ທ່ານຊາລົງກ່າວວ່າ,ການປະຕິຮູບກອງທະຫານຮັກສາຄວາມປອດໄພປາເລັສຕິນແມ່ນສຳຄັນທີ່ສຸດຕໍ່ການເລີ່ມເຈລະຈາສັນຕິພາບຕາເວັນອອກກາງຄືນໃຫມ່
cri
ຕາມຂ່າວCRI: ວັນທີ 17 ກຸມພາ,ທ່ານຊາລົງ ນາຍົກລັດຖະມົນຕີອິສຣາແອນກ່າວວ່າ,ການປະຕິຮູບກອງທະຫານຮັກສາຄວາມປອດໄພປາເລັສຕິນແມ່ນສຳຄັນທີ່ສຸດຕຕໍ່ການເລີ່ມເຈລະຈາສັນຕິພາບຕາເວັນອອກກາງຄືນໃຫມ່.
ພາຍຫລັງພົບປະເຈລະຈາກັບທ່ານວິນລຽມ ຜູ້ປະສານງານຄວາມປອດໄພຜູ້ໃຫມ່ຂອງອາເມລິກາໃນວັນທີ 17 ກຸມພາແລ້ວ,ທ່ານຊາລົງກ່າວວ່າ,ບັນຫາຄວາມປອດໄພແມ່ນບັນຫາຕົ້ນຕໍທີ່ຕ້ອງແກ້ໄຂດ່ວນໃນຂະບວນວິວັດສັນຕິພາບຕາເວັນອອກກາງ,ແລະກໍ່ແມ່ນຂໍກະແຈທີ່ບັນຫາອື່ນໆໄດ້ຮັບຄວາມຄືບຫນ້າ.ຕ້ອງຊຸກຍູ້ການປະຕິຮູບກອງທະຫານຮັກສາຄວາມປອດໄພປາເລັສຕິນ,ສ້າງກອງທະຫານຮັກສາຄວາມປອດໄພປາເລັສຕິນທີ່ມີປະສິດທິພາບສູງ,ເພີ່ມທະວີການໂຈມຕີລັດທິກໍ່ການຮ້າຍ,ເພື່ອເລີ່ມຕົ້ນຂະບວນວິວັດສັນຕິພາບຄືນໃຫມ່.
ມື້ດຽວກັນ,ເຈົ້າຫນ້າທີ່ຜູ້ຫນຶ່ງຂອງພາກສ່ວນຮັກສາຄວາມປອດໄພປາເລັສຕິນເຜີຍໃຫ້ຮູ້ວ່າ, ໂດຍໄດ້ຮັບຄວາມເຫັນດີຈາກຝ່າຍອິສຣາແອນ,ຊາວປາເລັສຕິນ 55 ຄົນທີ່ຖືກຝ່າຍອິສຣາແອນເນລະເທດຈາກຝັ່ງຕາເວັນຕົກແມ່ນ້ຳຈໍແດນໄປຮອດແຖບກາຊາໃນ 4 ປີຜ່ານມານັ້ນຈະກັບຄືນບ້ານເກີດຂອງຕົນໂດຍແບ່ງອອກເປັນງວດແຕ່ວັນທີ 18 ກຸມພາເປັນຕົ້ນໄປ.
|
|