|
ຕາມຂ່າວສານຊິນຮວາ: ວັນທີ 17 ກຸມພາ, ອົງການຟາວສະຫະປະຊາຊາດໄດ້ອອກປະກາດແຈ້ງຂ່າວວ່າ, ແຜ່ນດິນໄຫວແລະຄື້ນຊູນາມີມະຫາສະໝຸດອິນເດຍທີ່ເກີດຂຶ້ນໃນທ້າຍເດືອນທັນວາປີກາຍນີ້ໄດ້ເຮັດໃຫ້ການປະມົງແລະການລ້ຽງສັດນ້ຳຂອງປະເທດປະສົບໄພເສຍຫາຍ 520 ລ້ານໂດລາສະຫະລັດ.
ປະກາດແຈ້ງຂ່າວຂຽນວ່າ, ອົງການຟາວໄດ້ສົ່ງຜູ່ຊ່ຽວຊານດ້ານການປະມົງ ການເດີນເຮືອ ການຕໍ່ເຮືອ ຊີວະຊາດໃນມະຫາສະໝຸດແລະການລ້ຽງສັດນ້ຳເປັນຕົ້ນໄປປະເທດປະສົບໄພ, ຊ່ອຍປະເທດປະສົບໄພຕີລາຄາສະພາບການເສຍຫາຍຢ່າງລະອຽດ, ວາງແຜນແກ້ໄຂ, ແລະໃຫ້ການສະໜັບສະໜູນດ້ານເຕັກນິກ. ອົງການຟາວຍັງຈະຮ່ວມມືກັບລັດຖະບານປະເທດປະສົບໄພ, ວາງນະໂຍບາຍໄລຍະໄກເພື່ອຟື້ນຟູກະສິກຳແລະການປະມົງຂອງເຂດປະສົບໄພ.
|
