|
ປີກາຍນີ້, ການເຕີບໂຕເສດຖະກິດຂອງອິນໂດເນເຊຍດີກວ່າການຄາດໄວ້
cri
Author: MO
ຕາມຂ່າວສານຊີນຮວາ: ວັນທີ 17 ກຸມພາ, ສື່ມວນຊົນອິນໂດເນເຊຍໄດ້ນຳເອົາບົດ
ລາຍງານສະຖິຕິທີ່ກົມສະຖິຕິສູນກາງອິນໂດເນເຊຍປະກາດນັ້ນມາແຈ້ງວ່າ, GDPຂອງອິນໂດເນເຊຍໃນປີ 2004ໄດ້ເພີ່ມຂຶ້ນ 5,13%, ລື່ນກາຍຄາດໝາຍເດີມ, ແລະກໍສູງກວ່າຄວາມໄວເຕີບໂຕເສດຖະກິດໃນປີ 2003 ຢ່າງເດັ່ນຊັດ.
ບົດລາຍງານຂຽນວ່າ, ການບໍລິໂພກຂອງຄອບຄົວຍັງຄົງແມ່ນເສົາຄ້ຳຕົ້ນຕໍທີ່ຄ້ຳຢັນເສດຖະກິດອິນໂດເນເຊຍເຕີບໂຕຂຶ້ນໃນປີກາຍນີ້. ນອກນັ້ນ, ການສົ່ງອອກເພີ່ມຂຶ້ນກໍແມ່ນມູນເຫດໜຶ່ງທີ່ເສດຖະກິດອິນໂດເນເຊຍເຕີບໂຕຂຶ້ນ. ບົດລາຍງານຄາດຄະເນວ່າ, ເຖິງວ່າຄື້ນຊູນາມີຂອງມະຫາສະໝຸດອິນເດຍໃນທ້າຍປີກາຍນີ້ໄດ້ເຮັດໃຫ້ອິນໂດເນເຊຍມີຄົນຕາຍແລະບາດເຈັບຢ່າງຫລວງຫລາຍ, ແຕ່ຜົນກະທົບຕໍ່ເສດຖະກິດອິນໂດເນເຊຍໃນປີ 2005 ແມ່ນມີຈຳກັດ.
|
|
