ຕາມ​ຂ່າວສານ​ຊິນ​ຮວາ: ວັນ​ທີ 15 ກຸມພາ ຢູ່​ສຳນັກງານ​ໃຫຍ່​ສະຫະ​ປະຊາ​ຊາດ​ທີ່​ນິວ​ຢອກ, ​ໃນ​ເວລາ​ຕອບ​ຄຳ​ຖາມ​ຂອງ​ນັກ​ຂ່າວ, ທ່ານ​ອານ​ນານ ​ເລຂາທິການ​ໃຫຍ່​ສະ​ຫະ​ປະ​ຊາ​ຊາດ​ກ່າວ​ວ່າ, ທ່ານ​ຈະ​ເຕືອນ​ໃຫ້​ສ.ປ.ປ.​ເກົາຫຼີກັບ​ຄືນ​ສູ່​ການ​ເຈລະຈາ 6 ຝ່າຍ, ​ແລະ​ກ່າວ​ວ່າ ທ່ານ​ມີ​ຄວາມ​ຫວັງ​ຕໍ່ສ.ປ.ປ.​ເກົາຫຼີຈະກັບ​ຄືນ​ສູ່ການ​ເຈລະຈາ 6 ຝ່າຍ.

ທ່ານ​ອານ​ນານ​ຊີ້​ອອກ​ວ່າ, ບັນ​ດາ​ຝ່າຍ​ທີ່​ເຂົ້າຮ່ວມ​ການ​ເຈລະຈາ 6 ຝ່າຍ​ຄວນ​ກ້າວ​ເຖິງ​ຂັ້ນ​ມີ​ຄວາມເຂົ້າໃຈ​ກັນ​ຢ່າງ​ໜຶ່ງ, ​ໃຫ້​ຄຳຮັບປະກັນ​ຢ່າງໜຶ່ງ​ແກ່​ສ.ປ.ປ.​ເກົາ​ຫຼີ, ​ແຕ່​ຝ່າຍ​ສ.ປ.ປ.​ເກົາ​ຫຼີ​ກໍ່​ຄວນ​ສະ​ແດງ​ທ່າ​ທີ​ຍິນ​ດີ​ປະນີປະນອມ​ເພື່ອ​ຕອບ​ສະໜອງ. ທ່ານ​ເຫັນ​ວ່າ, ການ​ແກ້​ໄຂ​ບັນ​ຫາ​ນິວ​ເຄຼຍ​ແຫຼມ​ເກົາຫຼີຈະ​ມີ​ຜົນ​ສະທ້ອນ​ອັນ​ມະຫາສານ​ຕໍ່​ກາ​ພັດ​ທະ​ນາ​ເສດ​ຖະ​ກິດ​ຂອງ​ສ.ປ.ປ.​ເກົາຫຼີ​ແລະ​ເຮັດ​ໃຫ້​ເສ​ດຖະ​ກິດສ.ປ.ປ.​ເກົາຫຼີ​ເຊື່ອມ​ໂຍງ​ເຂົ້າ​ເສດ​ຖະ​ກິດ​ພາກ​ພື້ນ, ​ແລະ​ປະ​ຊາຊົນ​ສ.ປ.ປ.​ເກົາຫຼີຈະ​ໄດ້ຮັບຜົນ​ປະ​ໂຫຍ​ດ​ຍ້ອນ.