|
ຕາມຂ່າວCRI: ວັນທີ 14 ກຸມພາ, ທ່ານອານນານ ເລຂາທິການໃຫຍ່ສະຫະປະຊາຊາດໄດ້ສະແດງຄວາມຊົມເຊີຍຕໍ່ຄະນະກຳມະການເລືອກຕັ້ງອີຣັກປະກາດຜົນການເລືອກຕັ້ງທົ່ວໄປຢ່າງເປັນທາງການ.
ທ່ານອານນານກ່າວວ່າ, ຜົນການເລືອກຕັ້ງໄດ້ສະແດງໃຫ້ເຫັນຄວາມປາຖະໜາແລະນ້ຳໃຈຊຸກຍູ້ຂະບວນວິວັດການເມືອງຂອງປະຊາຊົນອີຣັກ. ທ່ານຫວັງໃຫ້ປະຊາຊົນອີຣັກທຸກຖ້ວນໜ້າຖືເລື່ອງນີ້ເປັນໂອກາດ, ສາມັກຄີເປັນຈິດໜຶ່ງໃຈດຽວກັນ, ບັນລຸການປອງດອງຊາດ, ພ້ອມກັນພະຍາຍາມເພື່ອສ້າງອີຣັກໃຫ້ເປັນປະເທດໃໝ່ທີ່ມີສັນຕິພາບ ຄວາມຈະເລີນຮຸ່ງເຮືອງແລະປະຊາທິປະໄຕ.
ວັນທີ 13 ກຸມພາ, ຄະນະກຳມະການເລືອກຕັ້ງອີຣັກໄດ້ປະກາດຜົນການເລືອກຕັ້ງທົ່ວໄປທີ່ຈັດຂຶ້ນໃນທ້າຍເດືອນແລ້ວນີ້, ໃນການເລືອກຕັ້ງສະພາແຫ່ງຊາດ, "ສະຫະພັນສາມັກຄີອີຣັກ" ເຊິ່ງນຳໂດຍຜູ່ນຳມຸສລິມນິກາຍຊີອິດໄດ້ຮັບບັດເລືອກຕັ້ງປະມານ 48%.
|
