|
ຕາມຂ່າວCRI: ວັນທີ 22 ກຸມພາ, ໃນງານຊຸມນຸມນັກຂ່າວທີ່ຈັດຂຶ້ນຢູ່ປັກກິ່ງ, ທ່ານຂົງສວນ ໂຄສົກກະຊວງການຕ່າງປະເທດຈີນກ່າວວ່າ, ຝ່າຍຈີນຫວັງໃຫ້ບັນດາຝ່າຍພ້ອມກັນພະຍາຍາມ, ຈັດການເຈລະຈາ 6 ຝ່າຍກ່ຽວກັບບັນຫານິວເຄຼຍແຫຼມເກົາຫຼີຄືນໃໝ່ໂດຍໄວເທົ່າທີ່ຈະໄວໄດ້.
ກ່ຽວກັບຄຳຖາມຂອງນັກຂ່າວທີ່ໝູນອ້ອມທ່ານຫວັງເຈຍຣຸຍ ຫົວໜ້າຄະນະພົວພັນຕ່າງປະເທດສູນກາງພັກກອມມູນິດຈີນໄປຢ້ຽມຢາມສ.ປ.ປ.ເກົາຫຼີແລະການເຈລະຈາ 6 ຝ່າຍ, ທ່ານຂົງສວນກ່າວວ່າ, ແຫຼມເກົາຫຼີປາສະຈາກນິວເຄຼຍ ປົກປັກຮັກສາສັນຕິພາບແລະສະຖຽນລະພາບຂອງແຫຼມເກົາຫຼີແມ່ນຄວາມຮັບຮູ້ຄືກັນຂອງບັນດາຝ່າຍ, ບັນດາຝ່າຍໄດ້ທຳຄວາມພະຍາຍາມອັນຕັ້ງໜ້າ.
ທ່ານຂົງສວນກ່າວວ່າ, ຝ່າຍຈີນຫວັງໃຫ້ບັນດາຝ່າຍ ໂດຍສະເພາະແມ່ນຝ່າຍທີ່ກ່ຽວພັນໂດຍກົງຈົ່ງພິຈາລະນາຢ່າງຕັ້ງໜ້າ, ແກ້ໄຂຄວາມສົນໃຈຂອງຝ່າຍສ.ປ.ປ.ເກົາຫຼີຢ່າງເໝາະສົມດ້ວຍຄວາມຈິງໃຈ ຄວາມຄ່ອງແຄ້ວແລະ ຄວາມອົດທົນ.
|
