|
 ໃນສະໄຫມລາຊະວົງມິງໃນປະຫວັດສາດຈີນເມື່ອກາງສັດຕະວັດທີ 16 ນັກປະພັນຈີນຜູ່ຫນຶ່ງທີ່ຊື່ວ່າອູເຊີງເອີນໄດ້ແຕ່ງນິຍາຍພິສະດານເລື່ອງຫນຶ່ງຊື່ວ່າ,ໄຊອິວ,ທ່ານໄດ້ບຸກເບີກຂົວເຂດນິຍາຍແຫ່ງຄວາມໃຝ່ຝັນຂອງຈີນດ້ວຍຈີນຕະນາການອັນອຸດົມສົມບູນ,ນິທານອັນຫນ້າອັດຈະຈັນແລະໂຄງປະກອບອັນໃຫຍ່ໂຕມະໂຫຖານ,ການແຕ່ງນິຍາຍເລື່ອງນີ້ເປັນຂີດຫມາຍສະແດງໃຫ້ເຫັນວ່າ,ວັນນະຄະດີເພີ້ຝັນສະໄຫມບູຮານຈີນໄດ້ກ້າວເຖິງຍອດສູງໃຫມ່.
ນິທານເລື້ອງໄຊອິວແມ່ນບັນຍາຍຫັນນູມານເຮັງເຈຍປ້ອງກັນພະເຖລະສຳຈັງໄປອາລາດທະນາພະໄຕປີດົກຢູ່ຊົມພູທະວີບ,ບົນເສັ້ນທາງໄດ້ພົບຄວາມລຳບາກກັນດານແລະໄດ້ຜາບຜີສາງມານຮ້າຍ,ໃນທີ່ສຸດກໍອາລາດທະນາພະໄຕປີດົກມາໄດ້.
ພະເຖລະຊວນຈວງ ໄປອາລາດທະນາພະໄຕປີດົກແມ່ນເລື້ອງຈິງຄົນແທ້ໃນປະຫວັດສາດຈີນ.ໃນລາຊະວົງຖາງ,ມີພະອົງຫນ່ຶງຊື່ພະສຽນຈວງ,ເພ່ິນອົງດຽວເຄີຍໄປອາລາທະນາພະໄຕປີດົກທີ່ດິນເດຍ,ເປັນເວລາເຖິງ 17 ປີ,ແລະໄດ້ເດີນທາງຕັ້ງຫຼາຍຫມື່ນຫລັກ,ການປະພຶດອັນຫນ້າຕື່ນເຕັ້ນດັ່ງ ກ່າວໄດ້ກາຍເປັນພື້ນສືບອັນຫນ້າອັດສະຈັນຕ່າງໆນານາທີ່ເລົ່າລືກັນຢູ່ໃນຫມູ່ຊາວບ້ານຊາວເມືອງ,ສິນລະປິນພື້ນເມືອງໃນສະໄຫມລາຊະວົງມີຈຶ່ງໄດ້ເອົາເລື້ອງນີ້ເປັນເຄົ້າເລື່ອງແຕ່ງກອນພະເຖລະສຽນຈວງໄປອາລາດຊະນາພະໄຕປີດົກ,ໃນທ້າຍລາຊະວົງຢວນແລະຕົ້ນລາຊະວົງມິງ,ພື້ນສືບໄຊອິວທີ່ຍິ່ງຄົບຖ້ວນກໍໄດ້ແຕ່ງອອກສຳເລັດແລ້ວ,ເລື້ອງໄຊອິວທີ່ແຕ່ງໂດຍທ່ານອູເຊິງເອີນ ກໍ່ແມ່ນແຕ່ງຂຶ້ນຕາມພື້ນສືບໄຊອິວດ່ັງກ່າວນີ້.
ເລື້ອງໄຊອິວທີ່ແຕ່ງໂດຍທ່ານອູເຊິງເອິນແບ່ງອອກເປັນສາມພາກສ່ວນ,ພາກສ່ວນທີຫນຶ່ງແມ່ນວາດພາບຫັນນຸມານເຫັງເຈຍກຳເນີດແລະຂຶ້ນເມືອອາລະວາດວັງພະຍາແຖນ,ພາກທີສອງແມ່ນວາດພາບຄວາມເປັນມາຂອງພະເຖລະສຽນຈວງແລະສາຍເຫດໄປອາລາດທະນາພະໄຕປີດົກ,ພາກທີສາມຍາວກວ່າຫມູ່ແມ່ນວາດພາບຫັນນຸມານເຮັງເຈຍມືສັດທາບາດເປັນພະ,ແລ້ວພ້ອມກັນກັບພະຊົວເຈຍແລະພະຍາຫມູສິນ 8 ປົກປ້ອງພະເຖລະສຽນຈວງໄປດາລາດທະນາພະໄຕປີດົກທີ່ຊົມພູທະວີບບົນເສົ້ນທາງໄດ້ຕໍ່ສູ້ກັບຜີສາງນາງໄມ້ແລະສ່ິງແວດລ້ອມທຳມະຊາດອັນທຸລະກັນດານ.
ໃນນິທານເລື້ອງໄຊອິວ ພະເອກບໍ່ແມ່ນພະເຖລະສຽນຈວງແຕ່ຫາກແມ່ນຫັນນຸມານເຮັງເຈຍ.ຫັນນຸມານເຮັງເຈຍແມ່ນພະເອກຜູ່ທີຫນຶ່ງໃນນິທານເລື້ອງໄຊອິວ,ທັງແມ່ນຫນ່ຶງໃນຈຳນວນຮູບປະພັນທີ່ເປັນຕົວແບບເດ່ັນກວ່າຫມູ່ຫມົດໃນວັນນະຄະດີບູຮານຈີນ,ຫັນນຸມານເຮັງເຈຍມີນິດໃດອວດອົງທະນົງຕົວ ບໍ່ຢ້ານຟ້າຢ້ານແຖນຫຍັງຫມົດ,ບໍ່ເອົາຫົວຊານຳອິດທິພົນໃດໆທັງສິ້ນ,ຫັນນຸມານເຮັງເຈຍມີກຳລັງວັງຊາເຕັມປ່ຽມ,ມີນ້ຳໃຈຕໍ່ສູ້ອັນແຮງກ້າ,ເພ່ິນແມ່ນຊັງອິດທິກຳລັງຂອງພວກຜີສາງມານຮ້າຍທຸກຢ່າງ,ຖ້າບໍ່ໂຈມຕີພວກມັນໃຫ້ປະລາໄຊຍ່ອຍຍັບກໍ່ບໍ່ຍອມເດັດຂາດຫັນນຸມານເຮັງເຈຍເປັນຄົນຊ່າງປາກຊ່າງເວົ້າ,ສະຫຼາດຫຼັກແຫຼມ,ມີຈິດໃຈອາລົມຂອງຄົນທຳມະດາສາມັນ,ເຖິວວ່າເພ່ິນເປັນລິງ ກິລິຍາຄ່ອງແຄ້ວ,ໃຈຮ້ອນ,ດແຕ່ເພ່ິນກໍ່ແມ່ນເທວະດາ,ມີອະພິນິທານແລະມີແສນຍານຸດພາບອັນກ້າເກັ່ງກັບເພດໄດ້ຫຼາຍສິ່ງຫຼາຍຢ່າງ,ຄວາມເປັນມະນຸດຂອງເພິ່ນເຮັດໃຫ້ເຮັດໃຫ້ຄົນຮູ້ສຶກສະຫນິດສະຫເນົມ,ສ່ວນຄວາມເປັນລິງພັດເຮັດໃຫ້ຄົນຮູ້ສຶກຫນ້າຮັກ,ຄວາມເປັນເທວະດາຂອງເພິ່ນໄດ້ເຮັດໃຫ້ຄົນຮູ້ສຶກປະຫຼາດໃຈ,ສົມພໍຜູ່ອ່ານຈ່ິງຕິດອົກຕິດໃຈນຳຮູບປະພັນວັນນະຄະດີດັ່ງກ່າວ,ນອກຈາກຫັນນຸມານເຮັງເຈຍແລ້ວ,ອີກຫຼາຍບຸກ
ຄົນໃນຫນັງສືເຫຼັ້ມນີ້,ຄືພະຍາຫມູສິນ 8 ແລະພະຊົວເຈຍ,ກໍຕ່າງມີນິດໃສໃຈຄໍຂອງໃຜລາວອັນໄດ້ສ້າງພາບພົດໄວ້ກັບຜູ່ອ່ານຢ່າງເລິກເຊ່ິງ.
ຈຸດພິເສດເດັ່ນກວ່າຫມູ່ຂອງເລື້ອງໄຊອິວແມ່ນມີຈິນຕະນາການອູດົມສົມບູນແລະແປກປະຫຼາດ.ຢ່າງວ່າຫັນນຸມານເຮັງເຈຍມີອະພິນິຫານເກັ່ງກ້າ,ດັບເພດໄດ້ 72 ຢ່າງ,ສາມາດເຫີນຈຸຟ້າ,ທັງສາມາດກັບກາຍເປັນແມງໄມ້ໂຕນ້ອຍໆ,ພວກຜີສາງມານຮ້າຍແມ່ນມີຫຼາຍວາດຫຼາຍຊົງ,ເຊັ່ນ:ປີສາດຊ້າງໃຊ້ງວງມັນມ້ວນເອົາຄົນ,ປີສາດລິງອ້າປາກບາດຫນຶ່ງກໍ່ກືນກິນທະຫານໄດ້ຕັ້ງແສນ,ຜີສາດແມງມຸມກໍຍິ່ງເປັນຕາເບິ່ງ,ພວກມັນຜູ່ໃດກໍສາວໃຍອອກມາຈາກສາຍບືຂອງຕົນໄດ້,ຈີນຕະນາການເຫຼົ່ານີ້ທັງເປັນຫນ້າປະຫຼາດທັງສົມເຫດສົມຜົນ.
ເລື້ອງໄຊອິວແມ່ນບົດປະພັນວັນນະຄະດີອັນເດີເລີດໃນສະໄຫມຈີນບູຮານ,ມີຄົນເອີ້ນເລື້ອງໄຊອິວ,ເລື້ອງຄວາມຝັນໃນວິມານແດງ,ເລື້ອງສາມກົກແລະເລື້ອງສຸຍຮູເປັນບົດປະພັນຊື່ດັງທັງສ່ີໃນສະໄຫມຈີນບູຮານ.
ນິຍາຍພິສະດານເລື້ອງຄວາມຝັນໃນວິມານແດງ ເປັນຕົວແທນຜົນງານສູງສຸດຂອງນິຍາຍໃນສະໄຫມຈີນບູຮານ,ບໍ່ພຽງແຕ່ປະຊາຊົນຈີນໃຜໆກໍ່ຮູ້ຈັກທໍ່ນັ້ນ,ບົນເວທີວັນນະຄະດີໂລກກໍ່ແມ່ນບົດປະພັນທີ່ມີຊື່ສຽງເຊິ່ງໃຜໆກໍຮັບຮູ້ນຳກັນ,ຕໍ່ໄປເຮົາຂໍສະເຫນີທ່ານສາວເສຍະສີ ນັກແຕ່ງນິຍາຍຜູ່ດີເລີດຂອງຈີນແລະເລື້ອງຄວາມຝັນໃນວິມານແດງທີ່ທ່ານເປັນຜູ່ແຕ່ງ.
|
