|
|
 |
| (GMT+08:00)
2005-02-22 14:42:42
|
 |
|
[ສະເໜີແຜ່ນຊີດີໃໝ່ຂອງທ້າວຊຸນຊຸນ]
cri
Author: mengmeng
 ເນື້ອເພງຂຽນວ່າ: ດົນແລ້ວບໍ່ເຫັນຮອຍຍິ້ມອັນເບີກບານຂອງເຈົ້າ, ເຫັນແຕ່ຮູບຮ່າງຜູ້ເດັດດ່ຽວໝັ້ນໜຽວຢ່າງກົ່ງໂກະກົງໂກ້ຍຢ່າງລຳບາກ. ເຖິງຈະແບກໜັກປານໃດ, ເຈົ້າກໍຕ້ອງບິນຂຶ້ນສູ່ຟ້າ. ຈົ່ງເວລາໃຫ້ຕົນເອງຫຼາຍແດ່, ຢາກຖ້າຈະຄອງໂລກ, ກໍຢ່າຫຼົງທີບ.
ທ້າວຊຸນຊຸນເຄີຍເຮັດວຽກຢູ່ຫຼາຍບໍລິສັດທີ່ມີຊື່ສຽງພາຍໃນປະເທດຈີນແລະຕ່າງປະເທດ, ແລະໄດ້ຕັ້ງບໍລິສັດຂອງຕົນເອງ. ບົດຮຽນອຸດົມສົມບູນໃນຊີວິດຍິ່ງເຮັດໃຫ້ລາວມີສາຍຕາກວ້າງຂວາງ, ແນວຄິດກໍສຸກງອມກວ່າເກົ່າ. ໃນເພງຂອງລາວ, ມີລົດນິຍົມວັດທະນະທຳອັນເຂັ້ມຂຸ້ນ, ໃນເພງທີ່ລາວແຕ່ງສອດຮ້ອຍໄປດ້ວຍການວິເຄາະວິໄຈແລະການຄົ້ນຄວ້າຕໍ່ຊີວິດ, ແລະໂລກະທັດທີ່ຝັກໃຝ່ໃຫ້ຄວາມຝັນກາຍເປັນຄວາມຈິງໃຫ້ຊີວິດແຈ້ງຮຸ່ງເຮືອງ. ການວິເຄາະວິໄຈແລະສະແຫວງຫາຊີວິດປະເພດນີ້ກໍໄດ້ຊາບຊຶມຢູ່ໃນທຸກໆເພງໃນແຜ່ນຊີດີດັ່ງກ່າວ. ຕໍ່ໄປ, ພວກເຮົາມາຟັງເພງໜຶ່ງຊື່ວ່າ Zounixiangzoudeluແປວ່າ ໄປຕາມທາງທີ່ເຈົ້າຢາກໄປ.
ເວົ້າໃນດ້ານດົນຕີ, ທ້າວຊຸນຊຸນມີຄວາມກະຕືລືລົ້ນແລະຄວາມໃຝ່ຝັນທີ່ຄົນອື່ນບໍ່ສາມາດທຽບເທົ່າ. ລາວເວົ້າວ່າ: ຂ້ອຍແຕ່ງດົນຕີ, ຄິດຢາກກອບກູ້ເອົາທົ່ວຂະແໜງການດັ່ງກ່າວ. ພວກເຮົາໄດ້ສະເໜີມະໂນພາບໜື່ງເອີ້ນວ່າສະໄໝນັກຮ້ອງຊັ້ນດອກເຕີ, ເຊິ່ງໝາຍຄວາມວ່າ, ຈະມີຄົນທີ່ມີຄວາມຮູ້, ຄວາມນຶກຄິດແລະຄຸນທາດສູງຍິ່ງຫຼາຍເຂົ້າສູ່ຂະແໜງການນີ້, ເຣັດໃຫ້ຂະແໜງການນີ້ຍິ່ງມີຄວາມຫວັງ.
ມ້ວນທ້າຍລາຍການມື້ນີ້, ເຊີນຟັງເພງ Nideai ແປວ່າຄວາມຮັກຂອງເຈົ້າເຊິ່ງຂັບຮ້ອງໂດຍທ້າວຊຸນຊຸນ. ນີ້ແມ່ນເພງໜຶ່ງທີ່ສັນລະເສີນຄວາມຮັກອັນບໍລິສຸດ, ມີເນື້ອເພງກະທັດຮັດ, ທຳນອງມ່ວນອອນຊອນແລະໄຫຼລ່ຽນ. ເມື່ອຟັງທ້າວຊຸນຊຸນຮ້ອງເພງນີ້ດ້ວຍສຽງທຸ້ມໆໂສກໆແລ້ວ, ໄດ້ຮູ້ສຶກເຖິງຄວາມໝອງໃຈແລະຄວາມສຸດວິໄສຂອງຜູ້ຮ້ອງ.
1 2
|
|
|
