ຕັ້ງ​ແຕ່ທະຫານ​ຈີນ​ແຕ່ງ​ຕົວ​ແບບ​ໃສ່ໝວກ​ເບ​ເລ້,​ນຸ່ງເຄື່ອງ​ແບບທະຫານ​ສີຟ້າເທື່ອ​ທຳ​ອິດ​ປະກົດ​ຕົວ​ຢູ່ກຳ​ປູ​ເຈຍ​ທີ່​ຕົກ​ຢູ່​ໃນ​ສະພາບ​ເສິກ​ເສືອ​ເໜືອ​ໃຕ້​ເມື່ອ​ປີ1992,ມາ​ຮອດ​ປະຈຸ​ບັນ​ຜ່ານ​ໄປ​ແລ້ວ​12​ປີ​.​ໃນ12​ປີ​ມາ​ນີ້,ລວມມີທະຫານ​2800​ຄົນ​ແລະ​ຕຳຫຼວດ300​ຄົນຂອງ​ຈີນ​ໄດ້​ປະ​ຕິ​ບັດ​ໜ້າ​ທີ່​ຮັກ​ສາ​ສັນຕິພາບ​ຂອງ​ອົງການ​ສະຫະ​ປະຊາ​ຊາດ​ຕາມໆ​ກັນ​ແລ້ວ.

ປີ2004,ຢູ່​ລີ​​ເບ​ເລຍຂອງ​ທະວີບອາ​ຟິຼກກາທີ່​ໄກ​ແສນ​ໄກ,​ໃນ​ກອງ​ທະ​ຫານ​ຮັກ​ສາ​ສັນ​ຕິ​ພາບ​ຂອງ​ອົງການ​ສະຫະ​ປະຊາ​ຊາດ​ໄດ້​ປະກົດ​ມີ​ທະ​ຫານ​ຈີນ​ເປັນ​ເທື່ອ​ທຳ​ອິດ.​ຫວ່າງ​ມໍ່ໆ​ນີ້,​ນັກ​ຂ່າວ​ໄດ້​​ໄປສຳພາດ​ແພດ​ທະຫານ​ຈີນ​ຜູ້​ໜຶ່ງ​ພ້ອມ​ດ້ວຍ​ເມຍ​ແລະ​ລູກ​ຂອງ​ເຂົາ​ທີ່​ຢູ່​ຈີນ​.

ທ່ານ​ນາງ​ສູ​ລິນເຮັດ​ວຽກ​ຢູ່​ໂຮງໝໍ​ແຫ່ງ​ໜຶ່ງ​ໃນ​ນະຄອນ​ປັກ​ກິ່ງ,ນາງ​ເປັນ​ຄົນ​ເບີກບານມ່ວນ​ຊື່ນ. ປີ2004,ພາຍຫຼັງ​ເລີກ​ການ​ແຕ່ລະ​ມື້,​ເລື່ອງ​ສຳຄັນ​ກວ່າ​ໝູ່​ຂອງ​ນາງ​ກໍ​ແມ່ນ​ເຂົ້າ​ຊົມ​ແວບ​ໄຊ,ກວດ​ເບິ່ງ​ວ່າ​ຜົວ​ທີ່​ຢູ່​ຕ່າງປະ​ເທດ​ໄດ້​ຝາກ​​E_mailມາຫຼືບໍ່?

ຜົວຂອງນາງສູລິນຊື່ວ່າລີຖານສື,ແມ່ນຫົວໜ້ານາຍໝໍພະແນກສຸກເສີນຂອງໂຮງໝໍໃຫຍ່
ກອງທັບປົດປ່ອຍປະຊາຊົນຈີນ.ໃນລະດູບານໃໝ່ປີ2004,ທ່ານລີຖານສືໄດ້ອຳລາຈາກ
ເມຍແລະລູກ,ພ້ອມກັນກັບນາຍແລະພົນທະຫານຈີນ500ກວ່າຄົນ,ໃນນາມເປັນສະມາຊິກ
ຜູ່ໜຶ່ງຂອງກອງທະຫານຮັກສາສັນຕິພາບຂອງອົງການສະຫະປະຊາຊາດ,ໄປປະຕິບັດ
ໜ້າທີ່ເປັນເວລາໜຶ່ງປີຢູ່ລີເບເລຍທາງພາກຕາເວັນຕົກຂອງອາຟີຼກກາ.ເນື່ອງຈາກເກີດສົງ
ຄາມໃນຫຼາຍປີລຽນຕິດ,ການສື່ສານຂອງລີເບເລຍຫຼ້າຫຼັງທີ່ສຸດ.ສະນັ້ນ,ສອງຜົວເມຍຄູ່ນີ້
ສ່ວນຫຼາຍແມ່ນຕິດຕໍ່ກັນຜ່ານຈາກອິນເຕີເນັດ.ນາງສູລິນເວົ້າວ່າ,ໃນປີ2004,ເຖິງວ່າຜົວ
ສົ່ງE-mailບໍ່ຫຼາຍກໍຕາມ,ແຕ່ພັດສະແດງໃຫ້ເຫັນຄວາມຄິດຮອດຄິດເຖິງຢ່າງເລິກເຊິ່ງ.
ນາງສູລິນເວົ້າວ່າ,ພາຍຫຼັງຜົວເຂົ້າຮ່ວມກອງທະຫານຮັກສາທັນຕິພາບແລ້ວ,ທະແນມ
ແຕ່ໄດ້ເຫັນຕົວໜັງສືທີ່ວ່າ"ຮັກສາສັນຕິພາບ",ນາງກໍຮູ້ສຶກສະໜິດສະໜົມທີ່ສຸດ.

ລູກຊາຍໂທນຂອງພວກເຂົາເຈົ້າຊື່ວ່າລີເຮີ້ເສີນ,ຮຽນຢູ່ໂຮງຮຽນມັດທະຍົມຕົ້ນທີ່ມີຊື່ສຽງ
ຫຼັງໜຶ່ງໃນນະຄອນປັກກິ່ງ.ທຸກວິຊາຮຽນໄດ້ດີສົມຄວນ,ໂດຍສະເພາະແມ່ນເລັກຄະນິດ
ໄດ້ຜົນງານພົ້ນເດັ່ນ.

ໃນຍາມບຸນປີໃໝ່ສາກົນ,ນັກຂ່າວໄດ້ໂທລະສັບໄປຫາທ່ານໝໍລີຖານສືທີ່ຢູ່ຕ່າງປະເທດ.
ທ່ານບອກນັກຂ່າວວ່າ,ປະຈຸບັນ,ວຽກງານແລະຊີວິດການເປັນຢູ່ຂອງພວກເຂົາເຈົ້າລ້ວນ
ແຕ່ດີຫຼາຍ.ເມື່ອໄດ້ທຳຄວາມພະຍາຍາມເປັນເວລາເຄິ່ງປີ,ເງື່ອນໄຂດຳລົງຊີວິດຂອງກອງ
ທະຫານຮັກສາສັນຕິພາບຈີນຢູ່ລີເບເລຍໃນປະຈຸບັນແມ່ນດີກວ່າໝູ່,ພວກເຮົາມີຈັກຜະລິດ
ໄຟຟ້າ,ມີໂຮງໝໍຂອງພວກເຮົາເອງ,ມີອຸປະກອນນ້ຳປະປາແລະນ້ຳໂສໂຄກ.ກອງຮັກສາ
ສັນຕິພາບພວກເຮົາລວມມີ550ຄົນ,ແບ່ງອອກເປັນສາມກອງຄືກອງທະຫານຊ່າງ,ກອງ
ປິ່ນປົວແລະກອງຂົນສົ່ງ,ເຊິ່ງໄດ້ເສີມຂະຫຍາຍບົດບາດສຳຄັນໃນການຮັກສາສັນຕິພາບ
ຢູ່ລີເບເລຍ.

ປີ2004ແມ່ນປີທຳອິດໃນການຮັກສາສັນຕິພາບຢູ່ລີເບເລຍເປັນເວລາ4ປີຂອງນາຍແລະ
ພົນທະຫານຮັກສາສັນຕິພາບຈີນ.ທຸກສິ່ງທຸກຢ່າງຕ້ອງກໍ່ສ້າງໃໝ່ເຮືອນພັກໃນຄ້າຍທະ
ຫານທີ່ເປັນລະບຽບຮຽບຮ້ອຍ,ໂຮງໝໍທີ່ມີອຸປະກອນຄົບຖ້ວນບໍລິບູນໃນຊູ່ມື້ນີ້,ລ້ວນແຕ່
ແມ່ນທ່ານລີຖານສືພ້ອມກັບເພື່ອນຮ່ວມລົບທັງຫຼາຍກໍ່ສ້າງຂຶ້ນເປັນກ້າວໆ.ມັນລວມທັງ
ການສ້າງຫ້ອງນ້ຳ,ແລະຂ້າຍູງແລະແມງວັນເປັນຕົ້ນ.