|
ຢູ່ລາວ,ມີແມ່ນ້ຳລຳເຊຫຼວງຫຼາຍ,ປາແມ່ນອາຫານທີ່ຄົນສ່ວນຫຼາຍມັກກິນ. ແຕ່ທ່ານຮູ້ບໍ່ວ່າ,ກິນປາເລື້ອຍໆມີຜົນດີຫຼາຍຕໍ່ສຸຂະພາບ.
ກິນປາແມ່ນເລື່ອງງ່າຍທີ່ສຸດ,ແຕ່ເວົ້າໃນດ້ານທິດສະດີແພດສາດຈີນແລ້ວ,ປາມີຫຼາຍຊະນິດ,ແຕ່ລະຊະນິດກໍຕ່າງມີບົດບາດບໍ່ຄືກັນຕໍ່ສຸຂະພາບຂອງຄົນເຮົາ.
ປາເຂັງເທດມີໂປຼຕິນແລະອາມີໂນອາສິດຫຼາຍ,ມັນມີບົດບາດຢ່າງເດັ່ນຊັດຕໍ່ການຊຸກຍູ້ການຈະເລີນເຕີບໂຕຂອງສະໝອງ,ລົດໂກເລສະເຕລອນແລະລົດຄວາມເຂັ້ມຂຸ້ນຂອງເລືອດໃຫ້ຕ່ຳລົງແລະປ້ອງກັນພະຍາດຫົວໃຈ,ແລະສາຍເລືອດ ສະໝອງ.
 ປາໄນມີບົດບາດແກ້ບວມ,ລົມເດີນແລະແມ່ລູກອ່ອນມີນ້ຳນົມຫຼາຍ,ແກ້ໄອ,ແກ້ຫືດ,ຮັກສາລູກໃນທ້ອງບໍ່ໃຫ້ຫຼຸ,ແກ້ພະຍາດໝາກເຫຼືອງ,ເໝາະສຳລັບຜູ້ເປັນພະຍາດບວມ,ໄອ,ເປັນຫືດແລະບ້າໝູເປັນຕົ້ນ. ນອກນີ້,ຍ້ອນຕາຂອງປາໄນມີວິດຕາມິນອາຢ່າງຫຼວງຫຼາຍ,ສະນັ້ນ ກິນຕາປາໄນມີຜົນດີພິເສດທີ່ເຮັດໃຫ້ຕາແຈ້ງຕາໃສ. ໃນເວລາໄອຫຼືເປັນຫືດ,ໃຫ້ເອົາຫົວປາໄນຕົ້ມໃສ່ຂີງ,ນ້ຳສົ້ມແລະຜັກທຽມຟັກ,ກິນແລ້ວຈະມີບົດບາດຜ່ອນຄາຍອາການໃຫ້ເບົາລົງ. ຜູ່ທີ່ເປັນພະຍາດບ້າໝູ,ໃຫ້ເອົາມັນສະໝອງຫຼືໄຂມັນປາໄນຕົ້ມໃສ່ເຂົ້າປຽກກິນ.
1 2 3
|
