|
ເຫັດຫູໜູ: ມີວັດຖຸຕ້ານມະເຮັງ. ກິນເລື້ອຍໆສາມາດປ້ອງກັນມະເຮັງ,ຍັງສາມາດຫຼຸດຜ່ອນຫຼືຜ່ອນຄາຍບໍ່ໃຫ້ສາຍເລືອດແຂງຂຶ້ນ.
ຫົວຜັກກາດດິບ: ມີວັດຖຸອິນຊີທີ່ຕ້ານຊີ້ນປົ່ງຫຼາຍຊະນິດ,ສາມາດກະຕຸກໃຫ້ຈຸລັງເກີດສານລົບກວນ,ກິນເລື້ອຍໆສາມາດປ້ອງກັນພະຍາດມະເຮັງຫຼາຍຊະນິດ.
ເຂົ້າອົດ: ມີວັດຖຸທຳມະຊາດຊະນິດໜຶ່ງ,ສາມາດເຮັດໃຫ້ໂຄເລສະເຕລອນໜ້ອຍລົງ,ຍັງສາມາດແບ່ງໂຄເລສະເຕລອນອອກເປັນອາຊິດນ້ຳບີ,ແລ້ວລະບາຍອອກຈາກຮ່າງກາຍ. ຄົນເຈັບທີ່ໂຄເລສະເຕລອນສູງຖ້າກິນເຂົ້າປຽກເຂົ້າອົດໜຶ່ງຖ້ວຍຕໍ່ມື້,ພາຍຫຼັງໜຶ່ງເດືອນກໍສາມາດຫຼຸດໂຄເລສະເຕລອນໃຫ້ໜ້ອຍລົງ 9%. ເຂົ້າອົດຍັງສາມາດເຮັດໃຫ້ທາດນ້ຳຕານໃນເລືອດຈາງລົງ,ປ້ອງກັນໂຣກເບົາຫວານ.
ນົມງົວ: ມີວັດຖຸຊະນິດໜຶ່ງສາມາດເຮັດໃຫ້ຄົນມີຄວາມຮູ້ສຶກອິດເມື່ອຍແລະຢາກນອນ. ໃນນົມງົວມີໂປຼຕິນອຸດົມສົມບູນ,ສາມາດປົກປ້ອງຄວາມໜຽວຂອງສາຍເລືອດ,ປ້ອງກັນບໍ່ໃຫ້ສາຍເລືອດແຂງຂຶ້ນແລະລົບລ້າງນາຕຼີທີ່ມີຈຳນວນເກີນຄວນ,ປ້ອງກັນບໍ່ໃຫ້ເລືອດດັນສູງ. ດື່ມນົມງົວເລື້ອຍໆຍັງສາມາດປ້ອງກັນມະເຮັງກະເພາະອາຫານ.
ນົມສົ້ມ. ມີອາຊິດລັກຕິກ,ມີບົດບາດຫຼຸດຄວາມເຂັ້ມຂຸ້ນຂອງໂຄເລສະເຕລອນ. ໃນນົມສົ້ມ ຍັງມີກາລີອຸດົມສົມບູນ,ສາມາດຫຼຸດການດູດຮັບໂຄເລສະເຕລອນ.
1 2 3 4
|
