|
|
 |
| (GMT+08:00)
2005-02-17 16:11:16
|
 |
|
ສິງກະໂປປະດັບປະດາຕ້ອນຮັບບຸນກຸດຈີນ
cri
Author: da
ສີງກະໂປແມ່ນປະເທດນະຄອນທີ່ສວຍງາມປານສວນດອກໄມ້,ໃນປະຊາກອນ,ຊາວຈີນຫຼາຍກວ່າໝູ່,ດັ່ງນັ້ນ ຢູ່ປະເທດສິງກະໂປ ກໍຫຼິ້ນບຸນກຸດຈີນເຊັ່ນດຽວກັນ.ເມື່ອ ຮອດບຸນກຸດຈີນ,ຢູ່ຕາມຖະໜົນຫົນທາງທຸກເສັ້ນໄດ້ປະດັບປະດາເປັນສີແດງດ້ວຍດອກໄມ້ສີ,ໂຄມໄຟແດງແລະຄະຕິຄູ່ເພື່ອສ້າງບັນຍາກາດສີລິມຸງຄຸນແລະມ່ວນຊື່ນ.
ຖະໜົນນິວເຊີສວຍ ແມ່ນໄຊນາທາວຂອງສິງກະໂປທີ່ມີລັກສະນະຕົວແທນທີ່ສຸດ.ໃນວັນທີ 15 ມັງກອນທຸກທຸກປີ,ຢູ່ຖະໜົນກໍຈະຈັດພິທີເປີດດອກໄຟ ໂຄມໄຟຕ້ອນຮັບບຸນກຸດຈີນ,ດອກໄຟສີນ້ອຍໃຫຍ່ ພ້ອມກັບເຄື່ອງເອ້ທີ່ນັບບໍ່ຖ້ວນເຫຼື້ອມຍິບຍັບ.ປີນີ້ແມ່ນປີລະກາຈັນທະຄະຕິຈີນ,ຢູ່ຖະໜົນນິວເຊີສວຍດອກໄຟສີທີ່ປະຈັກຕາທີ່ສຸດກໍແມ່ນເຮັດເປັນຮູບຈຳລອງໄກ່ໂຕແມ່ທີ່ເກີດໄຂ່ຄຳເງີຍໜ້າເອິກຢືນຢູ່ເທິງກອງເຂົ້າທີ່ສູງ 5 ແມັດປາຍ,ໝາຍຄວາມວ່າໃນປີໃໝ່ນີ້ຈະສາມາດເກັບກ່ຽວຜົນໄດ້ອຸດົມສົມບູນ,ໄດ້ດູດດຶງຄົນທັງຫຼາຍພາກັນຊົມເບິ່ງຖ່າຍຮູບເປັນທີ່ລະລຶກ.ຢູ່ຕະຫຼອດຖະໜົນເຕັມໄປດ້ວຍບັນຍາກາດເບີກບານມ່ວນຊື່ນ,ບໍ່ວ່າຈະແມ່ນຮ້ານຄ້ານ້ອຍຫຼືແມ່ນຮ້ານຄ້າໃຫຍ່ ຮ້ານໃດກໍຂາຍໂຄມໄຟແດງ,ໝາກກະໂພກ,ຄະຕິຄູ່ແລະຂອງກິນຂອງຫຼິ້ນ,ຄົນຊື້ກໍເຕັມຮ້ານ.
ຢູ່ຖະໜົນອູເຈ ເຊິ່ງເປັນຖະໜົນການຄ້າທີ່ມີຊື່ສຽງທີ່ສຸດຂອງສິງກະໂປ, ບໍ່ວ່າຈະແມ່ນຕຶກຮ້ານຄ້າໃຫຍ່ ຫຼືແມ່ນຮ້ານຄ້ານ້ອຍຢູ່ສອງຟາກຖະໜົນ, ລ້ວນແຕ່ໄດ້ປະດັບປະດາຕາມຈຸດພິເສດຂອງຕົນ.ເມື່ອຄ່ຳແລ້ວ,ຢູ່ຕາມຖະໜົນອູເຈ ຖະໜົນການຄ້າທີ່ຮຸ່ງເຮືອງທີ່ສຸດຂອງສິງກະໂປປະດັບດ້ວຍດອກໄຟນີອົງ,ບໍ່ສະເພາະຢູ່ຖະໜົນເສັ້ນນີ້,ຢູ່ຕາມຖະໜົນການຄ້າອື່ນໆ ຕຶກເຮືອນຢູ່,ຄຸ້ມເຮືອນຢູ່ແລະສູນການຄ້າເປັນຕົ້ນ,ຫອຍໂຄມໄຟແດງໄວ້ສູງໆ,ດອກໄຟເຫຼື້ອມຍິບຍັບ.
ແຕ່ໃດມາ ຊາວຈີນເອົາໃຈໃສ່ໝົດຄອບຄົວຫຼິ້ນບຸນນຳກັນ,ໃນນັ້ນ ສຳຄັນທີ່ສຸດກໍແມ່ນຍິງຊາຍນ້ອຍໃຫຍ່ໝົດຄອບຄົວ,ກິນເຂົ້າຄ່ຳຄືນວັນສິ້ນປີເກົ່າ.ຍ້ອນວ່າຄົນສິງກະໂປມີລາຍໄດ້ຂ້ອນຂ້າງສູງ,ສະນັ້ນ ຂະເຈົ້າສ່ວນຫຼາຍມັກໄປກິນເຂົ້າຢູ່ຮ້ານອາຫານໃນຕອນຄ່ຳວັນສິ້ນປີເກົ່າໝົດຄອບຄົວ. ຮ້ານອາຫານກໍສວຍໂອກາດນີ້ ປຸງແຕ່ງອາຫານເຍືອງສະເພາະຫຼາຍຢ່າງຫຼາຍແນວຫຼືອາຫານເປັນຊຸດ.ອາຫານທີ່ຊື່ວ່າ"ໄກ່ຄຳຂັນໄຊໂຢເຍື່ອງດີ"ກໍມີວິທີປຸງແຕ່ງຫຼາຍສິບຊະນິດ.
ອາຫານປາດິບທີ່ມີສີສັນພິເສດຂອງສິງກະໂປແລະໝາຍຄວາມວ່າຄົນທັງຫຼາຍພ້ອມກັນຮັ່ງມີກໍຖືກຊົມເຊີຍຫຼາຍ.ຊາວຈີນມັກຕົວເລກ 8 ,ເພາະວ່າ ພາສາຈີນຜັນສຽງ 8,ຄ້າຍຄືກັນກັບຟາ,ມີຄວາມໝາຍວ່າ "ພັດທະນາ", ຈົນວ່າເລກໂຕສຸດທ້າຍຂອງລາຄາອາຫານເປັນຊຸດກໍແມ່ນ 8 ຄື 8 ຢວນ,18 ຢວນ, 108 ຢວນເປັນຕົ້ນ.
ໃນຍາມບຸນກຸດຈີນ,ຊາວສິງກະໂປມັກເອົາດອກໄມ້ໝາກກ້ຽງນ້ອຍເປັນຂອງຂວັນຕ້ອນມິດສະຫາຍຍາດພີ່ນ້ອງ.ເຂົາເຈົ້າຍັງຕັ້ງຊື່ມ່ວນໆຄື:ດອກໄມ້ໂຊກດີ ດອກໄມ້ເງິນຄຳ ແລະດອກໄມ້ຮັ່ງມີເປັນຕົ້ນ.ໃນຍາມບຸນກຸດຈີນປີນີ້,ຊາວສິງກະໂປຍັງໄດ້ງານວາງສະແດງດອກໄມ້ຢູ່ເກາະຊານທາວຊາ ເຊິ່ງເປັນແຫຼ່ງທ່ອງທ່ຽວທີ່ມີຊື່ສຽງດົງດັງຂອງສິງ ກະໂປເປັນເທື່ອທຳອິດ,ໄດ້ວາງດອກໄມ້ສົດນານາຊະນິດໜຶ່ງລ້ານຕົ້ນສະຫຼອງບຸນກຸດຈີນໄດ້ວຽນມາເຖິງ.ສະຖານທີ່ງານວາງສະແດງດອກໄມ້ກວມເນື້ອທີ່ 5 ເຮັກຕາ,ກວ້າງທໍ່ສະໜາມບານເຕະ 5 ແຫ່ງ.ສວນນ້ຳພຸ່ຂອງຊານທາວຊາແມ່ນບ່ອນຕົ້ນຕໍຂອງງານວາງສະແດງ.ຢູ່ປາກປະຕູເຂົ້າງານວາງສະແດງດອກໄມ້ໄດ້ຕັ້ງທາດຮູບກົງທີ່ປະດັບປະດາດ້ວຍດອກໄມ້, ສູງ 5,5 ແມັດ,ຕ້ອນຮັບຜູ້ທ່ອງທ່ຽວມາຫຼິ້ນສວນນ້ຳພຸ່.ຜູ້ຈັດງານຍັງຕັ້ງແກງເລືອກ ດອກໄມ້ 12 ປະເພດມາຕາງໜ້າ 12 ເດືອນ, ໄດ້ດູດດຶງຜູ້ທ່ອງທ່ຽວຫຼາຍຄົນມາຊົມເບິ່ງຖ່າຍຮູບເປັນທີ່ ລະລຶກ.ໃນວັນຄູ່ຮັກທີ່ຫາກໍ່ຜ່ານໄປ,ງານວາງສະແດງດອກໄມ້ຍັງສ້າງກຳແພງໃຫຍ່ໂດຍຈຳ ເພາະ, ປະດັບດ້ວຍດອກກຸຫຼາບແດງຊ້ຳຫຼາຍໆດອກ.ຢູ່ນີ້ຍັງຕັ້ງຮູບຈຳລອງໄກ່ໂຕຜູ່ໃຫຍ່ທີ່ສູງ 4,2 ແມັດ,ເພື່ອສ້າງບັນຍາກາດຄຶກຄື້ນ.
ເພື່ອສະຫຼອງບຸນກຸດຈີນ,ການເຄື່ອນໄຫວຢູ່ພາຍໃນຫໍເບິ່ງໂລກພື້ນທະເລຂອງ ເກາະຊານທາວຊາກໍຕ່າງກັນຊູ່ປີ. ປີນີ້ແມ່ນທິມກັງຟູຈີນສະແດງຢູ່ໃນນ້ຳ,ເຮັດໃຫ້ຄົນທັງຫຼາຍຮູ້ສຶກມ່ວນຫຼາຍ.ນອກຈາກສະແດງຟ້ອນລຳທຳເພງໃຫ້ຜູ້ຊົມແລ້ວ,ຍັງມີການສະແດງຈູດໄຟດອກ 3 ນາທີ. ໃນຄ່ຳຄືນວັນສິ້ນປີເກົ່າ, ການເຄື່ອນໄຫວລະດູບານໃໝ່ມາຮອດແຄມນ້ຳຕ້ອນຮັບປີໃໝ່ກໍໄດ້ຈັດການນັບເວລາຄືນຕ້ອນຮັບປີໃໝ່,ເມື່ອຮອດທ່ຽງຄືນ 12 ໂມງກົງ,ໄຟດອກທີ່ສວຍງາມໄດ້ພົ່ນຂຶ້ນທ້ອງຟ້າຕາມສຽງດົນຕີບັນເທີງ,ໃນຕອນຄ່ຳວັນຂຶ້ນປີໃໝ່,ຄົນທັງຫຼາຍກໍຈູດໄຟດອກອີກເທື່ອໜຶ່ງ,ໄຟດອກພົ່ນຂຶ້ນສູ່ທ້ອງຟ້າ,ເປັນສັນຍາລັກສະແດງວ່າ ລະດູບານໃໝ່ວຽນມາເຖິງ.
ສິງກະໂປໃນກາງເວັນມີຄວາມສະເໜ່ຫຼາຍ,ສ່ວນສິງກະໂປໃນຄ່ຳຄືນກໍຍິ່ງງາມຍ້ອນປີລະກາວຽນມາເຖິງແລ້ວ.
|
|
|
