|
|
 |
| (GMT+08:00)
2005-02-17 15:01:10
|
 |
|
ຮູບເງົາສະຫລອງປີໃຫມ່ໄດ້ເຫີ່ກັນສາຍຢູ່ແຫ່ງຕ່າງໆຂອງຈີນ(ສຽງ)
cri
Author: mo
|
ໃນທ້າຍປີແລະຕົ້ນປີຂອງແຕ່ລະປີແມ່ນຍາມທີ່ຕະຫລາດຮູບເງົາຈີນຄຶກຄັກກວ່າຫມູ່, ປີນີ້ກໍ່ບໍ່ຍົກເວັ້ນ,ຮູບເງົາສະຫລອງປີໃຫມ່ສອງເລື່ອງຄື Tianxiawuzei ແປວ່າໃນໂລກນີ້ບໍ່ມີຂີ້ລັກແລະເລື່ອງກົງຟູໄດ້ສາຍພ້ອມກັນຢູ່ໂຮງສາຍຮູບເງົາຕ່າງໆຂອງຈີນ,ນັບມາຮອດປະຈຸບັນ, ຮູບເງົາສອງເລື່ອງດັ່ງກ່າວຕ່າງໄດ້ຮັບລາຍຮັບຈາກການຂາຍປີ້ເກືອບ 100 ລ້ານຢວນ. ການໄປເບິ່ງຮູບເງົາສະຫລອງປີໃຫມ່ໃນຍາມບຸນກຸດຈີນນັ້ນໄດ້ກາຍເປັນຄວາມນິຍົມໃຫມ່ອັນຫນຶ່ງຂອງສາມັນຊົນຈີນແລ້ວ.
ຮູບເງົາສະຫລອງປີໃຫມ່ເລື່ອງທຳອິດທີ່ຜູ້ຊົມຈີນໄດ້ເບິ່ງກ່ອນໝູ່ນັ້ນແມ່ນຮູບເງົາເລື່ອງJiafangyifang ແປວ່າຝ່າຍກ.ກັບຝ່າຍຂ. ເຊິ່ງທ່ານເຝີງສຽວກ່າງຖ່າຍທຳໃນປີ 1998,ຈາກນັ້ນ, ຮູບເງົາສະຫລອງປີໃຫມ່ທີ່ທ່ານເຝີງສຽວກ່າງຖ່າຍທຳປີລະເລື່ອງລ້ວນແຕ່ໄດ້ສ້າງລາຍຮັບສູງທີ່ສຸດຈາກການຂາຍປີ້ຢູ່ຕະຫລາດຮູບເງົາຈີນ,ຮູບເງົາສະຫລອງປີໃຫມ່ຂອງທ່ານເຝີງສຽວກ່າງໄດ້ກາຍເປັນຍີ່ຫໍ້ດັງຍີ່ຫໍ້ຫນຶ່ງຂອງຮູບເງົາການຄ້າຈີນ.
ທີ່ທ່ານພວມຟັງຢູ່ນີ້ແມ່ນຮູບເງົາສະຫລອງປີໃຫມ່ເລື່ອງ Tianxiawuzei ແປ່ວ່າໃນໂລກນີ້ບໍ່ມີຂີ້ລັກທີ່ທ່ານເຝີງສຽວກ່າງຖ່າຍທຳໃຫມ່ໃນທ້າຍປີ 2004. ຮູບເງົາເລື່ອງນີ້ໄດ້ເລົ່າເລື່ອງທ້າວສາເກີ່ນ ຊາວກະສິກອນໄປເປັນລູກຈ້າງໃນເມືອງມາຫລາຍປີ, ລາວກຽມນຳເອົາເງິນ 6 ຫມື່ນຢວນທີ່ຕົນເອງຫາໄດ້ນັ້ນເມືອແຕ່ງດອງຢູ່ບ້ານ,ລາວບໍ່ເຊື່ອວ່າ, ໃນໂລກນີ້ມີຂີ້ລັກ.ໃນລົດໄຟທີ່ທ້າວສາເກີ່ນຂີ່ນັ້ນມີຂີ້ລັກສາມກຸ່ມ, ນາງວາງລີ້ແລະທ້າວວາງປໍເປັນຂີ້ລັກຄູ່ຫນຶ່ງແລະກໍ່ແມ່ນຄູ່ຮັກຄູ່ຫນຶ່ງ, ພວກເຂົາເຈົ້າຄ່ອຍໆຖືກກະຕຸ້ນໃຈຍ້ອນຄວາມຊື່ສັດແລະໃຈບຸນຂອງທ້າວສາເກີ່ນ, ແລ້ວພະຍາຍາມປົກປ້ອງທ້າວສາເກີ່ນ,ເພື່ອຮັກສາຄວາມຝັນຂອງລາວທີ່ວ່າໃນໂລກນີ້ບໍ່ມີຂີ້ລັກ.
ຕ່າງກັບຮູບເງົາສະຫລອງປີໃຫມ່ໃນເມື່ອກ່ອນຂອງທ່ານເຝີງສຽວກ່າງທີ່ເປັນລະຄອນຕະຫລົກ, ຮູບເງົາເລື່ອງ"ໃນໂລກນີ້ບໍ່ມີຂີ້ລັກ" ແມ່ນຮູບເງົາເລື່ອງຄວາມຮັກທີ່ໂສກເສົ້າ, ຜູ້ຊົມຫລາຍໆຄົນນ້ຳຕາໄຫລຍ້ອນ.
ທ່ານເຝີງສຽວກ່າງ ຜູ້ກຳກັບການສະແດງຂອງຮູບເງົາເລື່ອງດັ່ງກ່າວແນະນຳວ່າ:
"ນີ້ແມ່ນຮູບເງົາເລື່ອງຫນຶ່ງທີ່ຊັກຊວນໃຫ້ຄົນທັງຫລາຍບຸກບືນໄປຫນ້າ, ແລະໃຫ້ຄົນບໍ່ດີກັບໃຈເປັນຄົນດີ."
ມີດາລາຮູບເງົາຈຳນວນຫລວງຫລາຍຮ່ວມກັນສະແດງ, ນີ້ກໍ່ແມ່ນສາຍເຫດຫນຶ່ງທີ່ຮູບເງົາເລື່ອງ"ໃນໂລກນີ້ບໍ່ມີຂີ້ລັກ"ຈັບໃຈຄົນ, ພະເອກສະແດງໂດຍທ່ານຫຼີວເຕີຫົວ ດາລາເພງແລະດາລາຮູບເງົາທີ່ມີຊື່ສຽງຂອງຮົງກົງຈີນ, ນາງເອກເຊິ່ງກໍ່ຄືຜູ້ຍິງຂີ້ລັກທີ່ໃກ້ຈະເປັນແມ່ແມ່ນສະແດງໂດຍນາງຫຼີວຢໍ້ຢິ່ງ ດາລາເພງແລະດາລາຮູບເງົາທີ່ມີຊື່ສຽງຂອງໄຕ້ຫວັນຈີນ, ເຮັດໃຫ້ຮຸບເງົາເລື່ອງນີ້ບໍ່ພຽງແຕ່ໄດ້ຮັບຄວາມນິຍົມຊົມຊອບຢູ່ພາກເຫນືອຈີນຄືຮູບເງົາສະຫລອງປີໃຫມ່ໃນເມື່ອກ່ອນເທົ່ານັ້ນ, ຢູ່ຕົວເມືອງພາກໃຕ້ຂອງຈີນແລະຢູ່ຮົງກົງຈີນກໍ່ໄດ້ຮັບການຕີລາຄາເປັນຢ່າງດີຄືກັນ.
ຮູບເງົາສະຫລອງປີໃຫມ່ອີກເລື່ອງຫນື່ງຄືກົງຟູແມ່ນທ່ານໂຈ່ວຊິງສື ດາລາຮູບເງົາທີ່ມີຊື່ສຽງຂອງຮົງກົງຈີນເປັນຜູ້ກຳກັບການສະແດງແລະເປັນຜູ້ສະແດງ, ຮູບເງົາເຕັມໄປດ້ວຍພາບຕະຫລົກແລະມວຍກົງຟຸທີ່ຊວນຫົວ. ເລື່ອງນີ້ເກີດຂຶ້ນຢູ່ຈີນເມື່ອຊຸມປີ 40 ສະຕະວັດທີ 20, ທ່ານໂຈ່ວຊິງສືໄດ້ສະແດງເປັນຊາວຫນຸ່ມຜູ້ຫນຶ່ງທີ່ມີທ່າທາງນັກເລງແຕ່ມີມີອຸດົມການ, ເພິ່ນໄດ້ຕັດສິນໃຈເຂົ້າຮ່ວມກຸ່ມຂວານເຊິ່ງເປັນກຸ່ມສັງຄົມມືດທີ່ມີອິດທິພົນໃຫຍ່ກວ່າຫມູ່. ເພິ່ນເຈດຕະນາຫລອກຂູ່ເອົາເງິນນຳປະຊາຊົນຢູ່ບ້ານຄອກຫມູ, ພັດບໍ່ຮູ້ວ່າ, ໄທບ້ານຢູ່ແຫ່ງນັ້ນມີໄມ້ເດັດມືເດັດຫມົດທຸກຄົນ, ໃນທີ່ສຸດເລີຍເສຍໃຊຢູ່ແຫ່ງນີ້. ຊາວຫນຸ່ມຜູ້ນີ້ໄດ້ຄ່ອຍໆປະລະແນວຄິດແລະອຸດົມການໃນເມື່ອກ່ອນ, ເລີ່ມສຳນຶກເຖິງທາດແທ້ຂອງກົງຟູ.
ຮູບເງົາເລື່ອງ"ກົງຟູ"ແມ່ນຮູບເງົາຕະຫລົກບວກກັບກົງຟູອ້ອຍຕ້ອຍ,ພາບທີ່ບຸກຄົນຜູ້ນ້ອຍສວຍໂອກາດຫາຜົນກຳໄລແລະຕົກຢູ່ໃນສະພາບເກີ້ເຂີນນັ້ນໄດ້ປະກົດໃຫ້ເຫັນຢູ່ເລື້ອຍໆ, ເຮັດໃຫ້ຜູ້ຊົມມີສຽງຫົວເລື້ອຍໆ. ແຕ່ວ່າ, ພາບຕະຫລົກສ່ວນຫລາຍລ້ວນແຕ່ແມ່ນຫມູນອ້ອມຫົວຂໍ້"ກົງຟູ"ຢ່າງແຫນ້ນແຟ້ນໃນຂັ້ນພື້ນຖານ. ໃນຂະບວນການທີ່ບຸກຄົນນ້ອຍເຕີບໂຕເປັນອາຈານກົງຟູທີ່ທ່ານໂຈ່ວຊິງສືເປັນຜູ້ສະແດງນັ້ນ ໄດ້ກ່ຽວພັນເຖິງກົງຟູຂອງສຳນັກຕ່າງກັນຢ່າງຫລວງຫລາຍ, ເຮັດໃຫ້ຜູ້ຊົມລາຍຫູລາຍຕາຍ້ອນ.
ເວົ້າສຳລັບຜູ້ຊົມຮູບເງົາຈີນແລ້ວ, ການທີ່ໄດ້ເບິ່ງຮູບເງົາສະຫລອງປີໃຫມ່ທີ່ໂລດໂຜນສອງເລື່ອງພ້ອມກັນນັ້ນແມ່ນເລື່ອງທີ່ດີໃຈທີ່ສຸດ, ນາງຢູທີ່ເຄີຍເບິ່ງຮູບເງົາສອງເລື່ອງດັ່ງກ່າວເມື່ອບໍ່ດົນນີ້ເວົ້າຕໍ່ນັກຂ່າວວ່າ:
"ຂ້ອຍມັກຮູບເງົາສະຫລອງປີໃຫມ່ສອງເລື່ອງໃນປີນີ້ຫລາຍ, ໃນຍາມທຳມະດາຄາວຽກຫລາຍ, ເບິ່ງຮູບເງົາແບບນີ້ຮູ້ສຶກເບົາອົກເບົາໃຈຫລາຍ. ຮູບເງົາຈີນມີຫລາຍໆເລື່ອງຫນ້າເບິ່ງຫລາຍ, ຕົວຢ່າງຄືຮູບເງົາເລື່ອງShimianmaifu ແປວ່າ ດັກສະກັດ 10 ດ້ານແລະເລື່ອງ "2046"ໃນປີກາຍນີ້ລ້ວນແຕ່ຫນ້າເບິ່ງຫລາຍ."
ນອກຈາກຮູບເງົາສະຫລອງປີໃຫມ່ສອງເລື່ອງນີ້ແລ້ວ, ໃນປີ 2004 ທີ່ຫາກໍ່ຜ່ານພົ້ນໄປນີ້, ຂະແໜງການຮູບເງົາຈີນໄດ້ຮັບຜົນສຳເລັດທີ່ຫນ້າຊົມຊື່ນ, ໄດ້ຖ່າຍທຳຮູບເງົາ 212 ເລື່ອງສຳເລັດ, ໃນນັ້ນມີຮູບເງົາດີເລີດຈຳນວນຫລວງຫລາຍ,ຕົວຢ່າງຄືເລື່ອງShimianmaifu ເລື່ອງເຄີເຄີຊີລີເລື່ອງທ່ານຈາງຊືເຕີ ເປັນຕົ້ນ, ລາຍໄດ້ຈາກການຂາຍປີ້ບັນລຸເຖິງ 1 ແສນ 5 ຫມື່ນຢວນ. ພ້ອມກັນນັ້ນ, ໃນປີ 2004, ຮູບເງົາຈີນກໍ່ມີອິດທິພົນສູງຂຶ້ນຕື່ມອີກໃນສາກົນ, ປີ 2004, ຮູບເງົາຈີນໄດ້ເຂົ້າຮ່ວມງານມະໂຫລານຮູບເງົາທີ່ 30 ກວ່າປະເທດຈັດຂຶ້ນ, ໄດ້ຮັບລາງວັນ 16 ລາຍ.
|
|
|
