|
|
 |
| (GMT+08:00)
2005-02-14 17:43:42
|
 |
|
ຄະນະກຳມະການການເລືອກຕັ້ງທີ່ເປັນອິດສະຫລະຂອງອີຣັກປະກາດຜົນນັບບັດຂອງການເລືອກຕັ້ງທົ່ວໄປ
cri
ຕາມຂ່າວCRI:ຕອນບ່າຍວັນທີ 13 ກຸມພາ,ເວລາທ້ອງຖິ່ນ,ຢູ່ແບກແດດ,ຄະນະກຳມະການການເລືອກຕັ້ງທີ່ເປັນອິດສະຫລະຂອງອີຣັກໄດ້ປະກາດຜົນນັບບັດຂອງການເລືອກຕັ້ງທົ່ວໄປຂອງອີຣັກ.
ໃນງານຖະແຫລງຂ່າວ,ທ່ານອາຢາ ໂຄສົກຄະນະກຳມະການການເລືອກຕັ້ງປະກາດວ່າ,ໃນການປ່ອນບັດເລືອກຕັ້ງທີ່ຈັດຂຶ້ນໃນວັນທີ 30 ມັງກອນ,ມີຜູ້ມີສິດເລືອກຕັ້ງ 8 ລ້ານ 4 ແສນ 56 ພັນຄົນໄດ້ເຂົ້າຮ່ວມການປ່ອນບັດ.ຜົນນັບບັດສຸດທ້າຍສະແດງໃຫ້ເຫັນວ່າ,"ສະຫະພັນສາມັກຄີອີຣັກ"ທີ່ທ່ານຊິສຕານີ ຜູ້ນຳສາສະຫນາມຸສລິມນິກາຍຊີອິດຂອງອີຣັກສະຫນັບສະຫນູນນັ້ນໄດ້ 4 ລ້ານ 75 ພັນບັດ,ກວມຍອດຈຳນວນບັດ 48,1%;ສະຫະພັນພັກການເມືອງເຄິດໄດ້ 2 ລ້ານ 1 ແສນ 75 ພັນບັດ;ສະຫະພັນການເມືອງທີ່ນຳໂດຍທ່ານອາລາວີ ນາຍົກລັດຖະມົນຕີລັດຖະບານຊົ່ວຄາວໄດ້ 1 ລ້ານ 1 ແສນ 68 ພັນບັດ.
ທ່ານອາຢາຍັງປະກາດວ່າ,ພາຍໃນເວລາສາມມື້ຂ້າງຫນ້ານີ້,ຄະນະກຳມະການການເລືອກຕັ້ງຈະຮັບຟັງການກະທູ້ຖາມແລະການອຸທອນຂອງຝ່າຍຕ່າງໆທີ່ເຂົ້າຮ່ວມການເລືອກຕັ້ງ,ແລະສຳຫລວດຕົກລົງຜົນ ນັບບັດໃນທີ່ສຸດ.
ຕາມຮູ້ວ່າສະພາແຫ່ງຊາດຂ້າມຜ່ານຈະຮ່າງລັດຖະທຳມະນູນຖາວອນກ່ອນວັນທີ 15 ສິງຫາ,ແລະຢັ່ງປະຊາມະຕິທົ່ວປວງຊົນກ່ຽວກັບລັດຖະທຳມະນູນຖາວອນກ່ອນວັນທີ 15 ຕຸລາ.ຖ້າລັດຖະທຳມະນູນຖາວອນໄດ້ຮັບຜ່ານໃນການຢັ່ງປະຊາມະຕິ,ອີຣັກຈະຈັດການເລືອກຕັ້ງທົ່ວໄປເທື່ອໃຫມ່ໂດຍອີງຕາມລັດຖະທຳມະນູນຖາວອນໃນວັນທີ 15 ທັນວາ,ເພື່ອກຳເນີດສະພາແລະລັດຖະບານຢ່າງເປັນທາງການ.
|
|
|
