|
 ຢູ່ຈີນ,ເມື່ອເວົ້າເຖິງເລື່ອງສາມກົກ ບົດປະພັນວັນນະຄະດີບູຮານຊື່ດັງຂອງຈີນ,ອາດເວົ້າໄດ້ວ່າບໍ່ວ່າຍິງຊາຍນ້ອຍໃຫຍ່ໃຜໆກໍຮູ້ກັນຫມົດ.ໃນຫຼາຍສະຕະວັດມານີ້,ເລື່ອງສາມກົກທີ່ໄດ້ວາດພາບໃຫ້ເຫັນສະພາບສົງຄາມທີ່ໃຫຍ່ໂຕມະໂຫລານແລະໂສມຫນ້າບຸກຄົນທີ່ເປັນໂຕຢົ້ງໆ,ນິທານເລື່ອງທີ່ຕໍ່ສູ້ດ້ວຍສະຕິປັນຍາແລະຄວາມອົງອາດກ້າຫານທີ່ມີຊີວິດຊີວາ,ໄດ້ຮັບຄວາມນິຍົມຊົມຊອບຈາກມະຫາຊົນຈີນໂດຍຕະຫຼອດ,ແລະກໍ່ແມ່ນຫົວຂໍ້ທີ່ນັກປາດຫຼາຍໆຄົນຄົ້ນຄວ້າໃນເວລາດົນນານມານີ້.
ທ່ານໂລກວ້ນຈົ່ງທີ່ແຕ່ງເລື່ອງສາມກົກໄດ້ດຳລົງຊີວິດໃນສະຕະວັດທີ 14 ,ທ່ານມີຄວາມຮູ້ເລິກເຊິ່ງ,ແຕ່ຍາມຍັງນ້ອຍທ່ານກໍ່ມັກອ່ານຫນັງສຶ,ມັກອ່ານປຶ້ມປະຫວັດສາດຕ່າງໆ,ທັງຫມົດເຫຼົ່ານີ້ໄດ້ສ້າງພື້ນຖານອັນດີໃຫ້ແກ່ທ່ານແຕ່ງວັດນະຄະດີນໃນອະນາຄົດ
ຍຸກສະໄຫມທີ່ທ່ານໂລກວ້ນຈົ່ງຢູ່ນັ້ນພໍດີແມ່ນສະໄຫມທີ່ຄວາມຂັດແຍ່ງລະຫວ່າງຊົນເຜົ່າແລະຄວາມຂັດແຍ່ງລະຫວ່າງຊົນຊັ້ນສັບສົນແລະແຫຼມຄົມທີ່ສຸດ.ອຳນາດການປົກຄອງລາຊະວົງຢວນທີ່ຂຸນນາງມົງໂກນສ້າງຂຶ້ນນັ້ນ,ປະຕິບັດການປົກຄອງແບບກົດຂີ່ຂົ່ມແຫ້ງຕໍ່ເຜົ່າຮ້ານ,ເຮັດໃຫ້ປະຊາຊົນເຜົ່າຮ້ານອັນໄພສານຕ້ານຢັນຄືນ,ຢູ່ແຫ່ງຕ່າງໆໄດ້ປະກົດມີກອງທະຫານລຸກຮືຂຶ້ນ,ກອງທະຫານລຸກຮືຂຶ້ນຕ່າງໆບໍ່ພຽງແຕ່ສູ້ລົບກັບກອງທະຫານຢວນທໍ່ນັ້ນ,ພ້ອມກັນນັ້ນຍັງໂຮມເຂົ້າກັນ,ຫມາຍຈະປົກຄອງຈີນຄືນໃຫມ່ຫຼັງຈາກໄດ້ໂຄ່ນລົ້ນລາຊະວົງຢວນແລ້ວ.ທ່ານໂລກວ້ນຈົ່ງໃນໄວຫນຸ່ມກໍ່ໄດ້ເຂົ້າຮ່ວມກອງທະຫານລຸກຮືຂຶ້ນກອງຫນຶ່ງ,ດຳລົງຕຳແຫນ່ງເປັນເສນາທິການຜູ່ຫນຶ່ງ.ທ່ານໂລກວ້ນຈົ່ງໃນຄາວນັ້ນເຕັມໄປດ້ວຍອຸດົມການທາງການເມືອງ,ປາຖະຫນາຢາກປົກຄອງລັດໃນສະພາບປັ່ນປ່ວນ.ພາຍຫຼັງມາ,ກອງທະຫານລຸກຮືຂຶ້ນທີ່ນຳໂດຍທ່ານຈູຢວນຈັ່ງໄດ້ຮັບໄຊຊະນະໃນທີ່ສຸດ,ໄດ້ສ້າງຕັ້ງລາຊະວົງມິງ,ຄວາມປາຖະຫນາທາງການເມືອງຂອງທ່ານໂລກວ້ນຈົ່ງໄດ້ກາຍເປັນຟອງສະບູແລ້ວ,ທ່ານເລີ່ມແຕ່ງວັນນະຄະດີຢ່າງມິດງຽບ.
ເລື່ອງສາມກົກທີ່ທ່ານໂລກວ້ນຈົ່ງແຕ່ງນັ້ນແມ່ນນະວະນິຍາຍນິເຂົ້າໃຈ ງ່າຍທີ່ແຕ່ງຫນັງສືບັນທຶກປະຫວັດສາມກົກຂອງຈີນ,ເປັນນະວະນິຍາຍ ປະຫວັດສາດພິສະດານຍາວ,ເລື່ອງສາມກົກໄດ້ພັນລະນາເຫດການ ປະຫວັດສາດທີ່ສັບສົນຫຼາຍໃນເກືອບ 100 ປີຄືແຕ່ຄ.ສ ປີ 184 ຮອດຄ.ສປີ 280,ທ່ານໂລກວ້ນຈົ່ງໄດ້ເກັບໂຮມປະຫວັດສາດສາມກົກອັນຫຼວງຫຼາຍປຶ້ມ ບັນທຶກ,ເລື່ອງ ນະວະນິຍາຍເຈົ້ານາຍເອກະຊົນແລະເລື່ອງພື້ນສືບ,ປະສານກັນກັບອຸດົມການທາງການເມືອງຂອງຕົນແລະປະສົບການຊີວິດສົງຄາມທີ່ຕົນເຂົ້າຮ່ວມກອງທະຫານລຸກຮືຂຶ້ນ,ໄດ້ສະແດງໃຫ້ປະຫວັດການຕໍ່ສູ້ທາງການເມືອງແລະການທະຫານຢ່າງມີຊີວິດຊີວາອີກລະຫວ່າງລັດເວ້,ລັດສູແລະລັດອູ.
ເລື່ອງສາມກົກໄດ້ແຕ່ງເລື່ອງທີ່ທ່ານໂຈໂສອອກຄຳສັ່ງແຕ່ງກອງທະຫານໄປພາກໃຕ້,ທ່ານຊຸນກ່ວນແລະທ່ານເຫຼົາປີ່ໄດ້ຮ່ວມກັນຕ້ານຢັນ,ໄດ້ວາດພາບໃຫ້ເຫັນສະຫຼອງໄຊຊະນະຂອງວິລະຊົນຕ່າງໆ,ສວຍໂອກາດລົມແຮງ,ເຜົາເຮືອສັດຕູເປັນຕົ້ນ,ໃນທີ່ສຸດໄດ້ໂຮມລັດຊີຈີນເປັນເອກະພາບກັນ,ເຕັມໄປດ້ວຍຄວາມອາດຫານຊານໄຊແລະຄວາມສະຫຼາດສະຫຼຽວໃນສົງຄາມ.
ເລື່ອງສາມກົກໄດ້ວາດພາບໃຫ້ເຫັນຄວາມຈະເລີນແລະຄວາມດັບສູນຂອງສາມກົກຄືລັດເວ້ ລັດສູ້ແລະລັດອູ,ສະແດງໃຫ້ເຫັນການຕໍ່ສູ້ທາງການທະຫານການປົກຄອງທີ່ສັບສົນທີ່ສຸດໃນສະໄຫມສາມກົກ,ສ່ອງແສງໃຫ້ເຫັນແນວຄິດທີ່ສະຫນັບສະຫນູນອູ້ມຊູທ່ານເຫຼົາປີ່ແລະຄັດຄ້ານທ່ານໂຈໂສຢ່າງເດັ່ນຊັດແລະແນວຄິດດຳເນີນການປົກຄອງດ້ວຍເມດຕາທຳ,ພ້ອມກັນນັ້ນ,ກໍໄດ້ຕິຕຽນເຈົ້າຂຸນນາຍລົບເລວກັນແລະເຈົ້າຊີວິດດຳເນີນການປົກຄອງໂຫດຮ້າຍທາລຸນ,ສະແດງໃຫ້ເຫັນຄວາມປາຖະຫນາຂອງປະຊາຊົນທີ່ຢາກໃຫ້ເຈົ້າຊີວິດດຳເນີນການປົກຄອງຢ່າງສະຫຼາດສ່ອງໄສແລະຢາກໃຫ້ສັງຄົມມີຄວາມສະຫງົບສຸກ
ຜົນສຳເລັດດ້ານສີລະປະຂອງເລື່ອງສາມກົກແມ່ນສະແດງໃຫ້ເຫັນໃນຫຼາຍດ້ານ,ນັກແຕ່ງໄດ້ຜ່ານການວາດພາບການສູ້ຊົນທາງການທະຫານແລະການເມືອງທີ່ເຮັດໃຫ້ຄົນຕື່ນຕົກໃຈ,ຫມູນໃຊ້ແບບວິທີສີລະປະຕ່າງໆ,ປັ້ນແຕ່ງໂສມຫນ້າບຸກຄົນທີ່ພົ້ນເດັ່ນຢ່າງສຳເລັດຜົນ,ໃນປຶ້ມເຫຼັ້ມນີ້ມີບຸກຄົນ 400 ກວ່າຄົນ,ໃນນັ້ນ,ມີບຸກຄົນ 10 ກວ່າຄົນນັກແຕ່າງໄດ້ເຈາະຈົງວາດພາບແລະມີບຸກຄະລິກລັກສະນະອັນແຈ່ມແຈ້ງ,ຄືໂຈໂສ ເຈົ້າຊີວິດລັດເວ້ທີ່ຊ່າງໃຊ້ກົນອຸບາຍແລະຫນ້າເນື້ອໃຈເສືອທັງມັກສົງໄສດທ່ານຂົງເປັ້ງ ເສນາທິການລັດສູທີ່ມີສະຕິປັນຍາຫຼາຍ,ທ່ານຈັ່ງເຟ່ ນາຍພົນລັດສູທີ່ທັງກ້າຫານທັງລະອຽດ,ແລະທ່ານໂຈຢູ ຈອມພົນລັດອູທີ່ມີປັນຍາແຕ່ໃຈແຄບລ້ວນແຕ່ແມ່ນບຸກຄົນແບບຢ່າງທີ່ຄົນທັງຫຼາຍນິຍົມຊົມຊອບທີ່ສຸດ.
|
