່ມການລົງທຶນເຂົ້າໃນການສ້າງສາຄືນໃໝ່ຂອງອີຣັກ
cri
Author: MO
ຕາມຂ່າວCRI：ວັນທີ 12 ກຸມພາ, ທ່ານໂຊລານາ ຜູ້ແທນຊັ້ນສູງຂອງສະຫະພາບເອີລົບທີ່ຮັບຜິດຊອບວຽກການຕ່າງປະເທດແລະຄວາມປອດໄພກ່າວວ່າ, ສະຫະພາບເອີລົບຈະເພີ່ມການລົງທຶນເຂົ້າໃນການສ້າງສາຄືນໃໝ່ຂອງອີຣັກ.
ທ່ານໂຊລານາແມ່ນໃຫ້ທັດສະນະດັ່ງກ່າວໃນກອງປະຊຸມນະໂຍບາຍຄວາມປອດໄພມູນິກຄັ້ງທີ 41 ທີ່ຈັດຂຶ້ນຢູ່ເມືອງມູນິກແຫ່ງເຢຍລະມັນໃນວັນທີ 12 ກຸມພາ. ທ່ານກ່າວວ່າ, ປະຈຸບັນ, ສະຫະພາບເອີລົບພວມກຽມໃຫ້ການຊ່ອຍເຫຼືອຕ່າງໆແກ່ອີຣັກ, ໃນນັ້ນລວມທັງຊ່ອຍອີຣັກອົບຮົບຜູ້ພິພາກສາແລະຕຳຫລວດປະມານ 800 ຄົນ, ໃຫ້ການຊ່ອຍເຫຼືອ 200 ລ້ານເອີໂລແກ່ອີຣັກແລະອື່ນໆ. ນອກນັ້ນ, ສະຫະພາບເອີລົບຍັງຈະເສີມຂະຫຍາຍບົດບາດຍິ່ງຫລາຍກວ່າເກົ່າໃນເວລາອີຣັກວາງລັດຖະທຳມະນູນແລະຊຸກຍູ້ຄວາມປອງດອງຊາດພາຍໃນອີຣັກ.
|
|
